Daniyel 4:19 - Ɗû na sɗik na wiini Alaw

¹⁹ hanɗa ku tuku, jaamus buri ku bunda abai gaini spak lai, abaiku te wula haa te daba pini ɗugul ta, spakku a wa tini edi haa sini koŋɗi yai na puɗu paŋ.

Daniyel 4:19 Iomraidhean Croise

Pi zi tiki 31:35

Nɵa te miɗini wiini epiɗi: Epin-geza warni a tuura sa kai, na ɓa mu faka amai wuzaku kai ɗa hanɗa buri walaɗi falakai aŋ sa. A paya haa a nava alawaini kai.

Pi zi tiki 32:18

Asakal par a sa gadai wiini ɗif zi sda n'avut a muɗa: Won hlai na Ezaw na tawala a nava li gaiku a zilbuku li ɓa: Tuku ku wiini asiya ɗa, ku hala fu wata ɗa? Fara n'aŋ wuzaku ɗa a wiini asiya ɗi ɗa?

Pi zi tiki 40:12

Yosef a miɗini: Weseŋ a siŋka maini nɵa: Tini luwuŋ na hu a mefeŋ hu,

Lokwita n'avut na wiiɗi paakai 18:7

Won hlai na Obadiya aŋ warɗi futi blaŋ, Eliyas a hala mini, Obadiya a sɗa Eliya ɗa a bla sini azumai, a pa arni azumai midini afti a muɗa: ku tuku Eliyas n'epin-geza tiɓ ɗi?

Niyi n'edi 32:32

Amma tiyana siɗi ni burini tuwurɗi, na ɓa ɵa kai ɗa mu siiwuku ɓa ku haza yikiŋa na ku ɗoŋ war maktuɓ edi grid.

Yeremiyas 29:7

Ki piyi jam na wiini fuŋ n'abai na mu kiki woni, ki siiwi EPIƊ-ƊAI burini lai, buri ɓa ki kiɗi ki simni jam won hlai na fuŋni a na jam.

Yeremiyas 4:19

Agula ɗa, agula ɗa, agula te naɓa a niɓi edi, mu kiɗa mu doogo ma kir kai, buri tuwini faana na mu ɵinaŋ gaini suura na mini gaw ɗa.

Daniyel 1:7

Abaiɗi ɗai zi sda a ɵiɗi yiki zamai. Wiini Daniyel a ɵini yiki ɓa Beltasar, na wiini Hananiya e ɵini yiki ɓa Sadrak, wiini Mikayel e ɵini yiki ɓa Mesak, wiini Azariya e ɵini yiki ɓa Abed-Nego lai.

Daniyel 2:26

Pai a tika seŋ a miɗini wiini Daniyel na zinani Beltasar: Ku kiɗa aŋ siŋkiŋa weseŋ gaini ezini edi ɗi?

Daniyel 2:37

Jaamus, paiɗi paakai, tuku n'Alaw n'amai a sutuku pai, spak, gdaŋ gaiɗi abai na pɗem war tuku;

Daniyel 4:24

Buri nɵa, jaamus, mu siiwuku ɓa ku yima seŋa ɗa, ku hina tuwur edi, ku za jre-ɗikat, ku hina meefeŋku edi, ku hiina haw buriɗi ɗai na murgakai lai, ablaŋtaŋkai ɗa aga ku nava simniku na war ɵeɗ, aga ku toraɗi ka agwiya ɗi ɗa.

Daniyel 5:12

Buri e nivi ɓa, Daniyel na pai a ɵini yiki ɓa Baltazar aŋ gaini seze na kiini ta sini, a siɗa ezini wazagai na hulamai lai. Gaini hanɗa a kiɗa aŋ siŋka ezini weseŋ zi pɵi, a siɗa ezini seŋ zi joriyo, a zizina seŋ lai. Nɵa tiyana mu yukumusi Daniyel ɗa, aga a siŋkumu ezini hanɗa edi.

Daniyel 5:18

Jaamus, Alaw n'amai ɗa a sitini pai, abai na pɗem gaini hormo lai wiini Nebukadnezar n'apuku ta;

Daniyel 5:19

Buriɗi abai na te sa sini ɗa, ɗai na war pinziba paŋ, midini afti paŋ, war meme meme paŋ e ziriyi tiɗi hunai wuzani, a fuɗa ɗif pin dirini, a hina ɗif karni pin dirini, a sa rɗi n'amai wiini ɗif pin dirini, a hosa ɗif azumai pin dirini lai.

Daniyel 7:15

Sezeŋa ta Daniyel a kwima gara amlai war sa, wazagai n'a siŋka ara, a mulaŋa hunai pa gara.

Daniyel 7:28

Weseŋ a ɗiya nɵa ta, ta Daniyel hiiniŋa a turla gara, keɵkeŋa a gɵa duk, muŋoya seŋ hanɗa warɗi agula.

Daniyel 8:27

Ta Daniyel, hangala a pra edi sa par, mu bunda veglek haa mefeŋ yaw. Asakal par, mu faka amai mu za sda na wiini pai, hunai n'amai te yimaŋa buri wala n'a siŋka ara, amma ɗif a siɗa hanɗa sa kai.

Habakuk 3:10

Won hlai na huwaŋai a tuluku a ziriya, Yem zi ki a vuga gaini gdaŋni; huduk na wuŋŋa a kasi tuwini edi, a yima tini amai.

1 Samuwel 1:15

Anna te wiyini seŋ: Epin-geza, ta ɗa mu muni na haw, amma m'aŋ gaini ciini kai, mu ca vin kaalai, sul zamai kaalai, mu tuwa na ɗa wuzani EPIƊ-ƊAI.

1 Samuwel 24:8

Pin seŋ n'a miɗiŋɗi ɗa, hiiniɗi ɗai na wiini David ɗa a ɗiya zaw, e zi wala na meefeŋ sini Sawul kir kai. Sawul a niyasi edi war waŋ ɗa par, aŋ kiti morkoini wuzani sek.

1 Samuwel 26:15

David a miɗini wiini Abner: Tuku ku wus, a na ɵa kai ɗi? Aha war Izrayel ɗa, ɗif na maiku ɵa ɗa asiya ɗa? Ku giɗima pai n'epin-gezaku kai ɗa buri ma ɗa? Ɗif ktai a halaɗi aŋ fuɗaŋ edi koo!

1 Samuwel 3:17

Eli a zilbaŋ a muɗa: A muɗuku maɵa ɗa? Za barka ku ŋoya wala ktai wuza kai. Na ɓa ku ŋoya wala ktai li arbani wazagai n'a muɗuŋku par ɗa, Alaw a zuku nɵa lai, nɵa lai.