Daniyel 2:44 - Ɗû na sɗik na wiini Alaw

⁴⁴ War mefeŋɗi paakai hanɗa, Alaw n'amai aga a kitisi pai ktai n'aga te ɓulka edi kai zaŋ, na paiɗi te sa tini pinziba zamai kai, aga te sara, te vada paakai hanɗa paŋ edi, aga te suma haa, haa kureɗ.

Daniyel 2:44 Iomraidhean Croise

Pi zi tiki 49:10

Amaraŋai zi pai aga te tika edi war Yuda par kai, amaraŋai na wiiɗi abai edi war pinzibani par kaalai, haa Ni n'a epingezaɗi amaraŋai a cosi, na pinzibaɗi ɗai aga e ɵini pini.

2 Samuwel 7:13

Aga a rgaŋa Dalam wiya ɗa a ni, aga mu ɗiyiti paramaini zi pai gdeŋi haa kureɗ.

2 Samuwel 7:16

Asakalku tuku par, pinzibaku gaiɗi paiku, wala ktai n'aga a muguzaŋ aŋ kai ɵa gamai, paramaiku aga te ɗiya gdeŋi ɵa gamai lai.

Yama na wiini David 145:13

Paiku ɗa, te pai na vidiɗi aŋ kai, ŋi na ku ŋa ɗa ha sini pinziba na wuzaku sek. Alaw a jre war wazagai n'a zaŋ ɗa paŋ, a pɗem war sdakaini paŋ lai.

Esaya 60:12

Pinzibaɗi ɗai na woɗi, zaw te paiɗi pai na wata ɗi, na e firiyi e gidi puku kai, aga e vidi edi kafa, ɗai hanɗa paŋ aga e nivi tûûri n'edi kafa.

Ezekiyel 37:25

Aga e simni midini afti na mu siŋni wiini ɵeŋ na wiya Yakob, afti na tamaiki e simni woni, nagai aga e simni woni, aliɗi e simni woni, aliɗi aliɗi, haa kureɗ; ɵeŋ na wiya David aga a sumna aŋ pai na wiiɗi haa kureɗ lai.

Daniyel 2:28

Amma Alaw ktai a na amai, ni a siŋka wazagai na war ŋoyai, a siŋkini wiini pai Nebukadnezar na ɗa a wala n'aga a za wuzani sek. Weseŋ na pɵa pai gaini wala n'a siŋka arni miɗini walani zi feŋ a hanɗa:

Daniyel 2:34

Won hlai na ku na tala, ahi-fuŋ ktai a hawasi, tini ɗif sini kai, a kɵa ezini wala zi rgi, a saraŋ edi.

Daniyel 2:35

Nɵa kawai, afti, kiya, arzaŋ gaini or lai a sara edi paŋ, a bunda maini bra na fana edi war luluf nɵa, smer a fanaŋ, balamni a hina kir kai. Amma ahi-fuŋ n'a kɵa ezini wala zi rgi, a bunda aŋ huwuŋi n'amai na te va afti paŋ.

Daniyel 2:37

Jaamus, paiɗi paakai, tuku n'Alaw n'amai a sutuku pai, spak, gdaŋ gaiɗi abai na pɗem war tuku;

Daniyel 2:43

Ku tala kawai gaini diŋgi gaini afti. Hanɗa a siŋka ɓa nagai e zi bonu gaiɗi marɗi war tiki, amma aga e tipi amlai ga ɗi marɗi pɗem kai, maini kawai gaini afti a diŋga gaini marni kai na ɵa.

Daniyel 4:3

Mu sa futi buri e yikiɗiŋasi ɗai na yalakai na war Babilon paŋ aha sa kapai e siŋkiŋa ezini weseŋ zi pɵi hanɗa.

Daniyel 4:34

Tiyana ɗa ta Nebukadnezar, mu kola pai n'amai, mu siŋka edi midiɗi abaini, mu sini kol lai buri sdani a jre, futini a na ɗikat. A kiɗa a hûsiɗi azumai nagai n'e kûli siɗi amai.

Daniyel 6:26

Nɵa pai Dariyus a ɗo siɗi ɗai na war pinziba paŋ, na midini afti paŋ, war meme paŋ na midiɗi yai maini nɵa: A juva ɓa Alaw a kasi ɵeɗ midini afti ɗa!

Daniyel 6:27

Mu sa miɗi na ɓa, miɗini aftiŋa paŋ, ɗai paŋ aga e ziriyi gai hunai wuzani Alaw na wiini Daniyel. Buri a Alaw na karni, a ni n'a na haa kureɗ, paini aga te vada edi kai, spakni aga a sumna haa hlai n'a vada kai.

Daniyel 7:27

Amma pai gaini spak gaiɗi abai na wiini pai na midiɗi yai paŋ a sa siɗi ɗai na sɗik na wiini Alaw n'Amai. Paiɗi te pai na te vada kai, ɗai zi spak na midini afti paŋ e hûrgû azumai wuzani, e gidi pini lai.

Daniyel 8:25

Burini yel n'a sa sini aŋ za wazagai, aga a dûûliɗi ɗai viya, kûlûni-si aga a niya warni, won hlai na hlai paŋ ɵeɗ, aga a fuɗa ɗai edi viya, aga a faka amai sini paiɗi paakai, amma aga a tuura edi, tini ɗif maa a tika sini kai.

Mika 4:7

Piɗi ɗai na dilakai n'a hina, aga mu ziɗi aŋ ɗai n aga e hini, nagai n'e miliɗi edi aŋ bege, aga mu bindiɗi aŋ pinziba zi spak. EPIƊ-ƊAI aga a sumna midiɗi aŋ pai amai midiɗi huwuŋ Siyon par, tiyana par, haa hlai na vada kai.

Haggai 2:22

aga mu pûkûɗi paakaiɗi ɗa azumai, spakni aftiɗi na midiɗi yai ɗa aga mu vadaŋ edi. Aga mu vada saret zi gaw gaiɗi nagai n'e diɓiriŋ ɗa lai, plasai ɗa aga e fiɗiŋ edi, nagai na midini ɗa aga e fiɗi marɗi, ɗif paŋ aga a mra min kaɵkar na wiini maini.

Haggai 2:7

aga mu tûrliɗi pinziba na zamai ɗa paŋ, derɗi na gai futini paŋ aga a cosi won na viya viya, aga mu va tempel hanɗa gaini juf, a muɗaŋ a EPIƊ-ƊAI zi spak paŋ.

Matewus 28:18

Yesu a torosi siɗi a miɗiɗi: spak paŋ a sa ta, na warni fuŋ-n'Alaw gaini na midiɗi yai lai,

Yohana 12:34

Firiɗi ɗai e wiyi seŋ e miɗini: Tiyi mi ɵini war gadai zi ɗû par ɓa Kristu aga a sumna haa hlai n'a vada kai lai ɗa, kapai tuku ku miɗiyi ɓa: Sai Ahini ɗif a haga amai ɗa, Ahini ɗif ni ɗa asiya ɗa?

Hebrekai 12:28

Buri nɵa, na ɓa pai n'aga mu nuvutumu ɗa te pai na te muguza kai ɗa, nɵa siŋkumu zini tese na wiimu sin Alaw, nɵa mu zumu ɵeŋni maini na ni a firiyaŋ nɵa, war yimi na pin Alaw, war hormo lai.

Siŋki n'edi 11:15

Nɵa, ɗif zi ɵeŋ na war fuŋ-n'Alaw n'ag'aŋ muguzak a biyiti faanai na wiini ɗa, wule n'abakai a wasi amai war fuŋ-n'Alaw par a muɗa: Pai na midiɗi yai ɗa, te sa war tini Epiɗ-ɗai na wiimu gaini Kristu na wiini. Aga a ŋa haa hlai n'a vada kai, n'a vada kai.

Siŋki n'edi 2:27

aga a ŋa midiɗi gaiɗi amaraŋai zi pai zi kawwai, aga e gɵiɗi edi maini grak z’ afti nɵa.