Daniyel 3:12 - Ɗû na sɗik na wiini Alaw

¹² Amma Yudiyakai zamai na ku miliɗi miɗini sda n'abakai na midini afti na Babilon maini: Sadrak, Mesak, gaini Abed-Nego. Ɗai hanɗa jaamus, e diri e zi pini gadaiku hanɗa kai, e diri e hûrgû azumai wuzani alawai na wiiku kai, e diri e siiwi tini Alaw na ku rgaŋ kaalai.

Daniyel 3:12 Iomraidhean Croise

Ester 3:8

Haman a miɗini wiini pai Serkises, jamus, pinziba ktai a na, aŋ gaini ɵiri edi arbani pinziba na zamai, midini aftiɗi lawaŋaiku paŋ, gadaini zi ɗiyi kiini lai, a kata gaini na wiiɗi ɗai na zamai ɗa kai, a ɵina pini gadai na wiini pai ɗa kaalai, na ɓa pai a hinaŋ li maini nɵa aga a zina pini kai.

Seŋ joro 27:4

Hiy n'abai ɗa a wala na sabab gara, hiy ɗa a na maini ra n'a huŋva edi nɵa, amma sile ɗa, n'a kiɗa a ɗiya mini ɗa asiya ɗa?

Ɗif zi ɓiki seŋ 4:4

Ta mu tala ɓa sda paŋ, sda n'a ɵa edi pɗem paŋ, a sile n'aŋ warɗi ɗai siɗi marɗi. Hanɗa kaw a meere kadai, a luwi na pini smer.

Daniyel 1:7

Abaiɗi ɗai zi sda a ɵiɗi yiki zamai. Wiini Daniyel a ɵini yiki ɓa Beltasar, na wiini Hananiya e ɵini yiki ɓa Sadrak, wiini Mikayel e ɵini yiki ɓa Mesak, wiini Azariya e ɵini yiki ɓa Abed-Nego lai.

Daniyel 2:48

Nɵa pai a riya Daniyel amai, a sini katu n'abakai viya lai, a tikaŋ aŋ Lawan na wiiɗi Babilon, a tikaŋ aŋ abai midiɗi ɗai na yalakai na war Babilon paŋ.

Daniyel 2:49

Pini zilbi na wiini Daniyel, pai a tika Sadrak, Mesak gaini Abed-Nego miɗini sda n'abakai war Babilon. Daniyel a hina ahani pai ɵa.

Daniyel 3:11

asiya ɗi paŋ n'a hurga azumai kai, a siiwa tini kaalai ɗa, e biliŋ warni waŋ z'afu n'abai.

Daniyel 3:16

Sadrak, Mesak gaini Abed-Nego, e tiki seŋ e miɗini wiini pai: Jaamus, tiyi aga mi wiyuku seŋ ktai miɗini hanɗa kai.

Daniyel 3:29

Tiyana, ta mu sa miɗi na ɓa, asiya asiya paŋ, war pinziba na woɗi paŋ, war meme meme paŋ lai, midini afti na woɗi paŋ na miisa Alaw na wiini Sadrak, Mesak gaini Abed-Nego, ki fiɗiŋ edi, dalamni a bunda aŋ zilgit. Buri Alaw zamai n'a kiɗa aŋ pla ɗif edi maini nɵa aŋ kai.

Daniyel 3:30

Nɵa pai a riya Sadrak, Mesak gaini Abed-Nego amai war sdaɗi midini afti na Babilon.

Daniyel 6:13

E wiyisi sini pai e miɗini buri wala n'a ɗalaŋ maini nɵa: Jaamus, tuku ku tika tampon pini wala zi ɗili ɓa, arbani mefeŋ doogo doogo hu hanɗa, ɗif n'a siiwa li Alaw zamai, zaw ɗif zamai, na ɓa siiwuku ku tuku kai ɗa, e bliŋ war waŋni gurnai kai ɗi? Pai, a waya seŋ a muɗa: A na ɵa; pini gadai na wiiɗi Medekai gaiɗi Persekai n'a bunda kai ɗa.

Daniyel 6:14

Nɵa e tiki seŋ e miɗini wiini pai: Jaamus, Daniyel n'arbaɗi bagakai na war Yuda, ma suku hormo kai, a hiina miɗini wala na ku tika tampon pini kaalai, a siiwa na ma azi hu war yivai ɗa.

Sdaɗi Apostelai 17:7

Jason a yimiɗi aha sini, gadai na wiini Sezar ɗa nagai e zi pini kai, e miɗi ɓa pai zamai a na e yikiŋ ɓa Yesu.

Sdaɗi Apostelai 5:28

Mi gidiki miki buri ki hitri war yiki ni kai, ki ɵini kai ɗi? Tiyana ki viti Yeruzalem gaini hitri hanɗa ta, ki firiyi ɓa sai felni ɗif hanɗa, a kɵa midiyi koo!