Daniyel 2:21 - Ɗû na sɗik na wiini Alaw

²¹ Ni a pai midini hlai, gaini wazagai n'a na vuga paŋ. A ɵa paakai azumai, a tika paakai amai lai, a sa yel wiiɗi na yalakai, a sa siɗi wiiɗi nagai n'e zi ɓraw arbani pɗem gaini meefeŋ.

Daniyel 2:21 Iomraidhean Croise

Lokwita n'avut na wiiɗi paakai 10:24

Ɗai paŋ e piyi futi aŋ nivi gaini Salmun kapai e tili yel n'Alaw a siŋni ɗa.

Lokwita n'avut na wiiɗi paakai 3:28

Ɗai na Izrayel paŋ, e ɵiniti sariya na pai Salmun a ziti ɗa, e tiki piɗi e sini hormo abai gara, buri e siɗi ɓa Alaw a sini yel na kapai a ziti sariya gaini ta.

Labar na war yivai n'avut 22:12

A suwa paŋ ɓa EPIƊ-ƊAI a suku yel n'a za ɓraw arbani pɗem gaini meefeŋ, gaini siɗi lai won hlai n'aga a tukuku aŋ pai midiɗi Izrayel, kapai ku za pini ɗû na wiini EPIƊ-ƊAI, Alaw na wiiku.

Labar na war yivai n'avut 29:30

War maktuɓ hanɗa lai e miɗi midiɗi paini gaini spakni, gir n'a za sini ni dama, n'a za siɗi Izrayel gaini n'a za sini aftiɗi paakai na ɵimaɗi paŋ lai.

Ester 1:13

Pai a tipiɗi nagai n'e sini gadai ɗa, a zilbiɗi: Buri seŋ n'a za ahani pai paŋ ɗa ɗai n'e siɗi gadai zi ɗû gara gaiɗi nagai n'e siɗi gadaini afti ɗa e mili arɗi woni haw.

Yob 12:18

A vada spakɗi paakai edi, a miliɗi sapa na wiiɗi ɗai zi daŋgai siɗi,

Niyi n'edi 31:3

Mu vaŋ gaini seze na wiya, gaini yel, gaini siɗi, gaini siɗi n'a za wazagai paŋ gaini,

Niyi n'edi 31:6

Mu tika Oholiyab n'ahini Ahisamak na war pinzibani Dan aŋ ɗif n'aga wulani, mu sa yel war humokɗi ɗai paŋ n'e siɗi zini wazagai kapai e zi wazagai na mu muɗuku gaini paŋ, maini:

Daniyel 1:17

Wiiɗi gawlakai na puɗu hanɗa Alaw a siɗi siɗi, a hitriɗi midini ɗû paŋ midini yel paŋ lai; amma Daniyel ɗa a siɗa ezini wala zi siŋki gaini weseŋ zi pɵi n'a za paŋ.

Daniyel 10:1

War buza n'ag'aŋ hu na Sirus aŋ warɗi pai na Persus, seŋ na wiini Alaw a muɗa sini Daniyel n'a zinani Baltazar, seŋ hanɗa a jre, a gir gara. Daniyel a ɵina seŋ hanɗa, a ɵina ezini edi lai, pini wala n'a siŋka arni.

Daniyel 11:6

Buza agwi asakal par, aga e zi bonu arbaɗi, gaini pai na war gal n'amai par aga te tika pai na war galn'azumai sek, kapai e simni war ɵeɗ. Amma aga te nava zinai ktai kai, spakɗi aga a vada edi. Pinzibaɗi aga a hina kai. Aga e fiɗiti edi, na gaiɗi nagai n'e kiɗi piɗi, ahiɗi gaini mofaɗi war mefeŋ hanɗa lai.

Daniyel 2:20

Daniyel a tika seŋ a muɗa: Yikini Alaw a nava kol, war hlai n'a vada kai par haa hlai n'a vada kai. Buri Yel gaini spak paŋ a wiini.

Daniyel 2:23

Tuku Alaw a na wiiɗi tamaiya, mu zuku tese, mu suku kol, buri ku saŋa yel gaini spak! Tiyana pra, ku siŋkiŋa wala na tiyi mi zilbuku miɗini ɗa; buri ku siŋkiyi wala na huwya pai ɗa.

Daniyel 2:9

Na ɓa ki siŋkiŋa weseŋ na pɵaŋa kai ɗa, sariya na te ɗiya buriki te na ktai; tiki ki kitisi miki aŋ dûûliŋa gaini seŋ zi rhai kapai haa hiiniŋa a bunda. Tiyana ki siŋkiŋa ɗa a weseŋ na pɵaŋa ɗa, kapai a yima mada ɓa ki kiɗi ta aŋ siŋkiŋa ezini edi lai.

Daniyel 4:14

Wala n'a za hanɗa a za pin ɗiyini seŋ na wiiɗi ɗai zi ɵeŋ zi giɗimi, seŋ hanɗa a za pin miɗi na wiiɗi na sɗik lai, kapai ɗai na karɗi e siɗi ɓa Alaw n'Amai a epingezaɗi paakai paŋ, a siti pai wiini ni n'a daraŋ a sa rɗi n'amai wiini ɗif n'asakal piɗi marni lai.

Daniyel 4:17

Luwuŋ na ku talaŋ n'a bunda abai gargali, gdaŋ lai, na wûlini haa amai sini ɗugul ta, na ɗai na war koŋɗi yai na puɗu paŋ arɗi sini ca ca,

Daniyel 4:22

Aga e burguku edi arbaɗi! ɗai par, aga ku sumna gaini wazagai n'edi buza, aga a suku kuzum muku maini garakai nɵa. Maɗai aga a diyɓuku lai haa buza muguzak, haa kapai ku siɗa ɓa Alaw n'amai ɗa a epingezaɗi paakai paŋ, a siti pai wiini asiya paŋ pin dirini.

Daniyel 4:32

Ɗai na midiɗi yai paŋ e ɗi wala ktai wuzani arni kai, a za pini dirini sini wazagai zi rgi n'arbani hlai n'amai gaiɗi ɗai na midiɗi yai. Ɗif n'aga a yima tini amai arni aŋ kai, na midini ɓa: ku za na ɗa a maɗa aŋ kaalai.

Daniyel 7:25

Aga a muɗa seŋ na ɗewek sini Alaw n'amai, aga a ziɗi gir wiiɗi ɗai na sɗik na wiini Alaw n'Amai; aga a paya futi aŋ bunda mefeŋ zi fet na wiiɗi gaini gadai na wiiɗi lai. Ɗai na sɗik aga e si edi war tini buri hlai ktai, hlai sulu gaini galni hlai ktai lai.

Lukas 21:15

Buri Ta aga mu siki yel, na gawki e siɗi aŋ bili edi sini kai, e kiɗi aŋ miɗi seŋ zamai siɗi kaalai.

Romekai 13:1

Hina asiya asiya ɗi paŋ a ɵina piɗi nagai n'e giɗimi hlai ɗa, buri ɓa abai na te halasi sini Alaw par kai t'aŋ kai, spak n'a na ta ta paŋ ɗa, a tikaŋ azumai ɗa a Alaw.

1 Korintekai 1:30

Amma, barkani Ni, tiki ki ɗa war Kristu Yesu, ni n'a bunda aŋ yel n'a halasi sin Alaw par burimu, pra, a jre-ɗikat na wiimu, a zi-n'edi aŋ sɗik na wiimu, a pili-n'edi na wiimu lai.

Yakob 1:17

Like zi yiki paŋ, gaini katu na pɗamai paŋ ɗa, a halasi ɗa amai par, a halasi sin epini gaglai par, ni n'a bunda kai, n'a jogo blaŋ blaŋ kai, sezeni aŋ kaalai.

Yakob 1:5

Na ɓa ktai arbaki yelni a kiɗa kai ɗa, a zilba Alaw burini hanɗa, ni n'a sa siɗi ɗai paŋ gaini seŋ kai, a muɗa seŋ pini kaalai ɗa aga a sini hanɗa.

Siŋki n'edi 19:16

Sini sapani lai, sini balakni lai, yiki ktai aŋ gai ɗû maini nɵa: Paiɗi paakai, Epiɗ-ɗai na wiiɗi Epiɗ-ɗai paŋ.