Daniyel 3:7 - Ɗû na sɗik na wiini Alaw

⁷ Nɵa won hlai na ɗai paŋ e ɵinili wulani hum, algaita, gaŋgraŋ, edil gaini wazagai zi yama zamai zamai, ɗai na war pinziba, paŋ par, afti paŋ par, meme meme paŋ lai, e hûrgû azumai e siiwi tini Alaw zi rgi zi or na wiini pai Nebukadnezar.

Daniyel 3:7 Iomraidhean Croise

Yeremiyas 51:7

Babilon te na fu te kup zi or war tini EPIƊ-ƊAI, na ɗai na midini afti paŋ e ciini gaini vinɗi, pinzibaɗi ɗai paŋ e cii vin na warɗi ɗa, buri hanɗa, hangalɗi paŋ a pra edi.

Daniyel 2:46

Nɵa pai Nebukadnezar a hurga azumai, a pa arni azumai wuzani Daniyel, a sini kol, a sa futi buri e zini ɓaka gaini wazagai zi lûgûzi na pɗem.

Daniyel 3:10

Jaamus, tuku gaini muduku dama ku sa miɗi ɓa: ɗif n'a ɵinali wulani hum, faana, gaŋgraŋ, amiyok, adill, gaini wazagai zi yama zamai zamai paŋ, a hurga azumai, a siiwa tini Alaw zi rgi zi or kai ɗa

Daniyel 3:4

Paiɗi fet a ɗuula gaini wulani amai a muɗa: Mu na midiki tiki ɗai na war pinziba paŋ par, na midini afti na kiini kiini par, na war meme kiini kiini lai, ɵini seŋ hanɗa.

Daniyel 3:5

Won hlai na ki ɵinili tuwini faana, algaita, gaŋgraŋ, amiyok, edil gaini wazagai zi yama zamai zamai ɗa, ki hûrgû azumai wuzani Alaw zi rgi zi or na pai Nebukadnezar a ɗiyaŋ wuzaki.

Daniyel 3:6

Asiya asiya paŋ n'a dara a hurga azumai wuzani kai, a siiwa tini kaalai, tizaw aga e bliŋ warni waŋ z'afu n'abai.

Daniyel 3:8

Asakal par tar paakai zi ɓaka na wiiɗi e hilisi e pi seŋ midiɗi Yudiyakai.

Sdaɗi Apostelai 14:16

A ɗipar ɗa, Alaw a hiniɗi pinzibaɗi ɗai paŋ aŋ zi maini n'e diri nɵa,

1Yohana 5:19

Tumu mu suɗumu ɓa mu ɗumu na wiini Alaw, mu suɗumu lai ɓa duniya na gaini abaiɗi te na azumai pin spak na wiini ni na meefeŋ.

Siŋki n'edi 12:9

Wala-meefeŋ-n'abai n'abai, wala meefeŋ na war pi zi tiki par, n'e yikiŋ ɓa Mat gaini Satan, ni n'a wûliɗi ɗi na midiɗi yai ɗa paŋ edi, e biliŋsi azumai, e biliŋsi azumai midiɗi yai ɗai zi ɵeŋ na wiini gaini lai.

Siŋki n'edi 13:14

A wula ɗai na midini afti ɗa edi, gaini wazagai zi siŋki n'a sa sini aŋ zaŋ wuzani wala n'ezini puɗu ɗa, a miɗiɗi wiiɗi ɗai na midini afti buri e rgi wala ktai maini wala n'ezini puɗu n'e zini wuruk gaini kaɵkar, n'asakal par a bunda karni ɗa ɵa.

Siŋki n'edi 13:3

Humokni ktai ɗa a nava wuruk n'abai n'a kiɗa a nava mri mini, amma wuruk n'abai hanɗa, a zuula. Ɗai na midini afti paŋ e bindi hiyak, e tipi pin wala-n'ezini puɗu hanɗa.

Siŋki n'edi 13:8

Ɗai na midini afti paŋ, na yikiɗi aŋ gai ɗû haa war piɗi yai zi tiki par, war maktuɓ zi suŋfa na wiini Ahiɗi-adumi n'e fiɗiŋ edi kai ɗa, aga e hûrgû azumai wuzani.

Siŋki n'edi 17:8

Wala n'ezini puɗu na ku talaŋ hanɗa, a na ka, tiyana aŋ kir kai, aga a niyasi amai war huduk na wuŋŋa par, hala sin bi n'edi, ɗai na midini afti na nagai na yikiɗi aŋ gai ɗû war maktuɓ zi suŋfa war piɗi yai zi tiki par kai ɗa, aga e bindi hiyak won hlai n'aga e tili wala n'ezini puɗu hanɗa, buri ɓa a na ka, tiyana aŋ kir kai, amma aga a wayasi pra ɗa.

Siŋki n'edi 19:20

E yimi wala n'ezini puɗu ɗa gaini ɗif na min Alaw na jre kai, n'a za wazagai zi siŋki wuzani wala n'ezini puɗu ɗa, na gaini hanɗa, a wûliɗi nagai na wala zi siŋki na wiini wala n'ezini puɗu a tika siɗi ɗa, n'e hûrgû azumai wuzani wala zi rgi n'a sɗa maini ɵa ɗa. Nagai sulu paŋ e pukuɗi karɗi warɗi avai z'afu, na sufre a na ya woni.