Daniyel 4:3 - Ɗû na sɗik na wiini Alaw

³ Mu sa futi buri e yikiɗiŋasi ɗai na yalakai na war Babilon paŋ aha sa kapai e siŋkiŋa ezini weseŋ zi pɵi hanɗa.

Daniyel 4:3 Iomraidhean Croise

Yob 25:2

Alaw ɗa spakni ɗa abai gara, sabab gara lai, a sa ɵeɗ haa war hlai n'amai.

Yama na wiini David 104:24

Sda na ku zaŋ ɗa viya gara EPIƊ-ƊAI, ku za hanɗa paŋ gaini yel, afti paŋ a va gaini sɗa na ku zaŋ ɗa.

Yama na wiini David 105:27

E zi wazagai zi siŋki aha arbaɗi, gaini wazagai zi hiila lai midini afti na wiini Kam.

Yama na wiini David 145:13

Paiku ɗa, te pai na vidiɗi aŋ kai, ŋi na ku ŋa ɗa ha sini pinziba na wuzaku sek. Alaw a jre war wazagai n'a zaŋ ɗa paŋ, a pɗem war sdakaini paŋ lai.

Yama na wiini David 66:7

Gaini spakni a ŋa haa hlai n'a vada kai, arni aŋ midiɗi pinzibaɗi ɗai paŋ. A pɗem ɓa nagai n'e ɵini pini kai ɗa e fiki seŋ kai. Sela

Yama na wiini David 72:18

Kol sini EPIƊ-ƊAI Alaw, Alaw na wiiɗi Izrayel, Ni n'a za wazagai zi hiila, n'a bunda ɗif hiyak a Ni ktai.

Yama na wiini David 77:19

Pini ɓarai na ku ɓara ɗa, wilɗi a za gaglai midiɗi yai paŋ war avuli vuli, afti a muguza, a ziriya.

Yama na wiini David 86:10

Buri ɓa tuku k'abai, ku za wazagai n'a bunda ɗif hiyak, Alaw ɗa ku tuku ktai.

Yama na wiini David 92:5

EPIƊ-ƊAI, sdaku na ku zaŋ ɗa, a saŋa Firiyi gara, mu ɗuula gaini Firiyi won hlai na mu tala sɗa na ku zaŋ gaini tuku ɗa.

Esaya 25:1

EPIƊ-ƊAI tuku k'Alaw na wiya, Mu suku kol, mu kola yikiku amai, Buri ku za wazagai n'abakai na bunda ɗif hiyak, Wazagai na haa gamai par, na muguza kai, na gdaŋai.

Esaya 28:29

Yel hanɗa lai a halasi sini EPIƊ-ƊAI zi spak paŋ par, na yelni ɗa a bunda ɗif hiyak, yelni n'a za wala gaini ɗa abai gara lai.

Esaya 9:7

EPIƊ-ƊAI a ɵinasi seŋ ktai midiɗi pinzibani Yakob, seŋ hanɗa a kɵa midiɗi pay na Izrayel.

Yeremiyas 10:10

Amma EPIƊ-ƊAI ɗa a Alaw jre, a Alaw na karni, a pai n'a na haa kureɗ, a za hiyli ɗa afti a ziriya, a sawa li ɗa, tiɗi ɗai a ɵa mini kaalai.

Daniyel 2:2

Pai a sa futi buri e yikiɗinisi ɗai zi hiila, zi siɗi wuti, zi zi evek

Daniyel 2:44

War mefeŋɗi paakai hanɗa, Alaw n'amai aga a kitisi pai ktai n'aga te ɓulka edi kai zaŋ, na paiɗi te sa tini pinziba zamai kai, aga te sara, te vada paakai hanɗa paŋ edi, aga te suma haa, haa kureɗ.

Daniyel 4:17

Luwuŋ na ku talaŋ n'a bunda abai gargali, gdaŋ lai, na wûlini haa amai sini ɗugul ta, na ɗai na war koŋɗi yai na puɗu paŋ arɗi sini ca ca,

Daniyel 7:14

spak, abai na pɗem gaiɗi pai lai a sa sini. Ɗai na war pinziba paŋ, midini afti paŋ, war meme meme paŋ lai aga e zi ɵeŋni, spakni a spak n'a vada kai, n'aga a sumna haa, paini te pai n'aga te ɓilka edi duk kai zaŋ.

Daniyel 7:27

Amma pai gaini spak gaiɗi abai na wiini pai na midiɗi yai paŋ a sa siɗi ɗai na sɗik na wiini Alaw n'Amai. Paiɗi te pai na te vada kai, ɗai zi spak na midini afti paŋ e hûrgû azumai wuzani, e gidi pini lai.

Romekai 11:33

Alaw ɗa abai gara, yelni gaini siɗini ɗa hulum gara lai, sariyani ɗa, ɗif a kiɗa a sɗa futini kai, wala n'a firiya a zaŋ ɗa, ɗif a sɗa ezini kai.

Wiyi na midini gadai 4:34

Zaw Alaw ktai maini Alawki nɵa, n'a kiɗa yivai ktai aŋ miliɗisi ɗai edi tiɗi gawɗi par, gaini hiila n'abakai, gaini wazagai zi siŋki, gaini hatam gaini spak n'abai lai a na ɗi? Zaw kai zaŋ, amma EPIƊ-ƊAI Alaw na wiiki a milikisi edi war bege na wiiɗi Egipte par, maini arki a tala hanɗa nɵa.

1 Timotewus 1:17

Kol gaiɗi abai sin Pai n'a vada kai, n'a mra kai, na ɗif a talaŋ kaalai, Alaw na ktai, haa hlai n'a vada kai, n'a vada kai. Amen.

Hebrekai 1:8

Amma burini Ahini a muɗa maini nɵa: Paramai zi pai na wiiku, Alaw, te na ɵa haa hlai n'a vada kai, n'a vada kai, Amaraŋai zi pai na ku ŋa gaiɗi ɗa, t'amaraŋai zi pai na wiini jre-ɗikat.

Hebrekai 2:4

Alaw a sa spak wiini zaidaɗi n'e ziŋ war wazagai zi siŋki, zi hiila, gaini pinzibani hiila na kiini kiini, gaini ɓraw n'edi na wiini like na wiini seze sɗik pin dirini lai ɗa.

1 Peter 4:11

Na ɓa ɗif a ɓaka seŋ ɗa aga a ɓakaŋ maini na ɓa a seŋ na wiini Alaw nɵa, na ɓa a za sda zi zinai ɗa, aga a zaŋ gaini gdaŋ n'Alaw a siŋni ɗa, kapai war wazagai paŋ Alaw a nava kol war Yesu Kristu, ni n'abai gaini spak paŋ a wiini haa hlai n'a vada kai n'a vada kai. Amen.

Siŋki n'edi 11:15

Nɵa, ɗif zi ɵeŋ na war fuŋ-n'Alaw n'ag'aŋ muguzak a biyiti faanai na wiini ɗa, wule n'abakai a wasi amai war fuŋ-n'Alaw par a muɗa: Pai na midiɗi yai ɗa, te sa war tini Epiɗ-ɗai na wiimu gaini Kristu na wiini. Aga a ŋa haa hlai n'a vada kai, n'a vada kai.