Daniyel 2:47 - Ɗû na sɗik na wiini Alaw

⁴⁷ Pai a miɗini wiini Daniyel: A jre, Alawki a Alaw na wiiɗi alawai, a epingezaɗi paakai. A ni n'a siŋka wazagai zi ŋoyai. Buri ku kiɗa aŋ siŋkiŋa wala zi ŋoyai hanɗa.

Daniyel 2:47 Iomraidhean Croise

Pi zi tiki 41:39

Faraw a miɗini wiini Yosef: Alaw a hitriku ya miɗini wazagai hanɗa paŋ, ɗif ktai zi siɗi, zi yel lai n'a suwuku aŋ kai.

Lokwita n'ag'aŋ sulu na wiiɗi paakai 5:15

A wayasi gaiɗi ɗai na pini paŋ sini ɗif na wiini Alaw ɗa, a niya aha sini, a ɗiya wuzani a muɗa: Tiyana ɗa, a yima li mada ɓa, midiɗi yai paŋ ɗa, Alaw a na ɗa aha warɗi Izrayel tar, mu siiwuku yima katu n'agwi hanɗa ta par kaai.

Yob 12:19

a bindiɗi paakai zi ɓaka e hili eziɗi azumai kadai ca, n'abakai n'e gigiɗi kai ɗa, a ɵiɗi azumai.

Yama na wiini David 136:2

Ki si kol sini Alaw na wiiɗi alawai, buri pɗemni a na haa hlai n'a vada kai.

Yama na wiini David 136:3

Ki si kol sini Abaiɗi abakaiɗi ɗai zi sɗa, buri pɗem ni a na haa hlai n'a vada kai.

Yama na wiini David 72:11

Paakai paŋ aga e hûrgû azumai wuzani, aga a ŋa miɗini pinzibaɗi ɗai paŋ.

Yama na wiini David 82:1

Yama na wiini Asaf. Alaw a ɗiya war diŋgi na wiiɗi alawai, a ziti sariya a muɗa:

Yama na wiini David 96:4

Buri ɓa EPIƊ-ƊAI a abai, kolni a suwa suwai sabab gara a sûwiɗi alawai na zamai ɗa paŋ.

Ezekiyel 26:7

Buri Epiɗ-ɗai ALAW a na muɗa maini nɵa: War gal n'azumai par, aga mu kasi Nebukadnezar, pai na Babilon, paiɗi paakai midiɗi Tirus; aga a halasi gaini plasai, gaini saret zi gaw, gaiɗi askarai na gaini plasai gaini vokɗi askarai n'a pɵani kai pini.

Daniyel 11:36

Pai aga a za pini jaani, aga a zila sini amai, aga kola sini midiɗi alawai paŋ, mini aga a muɗa miɗi n'a bunda ɗif hiyak sin Alaw na wiiɗi alawai, wala n'a zaŋ paŋ a va amai, haa sin mefeŋ na hiy na wiini Alaw a siŋkasi edi. Buri wala n'aŋ gaini ɗiyi zaw aga a va amai.

Daniyel 2:19

Wala zi ŋoyai hanɗa a siŋka arni Daniyel war wala zi siŋki war duvuk. Nɵa Daniyel a sini tese wiini Alaw n'amai.

Daniyel 2:22

A ni n'a siŋka wazagai na hulamai zi ŋoyai edi, a siɗa wazagai n'a na war gegeŋ, sini paŋ a gaglai

Daniyel 2:28

Amma Alaw ktai a na amai, ni a siŋka wazagai na war ŋoyai, a siŋkini wiini pai Nebukadnezar na ɗa a wala n'aga a za wuzani sek. Weseŋ na pɵa pai gaini wala n'a siŋka arni miɗini walani zi feŋ a hanɗa:

Daniyel 2:29

Jaamus hlai na ku na hiina miɗini walaku zi feŋ ɗa, hiiniku a na fu midini wala n'aga a za avut sek, nɵa ni n'a siŋka wazagai zi ŋoyai a siŋkuku wala n'aga a halasi.

Daniyel 2:30

Ta ɗa, wala zi ŋoyai hanɗa a siŋka ara buri yelŋa a sûwiɗi ɗai na zamai paŋ kai. Amma kapai mi siŋkini ezini weseŋ hanɗa edi wiini pai, kapai a siɗa wala n'a na war hinini lai.

Daniyel 2:37

Jaamus, paiɗi paakai, tuku n'Alaw n'amai a sutuku pai, spak, gdaŋ gaiɗi abai na pɗem war tuku;

Daniyel 3:15

Tiyana ɗa, zizini siki, won hlai na ki ɵini li tuwini hum gaini algaita, gaŋgraŋ, edil, amiyok gaini wazagai zamai zamai zi yama ɗa, ki hûrgû azumai, ki siiwi tini Alaw na mu rgaŋ, na ɓa ki siiwi tini kai ɗa, tiyana tar aga mu pûkûki warni waŋ z'afu n'abai. Kapai mu siɗa Alaw na halasi a pliki edi ta par ɗa.

Daniyel 3:28

Nebukadnezar a tika seŋ a muɗa: Kol sini Alaw na wiini Sadrak, Mesak gaini Abed-Nego, n'a ɵinasi ɵeŋni aŋ kûriɗi zi sda edi, buri e hini siɗi war tini. E hi amai midini gadai na wiini pai, e si siɗi edi min mri, e diri e hûrgû azumai wuzani Alaw na zamai kai, aŋ siiwi tini kaalai, sai tini Alaw na wiiɗi ktai.

Daniyel 3:29

Tiyana, ta mu sa miɗi na ɓa, asiya asiya paŋ, war pinziba na woɗi paŋ, war meme meme paŋ lai, midini afti na woɗi paŋ na miisa Alaw na wiini Sadrak, Mesak gaini Abed-Nego, ki fiɗiŋ edi, dalamni a bunda aŋ zilgit. Buri Alaw zamai n'a kiɗa aŋ pla ɗif edi maini nɵa aŋ kai.

Daniyel 4:17

Luwuŋ na ku talaŋ n'a bunda abai gargali, gdaŋ lai, na wûlini haa amai sini ɗugul ta, na ɗai na war koŋɗi yai na puɗu paŋ arɗi sini ca ca,

Daniyel 4:25

Wazagai hanɗa paŋ a za sini pai Nebubadnezar.

Daniyel 4:32

Ɗai na midiɗi yai paŋ e ɗi wala ktai wuzani arni kai, a za pini dirini sini wazagai zi rgi n'arbani hlai n'amai gaiɗi ɗai na midiɗi yai. Ɗif n'aga a yima tini amai arni aŋ kai, na midini ɓa: ku za na ɗa a maɗa aŋ kaalai.

Daniyel 5:11

Avut par, war mefeŋ na wiini apuku, ɗif ktai a na ka, yikini ɓa Daniyel, tiyana a na midini aftiku lai, seze na wiini alawai na sɗik aŋ sini, n'a sɗa wala n'a vuga gaini na wuze. A siɗa ezini wazagai n'a hulamai, yel na midini ɗa, maini na wiiɗi alawai nɵa. Pai Nebukadnezar n'apuku a tikaŋ aŋ abaiɗi ɗai zi hiila, z'evek, midiɗi paakaiɗi zi ɓaka gyɗi zi siɗi wuti lai. Hanɗa a wala na pai n'apuku a zaŋ.

Amos 3:7

Nɵa wala n'Epiɗ-ɗai ALAW a dara a zaŋ paŋ ɗa, a siŋkiŋɗi arɗi ɗaini na min Alaw ɗa ta ta haw.

1 Korintekai 14:25

Hiini zi ŋoyai n'aŋ warɗi agulni ɗa, aga a siŋka edi gaglai, aga a pa arni azumai midini afti, a siiwa Alaw lai, a muɗa ɓa: Alaw a na arbaki jre jre.

Wiyi na midini gadai 10:17

buri ɓa EPIƊ-ƊAI Alaw na wiiki ɗa a Alaw na wiiɗi alawai, a Epin-gezaɗi epin-gezakaiɗi ɗai paŋ, a Alaw n'abai zi spak, na ɗif a ɗiya mini kai, n'a za ɓraw arɗi ɗai kai, a yima katu tini ɗif par kapai a dogo arni sini jre ɗa kai.

1 Timotewus 6:15

Aga a siŋkaŋsi edi ɗa a Alaw war sarti n'aŋ gaini ɗiyi zaw ɗa, Ni ɗa a epini ɵeɗ, epini spak paŋ lai a Paiɗi paakai, a abaiɗi Epin-gezakaiɗi ɗai n'e ŋi paŋ lai

Yosva 22:22

EPIƊ-ƊAI ɗa a Alaw n'abai na a suwa alawai na zamai ɗa, Epiɗ-ɗai Alaw a sɗa hanɗa ya, Izrayel ɗa aga te sɗaŋ lai, na ɓa a fiki n'amai, a meefeŋ n'abai sini EPIƊ-ƊAI, a hiniyi karyi haa kai.

Siŋki n'edi 1:5

Yesu Kristu, zaida na jre, n'a ɵiyasi amai avut arbaɗi zi mri par, paiɗi paakai na midini afti a sa siki nɵa lai. Sin ni n'a durumu n'a pulumusi edi war tuwurmu par gaini fel na wiini,

Siŋki n'edi 17:14

Aga a hitima Ahiɗi adumi, Ahiɗi-adumi aga a rɗa amai midiɗi, buri ni a Epiɗ-ɗai na wiiɗi Epiɗ-ɗai paŋ, a pai na wiiɗi paakai paŋ lai. Nagai n'e yikisi, zi viri n'edi, na jrekai lai ɗa aga e rɗi amai gaini lai.

Siŋki n'edi 19:16

Sini sapani lai, sini balakni lai, yiki ktai aŋ gai ɗû maini nɵa: Paiɗi paakai, Epiɗ-ɗai na wiiɗi Epiɗ-ɗai paŋ.