Daniyel 2:30 - Ɗû na sɗik na wiini Alaw

³⁰ Ta ɗa, wala zi ŋoyai hanɗa a siŋka ara buri yelŋa a sûwiɗi ɗai na zamai paŋ kai. Amma kapai mi siŋkini ezini weseŋ hanɗa edi wiini pai, kapai a siɗa wala n'a na war hinini lai.

Daniyel 2:30 Iomraidhean Croise

Pi zi tiki 41:16

Yosef a wiyini seŋ wiini Faraw, koo gaya ta kai tekeɗeɗi, Alaw a sɗa aŋ sa wiyini seŋ na pɗem wiini Faraw.

Yama na wiini David 139:2

Ku sɗa hlai na mu na mu sumna azumai, hlai na mu na mu faka amai, gaigai par ku sɗa hiiniŋa ɗa.

Esaya 45:4

Mu yikkusi gain yikuku, mu zuku aŋ ɗifŋa n'abai lai, won hai ni ku siɗaŋa kai. Mu za hanɗa burini Yakob na ɵeŋa burini Izrayel na mu varaŋ lai. Mu yikiku gaini yikiku, mu sutuku abai, amma paŋ ktai ku siɗaŋa kai.

Daniyel 1:17

Wiiɗi gawlakai na puɗu hanɗa Alaw a siɗi siɗi, a hitriɗi midini ɗû paŋ midini yel paŋ lai; amma Daniyel ɗa a siɗa ezini wala zi siŋki gaini weseŋ zi pɵi n'a za paŋ.

Daniyel 2:47

Pai a miɗini wiini Daniyel: A jre, Alawki a Alaw na wiiɗi alawai, a epingezaɗi paakai. A ni n'a siŋka wazagai zi ŋoyai. Buri ku kiɗa aŋ siŋkiŋa wala zi ŋoyai hanɗa.

Daniyel 2:49

Pini zilbi na wiini Daniyel, pai a tika Sadrak, Mesak gaini Abed-Nego miɗini sda n'abakai war Babilon. Daniyel a hina ahani pai ɵa.

Amos 4:13

Buri ɓa, ni n'a zizina huwuŋ, n'a za smer lai, n'a siŋka hinini wiini ɗif, n'a bunda hlai na rum rum aŋ gegeŋ, n'a hala amai merfeŋni hlai n'amai mogo na midini afti, yikini ɓa: EPIƊ-ƊAI, Alaw zi spak paŋ.

Matewus 24:22

Mefeŋ hanɗa a ɗukla fu gulai kai ɗa, ɗif a kora kai zaŋ, amma buriɗi zi viri n'edi, hanɗa aga a ɗukla gulai.

Markus 13:20

Na ɓa Epiɗ-ɗai a ɗiya fu mefeŋ gulai kai ɗa, ɗif a sɗa aŋ kora kai. Amma buriɗi zi viri n'edi na wiini ɗa, a ɗiya mefeŋ hanɗa gulai ta.

Sdaɗi Apostelai 3:12

Won hlai na tala hanɗa, Peter a miɗiɗi wiiɗi ɗai maini nɵa: Tiki ɗai na Izrayel, ki bindi hiyak buri hanɗa buri maɗa? Ki tiliyi maini na ɓa mi fiki ɗif hanɗa amai aŋ hili mi ɗi tiyi gaini gdaŋyi, gaini jreyi ɵa lai ɗa buri maɗa?

Romekai 8:28

Mu suɗumu ya ɓa, wala n'a na za paŋ ɗa, a za ɗa burini pɗem na wiiɗi nagai n'e diri Alaw, buriɗi nagai n'e yikisi pin hiini n'a rgaŋ warni ɗa.

2 Korintekai 4:15

Wazagai hanɗa paŋ aga a za buriki tiki, kapai won hlai na yum a na riya wuzani ɗa, a riya zini tese na wiiɗi ɗai viya amai, aŋ kol na sin Alaw.