Daniyel 2:23 - Ɗû na sɗik na wiini Alaw

²³ Tuku Alaw a na wiiɗi tamaiya, mu zuku tese, mu suku kol, buri ku saŋa yel gaini spak! Tiyana pra, ku siŋkiŋa wala na tiyi mi zilbuku miɗini ɗa; buri ku siŋkiyi wala na huwya pai ɗa.

Daniyel 2:23 Iomraidhean Croise

Pi zi tiki 18:17

EPIƊ-ƊAI a hiina a muɗa: Wala na mu firiya mu zaŋ ɗa aga mu ŋoyaŋ wuzani Abraham kai.

Pi zi tiki 31:42

Na ɓa Alaw na wiini apa, Alaw na wiini Abraham, zi mili hunai pini Isaak a na fu gaya kai ɗa, ku hinaŋa fu aŋ hala kadai ta pa ca. Amma Alaw a tala gir na wiya gaini sda na gdaŋ na mu zaŋ gaini ta, duvuk n'a vuga ɗa, a ɗiya seŋ ɗa zaw.

Lokwita n'avut na wiiɗi paakai 18:36

War ler na wiini zini ɓaka ɗa, ɗif na mini Alaw Eliyas a torasi gobi sini gûwiŋ zi yi ɓaka a muɗa: EPIƊ-ƊAI, Alaw na wiini Abraham, na wiini Isaak, na wiini Yakob, siŋkiɗi wiiɗi ɗai girna ɓa, Alaw na warɗi Izrayel ɗa ku tuku, siŋkiɗi ɓa ta mu ɵeŋku, ɓa na mu zaŋ paŋ na ɗa, mu zaŋ na pini miɗi na wiiku.

Lokwita n'avut na wiiɗi paakai 8:57

A juva ɓa EPIƊ-ƊAI, Alaw na wiimu a za gaimu maini n'a na ka gaiɗi tamaimu nɵa, a juva ɓa a hunumu kai, a bunda arni edi sumu par kai,

Labar na war yivai n'avut 29:10

David a zini tese wiini EPIƊ-ƊAI wuzani diŋgi paŋ a muɗa: kol ɗa a wiiku EPIƊ-ƊAI, Alaw na wiiɗi Izrayel, tuku na k'apiyi war hlai n'a vada kai par haa hlai n'a vada kai,

Labar na war yivai n'avut 29:13

Nɵa tiyana ɗa, mi ɗa zuku tese, Alaw na wiyi, mi ɗa kûli yikuku na juf gara war yama.

Labar na war yivai n'ag'aŋ sulu 20:6

A muɗa: EPIƊ-ƊAI, Alaw na wiiɗi tamaiyi, Alaw n'amai ɗa ku tuku kai ɗi? Ku ŋa miɗini pinziba paŋ ku tuku kai ɗi? Gdaŋ gaini spak paŋ aŋ war tuku. Ɗif n'a kiɗa a ɗiya muku aŋ kai.

Yama na wiini David 21:2

EPIƊ-ƊAI, pai aŋ gaini firiyi burini spak na wiiku, a firiya gara won hlai na ku sini rɗi n'amai.

Yama na wiini David 21:4

Buri ɓa ku halasi mini gaini ɓiki na pɗamai, ku pitini bogorai zi or na gaini futini miɗini.

Yama na wiini David 25:14

EPIƊ-ƊAI asiɗi warni wiiɗi nagai n'e sini hormo, a siŋkiɗi bonu na wiini lai.

Yama na wiini David 50:14

Ki sini aŋ ɓaka wiini Alaw a zini tese, ɵinini-ha na ki ziŋ li wiini Alaw n'amai ɗa ki vin amai lai.

Niyi n'edi 3:15

Alaw a miɗini wiini Musus pra: Aga ku miɗiɗi wiiɗi aliɗi Izrayel maini nɵa: EPIƊ-ƊAI Alaw na wiiɗi tamaiki, Alaw na wiini Abraham, na wiini Isaak na wiini Yakob lai a ɵinaŋasi siki. Hanɗa a yikiŋa na haa kureɗ. Haa hlai n'a vada kai n'a vada kai, aga e yikiŋa maini nɵa.

Seŋ joro 21:22

Ɗif zi yel ɗa a kiɗa a niya aha war fuŋ n'abai zi ɵaga, a haɗa hlai na wazagai zi hatam aŋ warni, na ɗai e tiki hiiniɗi miɗini ɗa azumai.

Seŋ joro 24:5

Ɗif zi yel ɗa spak gara, zi siɗi ɗa a riya gdaŋni amai.

Seŋ joro 8:14

Sini gadai gaini yel ɗa a sda na wiya, ta mu siɗi ɗa mal, spak mu saŋ mu ta lai.

Ɗif zi ɓiki seŋ 7:19

Yel ɗa a bunda ɗif zi yel spak, a sûwiɗi lawaŋai doogo n'e ɗa war fuŋ n'abai.

Ɗif zi ɓiki seŋ 9:16

Nɵa mu muɗa: Yel ɗa a suwa spak, amma yel na wiini ɗif na murga ɗa ɗai e piɵiŋ kai, seŋni zi miɗi ɗe ɗif a zuɓuraŋ kaalai.

Ɗif zi ɓiki seŋ 9:18

Yel ɗa a suwa wazagai zi gaw, amma ɗif na tuwur ktai ɗa a ɓulka wazagai na pɗamai viya.

Esaya 12:1

War mefeŋ ni ɗa, aga ki miɗi maini nɵa: EPIƊ-ƊAI, mi zuku tese, ku na fu gaini hiy siyi, amma tiyana hiyku a tika azumai li, ku na siyi arai zi pi.

Yeremiyas 33:3

Ku yikaŋasi aga mu ɵunukuɗi, aga mu suŋkuku miɗini wazagai n'abakai, wazagai n'aŋ gaini ŋûyi, na ku sɗaŋ kai.

Daniyel 1:17

Wiiɗi gawlakai na puɗu hanɗa Alaw a siɗi siɗi, a hitriɗi midini ɗû paŋ midini yel paŋ lai; amma Daniyel ɗa a siɗa ezini wala zi siŋki gaini weseŋ zi pɵi n'a za paŋ.

Daniyel 2:18

A miɗiɗi: Siwumu Alaw n'Amai, kapai a hiina haw burimu, a siŋkumu weseŋ zi hiila hanɗa ta, kapai tumu gaiɗi na yalakai na war Babilon mu nuvumu mri n'edi kai.

Amos 3:7

Nɵa wala n'Epiɗ-ɗai ALAW a dara a zaŋ paŋ ɗa, a siŋkiŋɗi arɗi ɗaini na min Alaw ɗa ta ta haw.

Matewus 11:25

Won hlai ni, Yesu a tika seŋ a muɗa: Kol ɗa a wiiku, Api, Epin-gezani hlai n'amai gaiɗi yai, buri ku ŋoya wazagai hanɗa buri nagai n'e siɗi gara gaiɗi na yalakai, amma ku siŋkaŋ edi arɗi nagai n'agogoi

Lukas 10:21

Won hlai ni Yesu a va gaini firiyi pini spakni Seze-sɗik, a muɗa: Mu zuku tese, Epin-gezani hlai n'amai gaiɗi yai lai, buri ku ŋoya wazagai hanɗa arɗi na yalakai gaiɗi zi siɗi, amma ku siŋkaŋ edi arɗi akoɗokokai, nkam, Apa, buri a tala arku pɗem aŋ za nɵa.

Yohana 11:41

Nɵa e likititi fukuni ɗa edi, Yesu a bunda arni amai a muɗa: Apa mu zuku tese buri na ɓa ku ɵina ma.

Yohana 15:15

Mu yikiki aŋ bagakai kir kai, buri bege a sɗa wala n'epin-gezani a zaŋ ɗa kir kai, mu yikiki marmakaiya, buri mu siŋkiki wazagai na mu ɵinaŋsi mini Apa par ɗa paŋ.

Siŋki n'edi 1:1

Hanɗa a wazagai na Yesu Kristu a siŋkaŋ edi, n'Alaw a siŋni buri a siŋkiŋɗi wiiɗi ɗaini zi sda, wazagai n'aga a za gobi. A siŋkini hanɗa won hlai n'a ɵina ɗif zi ɵeŋ na wiini sini ɗif zi sɗa Yohana.

Siŋki n'edi 5:5

Ktai arbaɗi n'abakai zi ɵi wuze a muɗaŋa: Ku tuwa kai, gurnai na war pinzibani Yuda, sirdai na war pinzibani David, a rɗa amai ya, a kiɗa aŋ mala maktuɓ hanɗa edi, a haza tampoŋ na muguzak ɗa edi lai.