Daniyel 4:6 - Ɗû na sɗik na wiini Alaw

⁶ Mu miɗini Beltasar, abaiɗi ɗai zi hiila, tuku na mu siɗa ɓa seze na wiini alawai na sɗik aŋ muduku, na wala zi ŋoyai ktai na suwuku aŋ kai, muɗaŋa miɗini wala n'a siŋka ara war weseŋ ɗa, siŋkiŋa ezini edi lai.

Daniyel 4:6 Iomraidhean Croise

Niyi n'edi 7:11

Amma Faraw a yikiɗisi ɗai na yalakai gaiɗi zi siɗi wuti ɗai zi zi hiila na war Egipte, e zi hanɗa kal kal maiɗi nagai nɵa.

Esaya 8:19

Na ɓa ɗai e miɗiki ɓa: Hili miɗi ɗai zi siɗi wuti, gaiɗi n'e zilbi sezeɗi ɗai zi mri n'e yibi hûwit, gaiɗi n'e ŋûriyi gai ŋuriyi won hlai n'e miɗi miɗini wazagai na wuze lai ɗa a futini, ɗai aga e zilbi tini alawai na wiiɗi kai ɗi? Zaw e zilbiɗi zi mri, buriɗi na karɗi kai ɗi? Na ɓa e ɗa midiki ɵa ɗa,

Daniyel 1:17

Wiiɗi gawlakai na puɗu hanɗa Alaw a siɗi siɗi, a hitriɗi midini ɗû paŋ midini yel paŋ lai; amma Daniyel ɗa a siɗa ezini wala zi siŋki gaini weseŋ zi pɵi n'a za paŋ.

Daniyel 2:2

Pai a sa futi buri e yikiɗinisi ɗai zi hiila, zi siɗi wuti, zi zi evek

Daniyel 2:48

Nɵa pai a riya Daniyel amai, a sini katu n'abakai viya lai, a tikaŋ aŋ Lawan na wiiɗi Babilon, a tikaŋ aŋ abai midiɗi ɗai na yalakai na war Babilon paŋ.

Daniyel 4:15

Hanɗa a weseŋ na pɵaŋa, ta pai Nebukadnezar, tiyana tuku Baltazar, siŋkiŋa ezini edi. Buri ɗai na yalakai na warɗi paiŋa paŋ e kiɗi aŋ siŋkiŋa ezini edi kai, amma tuku ku kiɗa, buri k'aŋ gaini sezeni alawai na sɗik muduku.

Daniyel 5:11

Avut par, war mefeŋ na wiini apuku, ɗif ktai a na ka, yikini ɓa Daniyel, tiyana a na midini aftiku lai, seze na wiini alawai na sɗik aŋ sini, n'a sɗa wala n'a vuga gaini na wuze. A siɗa ezini wazagai n'a hulamai, yel na midini ɗa, maini na wiiɗi alawai nɵa. Pai Nebukadnezar n'apuku a tikaŋ aŋ abaiɗi ɗai zi hiila, z'evek, midiɗi paakaiɗi zi ɓaka gyɗi zi siɗi wuti lai. Hanɗa a wala na pai n'apuku a zaŋ.

Daniyel 5:7

Pai a ɗuula gaini gdaŋni buri e yikiɗiŋsi ɗai zi zi evek, paakaiɗi zi ɓaka, gaiɗi zi siɗi wuti lai. Pai a tika seŋ a miɗiɗi wiiɗi ɗai na yalakai na Babilon: Asiaɗi paŋ na ŋa ɗû hanɗa li, a siŋkiŋa ezini hanɗa li lai, aga mu witini sapai zi pai sini, aga mu ɵitini aiduwi zi or wulani, aga aŋa arbaɗi n'abakai na hu na midiɗi pai.