Daniyel 3:18 - Ɗû na sɗik na wiini Alaw

¹⁸ Koo ɓa a za hanɗa kai tekeɗeɗi, jaamus, tiyi aga mi hûrgû azumai wuzani alawai na wiiku kai, mi mi siiwi tini Alaw zi rgi zi or na wiiku kaalai.

Daniyel 3:18 Iomraidhean Croise

Lokwita n'avut na wiiɗi paakai 19:14

A waya seŋ a muɗa: EPIƊ-ƊAI, Alaw zi spak paŋ, ta mu duruku abai gara, amma ɗai na Izrayel e hini bonu na ku zaŋ gaiɗi edi mak, e hû giwiŋ zi yi ɓaka na wiiku azumai, e fiɗiɗi ɗaiku na mini Alaw edi gaini kaɵkar lai. Mu hina na ɗa kiya ktai, tiyana e firiyi e fiɗiŋa edi lai.

Lokwita n'avut na wiiɗi paakai 19:18

Amma aga mu hina ɗai piɗi agwi, dai dai dubu muguzak ta, e ɗi nagai na kurnaiɗi a hurga azumai wuzani alaw Baal kai, na miɗi a sisiɓa mini kaalai.

Yob 13:15

Na ɓa a dara ɗa a fuɗaŋa wiini, mu na baiya wala zamai kir kai, amma sai aga mu muɗa jreŋa edi wuzani.

Seŋ joro 28:1

Ɗif na meefeŋ ɗa a lawa kiini koo ɓa ɗif a birgaŋ pini par kai, amma ɗif na jre ɗa, a hala gaini hangalni maini ahini gurnai nɵa.

Daniyel 3:28

Nebukadnezar a tika seŋ a muɗa: Kol sini Alaw na wiini Sadrak, Mesak gaini Abed-Nego, n'a ɵinasi ɵeŋni aŋ kûriɗi zi sda edi, buri e hini siɗi war tini. E hi amai midini gadai na wiini pai, e si siɗi edi min mri, e diri e hûrgû azumai wuzani Alaw na zamai kai, aŋ siiwi tini kaalai, sai tini Alaw na wiiɗi ktai.

Levitekai 19:4

Ki bindi arki sini alawai na zamai na jrekai kai ɗa kai, ki zizini alawai zi rgi gaini kawai n'a hiliya kaalai, EPIƊ-ƊAI Alaw na wiiki mu ta.

Matewus 10:28

Ki hûniɗi nagai n'e fiɗi si, amma e kiɗi aŋ fiɗi suŋfaɗi agul ɗa kai ɗa kai, amma ki hûni n'a siɗa aŋ ba suŋfaɗi agul gaini si paŋ arni afu n'a vada kai.

Matewus 10:39

Ni n'a godo suŋfani li ɗa aga a baŋ, ni n'a ba suŋfani li buriya ɗa aga a navaŋ.

Matewus 16:2

A waya seŋ siɗi a miɗiɗi won hlai na futi-koskoi te za li ki miɗi, hlai aga a za pɗem buri ɗugul a na mekele.

Sdaɗi Apostelai 4:19

Peter gaini Yohana e wiyi seŋ e miɗi: Wuzani arni Alaw ɗa, mi ɵini piki tiki a suwa na pini Alaw ɗa war futini ɗi? Tiki ki tili hanɗa haw!

Hebrekai 11:25

A firiya ɓa a tapa war gir gaiɗi ɗai na wiini Alaw a suwa simni na war firiyi na war tuwur buri hlai n'agwi.

Yosva 24:15

Na ɓa ɵeŋ na pini EPIƊ-ƊAI a tala arki pɗem kai ɗa, girna viri a siya na ki diri ki ɵini pini. Zaw alawai na kadai na tamaiki e ɵini pini anene par duɓani ra Öfrata ɗa, zaw alawai na wiiɗi Amoritekai na ki simni tiyana midini aftiɗi ɗa. Amma ta gaini dalamŋa ɗa, aga mi zi ɵeŋni EPIƊ-ƊAI.

Siŋki n'edi 12:11

Amma Mikayel gaiɗi ɗaini ɗa e rɗi amai midini burini fel na wiini Ahiɗi-adumi, burini seŋ n'e zi zaida miɗini lai, nagai e si suŋfaɗi edi ta, e hûni mri ɗa kai.