Daniyel 2:22 - Ɗû na sɗik na wiini Alaw

²² A ni n'a siŋka wazagai na hulamai zi ŋoyai edi, a siɗa wazagai n'a na war gegeŋ, sini paŋ a gaglai

Daniyel 2:22 Iomraidhean Croise

Pi zi tiki 41:16

Yosef a wiyini seŋ wiini Faraw, koo gaya ta kai tekeɗeɗi, Alaw a sɗa aŋ sa wiyini seŋ na pɗem wiini Faraw.

Yob 12:22

a siŋkasi wazagai n'a na azumai war hulumni gegeŋ ɗa amai, a kasi sezeni mri edi war gaglai.

Yob 26:6

Wuzani arni Alaw ɗa, hlai zi simni na wiiɗi ɗai zi mri a na edi papɗak ta, wala ktai n'a ŋoyaŋ nɵa agwi wuzani arni aŋ kai.

Yama na wiini David 104:2

A wa gaglai ɗa sini maini kaput nɵa, a bara ɗugul sini maini sapa nɵa.

Yama na wiini David 25:14

EPIƊ-ƊAI asiɗi warni wiiɗi nagai n'e sini hormo, a siŋkiɗi bonu na wiini lai.

Yama na wiini David 36:9

Ahaku ɗa, ku siɗi simi haa viya, Ku siɗi aŋ yem zi ci ɗa a pɗemku n'a na ka maini yem ɵa ɗa.

Ɗif zi ɓiki seŋ 8:1

Ɗif na yel ɗa asiya ɗa, n'a kiɗa a siŋka ezini wala edi asiya ɗa? Yel na wiini ɗif ɗa a bunda miɗini arni a ŋala pre pre, miɗini arni zi riki amai ɗa a bunda pla lai.

Esaya 41:22

E hilisi e siŋkiŋ edi haw! E muɗumu miɗini wazagai n'aga a za dawai sek ɗa haw ɗa! Wazagai n'a vuga ɗa, a za maɵa maɵa ɗa? Kapai tiyi mi hiini midini, mi siɗi n'aga a za asakal sek ɗa lai; Zaw miɗiyi miɗini wazagai n'aga a za dawai sek ɗa haw ɗa?

Esaya 41:26

Ɗif n'a muɗa ka miɗini wala hanɗa war pini zi tiki par, kapai mu suɗuŋmu ɗa asiya ɗa? N'a muɗaŋ ka avut par wuzani hlai, kapai mu kuɗumu aŋ mu muɗumu ɓa: seŋ hanɗa a jre ɗa asiya ɗa? Ɗif ktai a muɗa midini kaalai, ktai a sa labar hanɗa edi kaalai, ktai a ɵina seŋ hanɗa war miki par kaalai.

Esaya 42:9

Wazagai n'a vuga ɗa a vuga ya, mu miɗiki na ɗa gaini wazagai na hahakai; wuzani hlai n'aga a za ɗa, mu frya ɓa ki ɵini ɓa.

Esaya 45:7

Mu za gaglai ɗa mu ta, mu za gegeŋ ɗa mu ta lai, Mu za ɵeɗ mu ta, mu za gir ɗa mu ta lai; Mu za wazagai paŋ, mu ta EPIƊ-ƊAI.

Yeremiyas 23:24

Ɗif a sɗa aŋ ŋoya won hlai ktai dam, mu kiɗa mu talaŋ kai ɗi? A miɗi na sini EPIƊ-ƊAI par. hlai n'amai gaiɗi yai ɗa, mu vaŋ ta kai ɗi? A miɗi na sini EPIƊ-ƊAI par.

Yeremiyas 33:3

Ku yikaŋasi aga mu ɵunukuɗi, aga mu suŋkuku miɗini wazagai n'abakai, wazagai n'aŋ gaini ŋûyi, na ku sɗaŋ kai.

Daniyel 2:11

Wala na pai a zilbaŋ na ɗa, a suwa gir gara, ɗif ktai n'a kiɗa aŋ siŋka weseŋ hanɗa wiini pai aŋ kai; sai e ɗi alawai na simniɗi a na arbaɗi ɗai kai tar.

Daniyel 2:19

Wala zi ŋoyai hanɗa a siŋka arni Daniyel war wala zi siŋki war duvuk. Nɵa Daniyel a sini tese wiini Alaw n'amai.

Daniyel 2:47

Pai a miɗini wiini Daniyel: A jre, Alawki a Alaw na wiiɗi alawai, a epingezaɗi paakai. A ni n'a siŋka wazagai zi ŋoyai. Buri ku kiɗa aŋ siŋkiŋa wala zi ŋoyai hanɗa.

Daniyel 5:11

Avut par, war mefeŋ na wiini apuku, ɗif ktai a na ka, yikini ɓa Daniyel, tiyana a na midini aftiku lai, seze na wiini alawai na sɗik aŋ sini, n'a sɗa wala n'a vuga gaini na wuze. A siɗa ezini wazagai n'a hulamai, yel na midini ɗa, maini na wiiɗi alawai nɵa. Pai Nebukadnezar n'apuku a tikaŋ aŋ abaiɗi ɗai zi hiila, z'evek, midiɗi paakaiɗi zi ɓaka gyɗi zi siɗi wuti lai. Hanɗa a wala na pai n'apuku a zaŋ.

Daniyel 5:14

Mu ɵina ɓa k'aŋ gaini seze na wiini alawai suku, ku siɗa wala n'a vuga gaini na wuze, ku siɗa ezini wazagai na hulamai, k'aŋ gaini yel na mini kiini ta lai

Matewus 13:13

Buri nɵa mu ɓaka seŋ siɗi war seŋ si siŋka maini, buri e tili paŋktai e tili kai, buri e ɵini paŋktai e ɵini kai, e ɵini ezini edi kai.

Yohana 1:9

Seŋ n'a na ka ɗa a gaglai na jre, n'a za gaglai midiɗi ɗai paŋ, a halasi warɗi yai.

Yohana 21:17

A zilbaŋ azi n'ag'aŋ hu, a muɗa: Simun ahini Yohana, ku marmaya tiɓ? Peter, sini a kwima buri a zilbaŋ azi n'ag'aŋ hu ɓa: Ku marmaya tiɓ ɗi ɗa? A waya seŋ a miɗini: Epiɗ-ɗai, tuku ku sɗa wazagai paŋ, ku sɗa ya ɓa mu marmaiku. Yesu a miɗini: Tikini hangal wiini adumaiŋa.

Yohana 8:12

Yesu a miɗiɗi pra: Ta mu gaglai na wiiɗi yai, ni n'a hala pa aga a paya war gegeŋ duk kai, amma aga a nava gaglai na wiini suŋfa.

1 Korintekai 4:5

Buri nɵa, ki ɗûklûti sariya wuzani mefeŋ n'aŋ gai ɗiyi ɗa kai, wuzani gizini Epiɗ-ɗai n'aga a siŋkasi wazagai zi ŋoyai, n'aŋ war gegeŋ par edi, gaini hiini na warni agulɗi ɗai lai ɗa kai. Nɵa asiya asiya paŋ, aga a nava kol na wiini sin Alaw par.

Efesekai 3:5

Wazagai zi ŋoyai hanɗa daga siɗi ɗai war vna zamai zamai ɗa, maini seze a na siŋka edi tiyana wiiɗi apostelai na sɗik gaiɗi ɗai na min Alaw nɵa kai,

Wiyi na midini gadai 29:28

Wazagai n'aŋ gaini ŋûyi ɗa a wiini EPIƊ-ƊAI, wazagai n'a siŋkasi edi ɗa, a wiimu gaiɗi alimu haa kureɗ, kapai tumu mu zumu pini seŋ paŋ n'aŋ war gadai zi ɗû hanɗa.

1 Timotewus 6:16

Ni na ktai n'a mra kai, n'a sumna war gaglai na ɗif a kiɗa sini kai na ɗf a talaŋ duk kai, a kiɗa a talaŋ kaalai sini Ni, kol gaini spak n'a vada kai. Amen.

Hebrekai 4:13

Wala zi rgi ktai n'arni sini kai aŋ kai, wazagai paŋ a na edi gaglai wuzani arni, ni na tumu mu muɗumu seŋmu paŋ edi wuzani.

Yakob 1:17

Like zi yiki paŋ, gaini katu na pɗamai paŋ ɗa, a halasi ɗa amai par, a halasi sin epini gaglai par, ni n'a bunda kai, n'a jogo blaŋ blaŋ kai, sezeni aŋ kaalai.

1Yohana 1:5

Seŋ na mi ɵiniŋ mini par, na mi dii mi miɗiŋki lai a na ɓa: Alaw a gaglai, gegeŋ aŋ warni kai.