Daniyel 2:9 - Ɗû na sɗik na wiini Alaw

⁹ Na ɓa ki siŋkiŋa weseŋ na pɵaŋa kai ɗa, sariya na te ɗiya buriki te na ktai; tiki ki kitisi miki aŋ dûûliŋa gaini seŋ zi rhai kapai haa hiiniŋa a bunda. Tiyana ki siŋkiŋa ɗa a weseŋ na pɵaŋa ɗa, kapai a yima mada ɓa ki kiɗi ta aŋ siŋkiŋa ezini edi lai.

Daniyel 2:9 Iomraidhean Croise

Lokwita n'avut na wiiɗi paakai 22:22

A waya seŋ a muɗa: aga mu hala mu za sa aŋ seze zi eles war miɗi ɗai na mini Alaw na wiini paŋ. EPIƊ-ƊAI a miɗini: seŋku gaini futini, aga ku nava. hala za maini na ku hiinaŋ ɗa ɵa.

Lokwita n'avut na wiiɗi paakai 22:6

Pai na Izrayel a tipiɗi ɗai na mini Alaw gobi miya puɗu a zilbiɗi: mu hala mu hitimiti Ramot na war Galaad ɗa zaw, mu hala kai ɗi? E wiyini seŋ: hala, EPIƊ-ƊAI aga a suku fuŋ n'abai hanɗa war tuku.

Ester 4:11

Ɗai zi sda na wiini pai gaiɗi ɗai na midini aftiɗi lawaŋai paŋ e siɗi edi gaglai ɓa koo asiya ɗi paŋ, ɓa wus zaw, muni ɗi a kiɗa a hala sini pai kadai nɵa kai, sai a na ɓa pai a yikaŋ li, zaw na ɓa a hiina li burini a yimitini amaraŋaini zi or ɗa li edi, na ɓa nɵa kai ɗa ɗif hanɗa e fiɗiŋ edi. Ta tiyana mu za na mefeŋ hu mu nava yiki tini pai par kai.

Seŋ joro 12:19

Seŋ na jre ɗa a fana viya, amma eles ɗa, a na burini hlai n'agwi kadai.

Esaya 41:23

Miɗiyi miɗini wala n'aga a za dawai sek ɗa, kapai tiyi mi siɗi ɓa tiki ki ɗi alawai; Zi wala ktai na pɗem zaw na meefeŋ ta, kapai aryi a mala edi sini, Kapai tiyi gai hlaiyi paŋ mi tiliŋ haw ɗa!

Esaya 44:25

Seŋ na wiiɗi ɗai zi siɗi wuti, mu mulaŋ edi piɗi, nagai n'e miɗi seŋ na wuze ɗa, mu bindiɗi e miɗi ɗar kadai, na yalakai ɗa mu tûsiɗi edi, siɗi na wiiɗi ɗa mu bundaŋ aŋ dûûli kadai lai.

Ezekiyel 13:17

Tuku ɗif murɗek, muɗa war wule na wiiɗi ɗai na mini Alaw na falakai, n'e zi siɗi aŋ ɗai na mini Alaw na falakai pini hiini na wiiɗi dama ɗa,

Ezekiyel 13:19

Tiki ki miisiŋa wuzaɗi ɗaiŋa burini orge na tiy zuguɗ zuguɗ kadai gaini wala zi simi n'agwi kadai lai. Won hlai na ki ɗa ziɗi eles wiiɗi ɗaiŋa n'e ɗa yimi eleski ɗa, nagai na tiɓ e fiɗiɗi edi ɗa, ki fiɗiɗi kai, ki fiɗiɗi na ɗa, e ɗi nagai na tiɓ e fiɗiɗi edi kai ɗa.

Ezekiyel 13:6

Wala n'a siŋka arɗi ɗa jreni aŋ kai, seŋɗi na wuze ɗe a eles kadai, e miɗi ɓa: A miɗi na sini EPIƊ-ƊAI par, paŋ ktai ta EPIƊ-ƊAI, mu ɵiniɗiɗi kai, amma e ɗa biyi ɓa seŋɗi ɗa aga a va amai.

Daniyel 2:16

Daniyel a niya aha sini pai, a siiwaŋ buri a hinini hlai agwi, kapai a siŋkini ezini weseŋ na pɵaŋ ɗa.

Daniyel 2:21

Ni a pai midini hlai, gaini wazagai n'a na vuga paŋ. A ɵa paakai azumai, a tika paakai amai lai, a sa yel wiiɗi na yalakai, a sa siɗi wiiɗi nagai n'e zi ɓraw arbani pɗem gaini meefeŋ.

Daniyel 2:8

Pai a waya seŋ a muɗa: Mu siɗa fakat ɓa ki tiki edi n'a hlai, buri ki siɗi ɓa seŋa aŋ gai ɗiyi zaw.

Daniyel 3:15

Tiyana ɗa, zizini siki, won hlai na ki ɵini li tuwini hum gaini algaita, gaŋgraŋ, edil, amiyok gaini wazagai zamai zamai zi yama ɗa, ki hûrgû azumai, ki siiwi tini Alaw na mu rgaŋ, na ɓa ki siiwi tini kai ɗa, tiyana tar aga mu pûkûki warni waŋ z'afu n'abai. Kapai mu siɗa Alaw na halasi a pliki edi ta par ɗa.

Daniyel 5:28

PARSIN a dara muɗa ɓa ɓûrwi. Paiku te ɓurwa ca. Te sa tiɗi Medekai gaiɗi Persekai.

Daniyel 7:25

Aga a muɗa seŋ na ɗewek sini Alaw n'amai, aga a ziɗi gir wiiɗi ɗai na sɗik na wiini Alaw n'Amai; aga a paya futi aŋ bunda mefeŋ zi fet na wiiɗi gaini gadai na wiiɗi lai. Ɗai na sɗik aga e si edi war tini buri hlai ktai, hlai sulu gaini galni hlai ktai lai.

2 Korintekai 2:17

Tiyi ɗa mi ɗa maiɗi na zamai waŋ n'e yimi seŋ n'Alaw, maini walaɗi n'e cikili gaini ɗa ɵa kai. Tiyi mi miɗi na ɗa war jre, sini Alaw par, wuzani Alaw lai, war Kristu.