Daniyel 3:1 - Ɗû na sɗik na wiini Alaw

¹ Pai Nebukadnezar a za wala zi rgi n'a ziŋga ɗif gaini or: wûlini n'amai kil doogo doogo ɵaara, brukni kil ɵaara lai. A ɗiyaŋ war hlai na plas na Dura, midini afti na Babilon.

Daniyel 3:1 Iomraidhean Croise

Lokwita n'avut na wiiɗi paakai 12:28

Pai Yerobowam a hiina haa a rga ali garakai zi or sulu, a miɗiɗi wiiɗi ɗai na wiini ɓa: tiki ki hili amai a Yeruzalem ɗa a viya, ɵa ta. Tili, tiki na war pinziba na doogo ɗa, alawaiki n'e kûrɗikisi edi war Egipte par ɗa e ɗi na.

Ester 1:1

Wala hanɗa a za war mefeŋ na wiini pai Serkises. Serkises ni ɗa a ŋa midiɗi Lawanai miya gaini caaɓa pi muguzak, sini afti na Indiya par haa sini afti na Etiyopiya ta.

Yama na wiini David 135:15

Alawai zi rgi na wiiɗi ɗai ɗa a zi arzaŋ, a zi or lai, a sɗa n'e ziŋ ɗa e ɗi ɗai.

Niyi n'edi 20:23

Aga ki rgi Alaw na zi arzaŋ kai, zaw zi or ɵima kai, kapai ki sini kol kai.

Niyi n'edi 32:31

Musus a wayasi sini EPIƊ-ƊAI a miɗini: Hai EPIƊ-ƊAI! Ɗai hanɗa e zi tuwur n'abai, e rgi Alaw ktai zi or.

Esaya 2:20

War mefeŋ ni ɗa, ɗai aga e pûkû alawaiɗi na jrekai kai zi arzaŋ gaini zi or ɗa edi wiini kusum gaini kirfe-kirfe alawai n'e rigiŋ buri e hûrgû azumai wuzani.

Esaya 30:22

Arzaŋ n'e yimiŋ sini alawai zi rgi ɗa, aga ku tiliŋ maini wala na hihir ɵa, or n'e yimiŋ sini alawai zi rgi n'e ziŋ gaini kawai zi hiliyi ɗa, aga ki pûkûŋ edi maini wazagai zi selte nɵa. Aga ki miɗi sini ba: Yimi siki edi won na par.

Esaya 46:6

Or n'aŋ war guɓaɗi ɗa, e miliŋsi edi, e tiki gumani arzaŋɗi miɗini wala n'e tiki kilo gaini; E piyisi ɗif zi hiliyi or, kapai a ziziniɗi Alaw, e guɓi azumai wuzani, e hûrgû azumai wuzani lai.

Yeremiyas 10:9

E piyisi arzaŋ ɗa a Tarsis par, or ɗa a Ufaz par lai. Ɗif n'a sɗa sdani ɗa a zizinaŋ, ɗif zi hiliyi or ɗa a ɗûhini sini, e wiini sapa na gaini futini na mekele cih cih gaini na mekele keŋ sini: Hanɗa paŋ a sda n'a za gaini tini ɗif.

Yeremiyas 16:20

Ɗif mirɗek ɗa a kiɗa a za Alaw ɗe, ni ɗa a Alaw kai ɗa koo!

Daniyel 2:48

Nɵa pai a riya Daniyel amai, a sini katu n'abakai viya lai, a tikaŋ aŋ Lawan na wiiɗi Babilon, a tikaŋ aŋ abai midiɗi ɗai na yalakai na war Babilon paŋ.

Daniyel 2:49

Pini zilbi na wiini Daniyel, pai a tika Sadrak, Mesak gaini Abed-Nego miɗini sda n'abakai war Babilon. Daniyel a hina ahani pai ɵa.

Daniyel 3:14

Pai Nebukadnezar a tika seŋ, a zilbiɗi, a muɗa: Sadrak, Mesak gaini Abed- Nego, seŋ na mu ɵinaŋ ɓa ki ɗa hûrgû azumai wuzani alawai na wiya kaalai, ki siiwi tini Alaw zi rgi zi or na mu rgaŋ kaalai ɗa a futini ɗi?

Daniyel 3:30

Nɵa pai a riya Sadrak, Mesak gaini Abed-Nego amai war sdaɗi midini afti na Babilon.

Daniyel 5:23

Ku faka amai sini Alaw n'amai, kopai na war tempelni par ku mulaŋsi anene. Tuku gaiɗi ɗaiku n'abakai, gaiɗi falakaiku n'edi ca ca gaiɗi n'aha lai, ki ci vin gaini. Ku sa kol sini alawai zi arzaŋ, zi or, zi kiiya, zi kawai, zi luwuŋ gaini zi kriyit lai n'atala kaalai a ɵina kaalai a siɗa wala kaalai. Amma Alaw na suŋfaku aŋ war tini, n'a siɗa payaiku, gaini hiiniku, ku sini kol kai.

Daniyel 5:4

Won hlai na e ci li, e tiki piɗi aŋ kûli alawai zi or, zi arzaŋ, zi kiiya, zi kawai, zi luwuŋ, zi kriyit lai.

Hoseya 2:8

Buri nɵa, mu cikiti futiɗi gaini hedek, mu cikiti amlai gaini ɵaɓ, kapai te nava futiɗi kir kai.

Hoseya 8:4

E mili paakai midiɗi ca ca, gaini hiini na wiya kai, e mili ɗai n'abakai zi ɵi wuze ca ca lai, labar maa ta kai. Gaini arzaŋ na wiiɗi gaini or na wiiɗi lai e zizini alawai zi rgi gaini, na kapai a wûliɗi edi pɗem kiɗi.

Habakuk 2:19

Haw gara burini ni n'a muɗa sini luwuŋ: Faka amai. Sini ahi-fuŋ na ɓurtum: Ɵiya amai! a kiɗa a sa gadai ɗi? Tili, e miŋ gaini or, zaw arzaŋ, amma suŋfa agwi warni kai.

Sdaɗi Apostelai 17:29

Nɵa ɗa, na ɓa mu ɗumu na war pinzibani Alaw ɗa, aga mu hiinumu kai ɓa, Alaw a na maini or ɵa, zaw arzaŋ, zaw maini ahi fuŋ ɵa na ɗif a hiinaŋ, a zizinaŋ lai pini yelni nɵa kai.

Sdaɗi Apostelai 19:26

amma tiki ki tili, ki ɗa ɵini lai ɓa, Pawlus a na ziɗi midiɗi ɗai, a na wula ɗai viya edi lai ɓa, Alaw na e ziziniŋ e ɗi ɗai ɗa a Alaw kai, hanɗa war Efesus kiiɗi kai, amma midini afti na Aziya gaini hlaini paŋ.

Wiyi na midini gadai 7:25

Alawai zi rgi na wiiɗi ki yiŋ edi. Ki zi suuna sini arzaŋ gaini or n'aŋ sini ɗa kai, ki miliŋ kaalai, kapai a bunda buriki aŋ azaw kai, buri a wala na hihir arni EPIƊ-ƊAI Alaw na wiiki.

Siŋki n'edi 9:20

Ɗai n'e hini na gir a niviɗi kai ɗa, e hini sdaɗi na maafanai n'e ziŋ ɗa edi kai, e ɗiyi hûrgû n'azumai wuzani ksalai gaini alawai zi rgi zi or gaini zi arzaŋ zi kiya, z'ali-fuŋ gaini zi luwuŋ lai, n'a kiɗa a tala kai, a ɵina kai, a hala kaalai ɗa kai.