Daniyel 3:4 - Ɗû na sɗik na wiini Alaw

⁴ Paiɗi fet a ɗuula gaini wulani amai a muɗa: Mu na midiki tiki ɗai na war pinziba paŋ par, na midini afti na kiini kiini par, na war meme kiini kiini lai, ɵini seŋ hanɗa.

Daniyel 3:4 Iomraidhean Croise

Ester 8:9

War mefeŋ ni e yikiɗisi sekreterai na wiini pai, a za na war mefeŋ na caaɓa pi hu na wiini tile n'ag'aŋ hu, a dara a muɗa tile na wiini Sivaŋ, e ɗû seŋ paŋ kal kal maini na Mardokai a na muɗaŋ war mini par nɵa, e ɵiniŋɗi wiiɗi Yudiyakai, wiiɗi Satrapai, wiiɗi Lawanai gaiɗi n'abakai na midini afti na miya gaini caaɓa pi muguzak ɗa paŋ, siɗi Indiya par haa siɗi Etiyopiya ta, e ɗû war ɗû na wiini aftini Lawan paŋ, war meme na wiini ziba ziba paŋ lai, siɗi Yudiyakai war ɗû na wiiɗi gaini meme na wiiɗi lai.

Esaya 40:9

Siyon, tuku na k'aŋ gaini labar na pɗem muku, niya amai midiɗi huwuŋi na muguwi, Yeruzalem, tuku na k'aŋ gaini labar na pɗem muku, ɗuula gaini gdaŋku ɗuula, ku huna kai, miɗini wiini fuŋ n'abakai na Yuda ɓa: Alaw na wiiki a na.

Esaya 58:1

Ɗuula gaini gdaŋku, ku ba muku kai, maini faana zi piɵi nɵa, ɗuula gaini wulaku amai, siŋkiɗi wiiɗi ɗaiŋa gat-kaiɗi ɗa, siŋkiɗi wiiɗi ɗai na war dalamni Yakob meefeŋɗi ɗa.

Daniyel 3:10

Jaamus, tuku gaini muduku dama ku sa miɗi ɓa: ɗif n'a ɵinali wulani hum, faana, gaŋgraŋ, amiyok, adill, gaini wazagai zi yama zamai zamai paŋ, a hurga azumai, a siiwa tini Alaw zi rgi zi or kai ɗa

Daniyel 3:3

Nɵa satrapai, ɗai zi giɗimi wazagai, lawaŋai, ɗai zi si gadai, ɗai zi giɗimi godai, ɗai zi rgi gadai, zi ɗûklûti sariya, n'abakai zi ɵi wuze, ɗai zi sda paŋ e diŋgisi, e ɗiyi wuzani Alaw zi rgi na wiini Nebukadnezar buriɗi fet.

Daniyel 3:7

Nɵa won hlai na ɗai paŋ e ɵinili wulani hum, algaita, gaŋgraŋ, edil gaini wazagai zi yama zamai zamai, ɗai na war pinziba, paŋ par, afti paŋ par, meme meme paŋ lai, e hûrgû azumai e siiwi tini Alaw zi rgi zi or na wiini pai Nebukadnezar.

Daniyel 4:1

Ta Nebukadnezar mu na fu aha war dalamŋa, war hangala, war muluk.

Daniyel 4:14

Wala n'a za hanɗa a za pin ɗiyini seŋ na wiiɗi ɗai zi ɵeŋ zi giɗimi, seŋ hanɗa a za pin miɗi na wiiɗi na sɗik lai, kapai ɗai na karɗi e siɗi ɓa Alaw n'Amai a epingezaɗi paakai paŋ, a siti pai wiini ni n'a daraŋ a sa rɗi n'amai wiini ɗif n'asakal piɗi marni lai.

Daniyel 6:25

Asakal par pai a sa futi buri e yikiɗinisi nagai n'e pi seŋ midini Daniyel, e pûkûɗi war waŋni gurnai, nagai, aliɗi gaiɗi falakaiɗi lai. E kiɗi maa azumai pini waŋ kai, gurnai a priɗi, a ɓisiɗi edi.

Hoseya 5:11

Pinzibani Efrayim a na sɗa gir, e ɗa kirpiŋ gaini sariya na jrekai ɗa lai, buri ɓa a tika futi pin smer.

Mika 6:16

Tiki, ki tiki ezini Omri, gaini sda n'a za war dalamni Akab paŋ. Tiki ki piyi na maiɗi nagai e piyi nɵa, buri nɵa, aga mu vidiki edi, ɗaiki aga e bindi aŋ wala zi yewere, aga ki libi siyer na wiiɗi ɗaiŋa.

Siŋki n'edi 5:9

Nagai e zini yama na hehe maini nɵa: tuku ku kiɗa aŋ tika maktuɓ hanɗa, aŋ haza tampoŋni edi lai, buri tuku ku nava fiɗi n'edi, gaini felku ku wuriɗisi ɗai aŋ wiini Alaw ɗai na war pinziba paŋ par, na war me me paŋ par, arbaɗi ɗai paŋ par, midini afti paŋ par lai;