Daniyel 2:2 - Ɗû na sɗik na wiini Alaw

² Pai a sa futi buri e yikiɗinisi ɗai zi hiila, zi siɗi wuti, zi zi evek

Daniyel 2:2 Iomraidhean Croise

Pi zi tiki 41:8

Gorof par Faraw hangalni a tuura a yikiɗisi ɗai zi hiila gaiɗi ɗai na yalakai n'Egipte ɗa paŋ, a virniɗi weseŋ n'a pɵaŋ paŋ, amma ɗif ktai a kiɗa aŋ siŋkini ezini seŋ hanɗa edi wiini Faraw kai.

Ester 1:13

Pai a tipiɗi nagai n'e sini gadai ɗa, a zilbiɗi: Buri seŋ n'a za ahani pai paŋ ɗa ɗai n'e siɗi gadai zi ɗû gara gaiɗi nagai n'e siɗi gadaini afti ɗa e mili arɗi woni haw.

Niyi n'edi 7:11

Amma Faraw a yikiɗisi ɗai na yalakai gaiɗi zi siɗi wuti ɗai zi zi hiila na war Egipte, e zi hanɗa kal kal maiɗi nagai nɵa.

Esaya 19:3

Yel na wiiɗi ɗai n'Egipte aga a vada edi, aga mu turla seŋɗi n'e kitiŋ ɗa; aga e hili mini alawai na jrekai-kai, e zilbi sezeɗi ɗai zi mri, e zilbi seze na jrekai kai, gaiɗi ɗai zi siɗi wuti lai.

Esaya 8:19

Na ɓa ɗai e miɗiki ɓa: Hili miɗi ɗai zi siɗi wuti, gaiɗi n'e zilbi sezeɗi ɗai zi mri n'e yibi hûwit, gaiɗi n'e ŋûriyi gai ŋuriyi won hlai n'e miɗi miɗini wazagai na wuze lai ɗa a futini, ɗai aga e zilbi tini alawai na wiiɗi kai ɗi? Zaw e zilbiɗi zi mri, buriɗi na karɗi kai ɗi? Na ɓa e ɗa midiki ɵa ɗa,

Daniyel 1:20

War seŋ zi yel gaini hiini zi hulum paŋ na pai a payaŋ siɗi par ɗa, a niviɗi ɗa e sûwiɗi ɗai zi hiila gaiɗi ɗai zi siɗi wuti n'e ɗa midini aftini paŋ azi doogo.

Daniyel 1:4

E ɗi gawlakai na tirki siɗi kai, n'e tili zafai, na yalakai gara, n'e siɗi wala gara n'e siɗi zini seŋ paŋ, na gdaŋai lai kapai e siɗi aŋ zi sda ahani pai, aga e hitriɗi ɗû gaini miɗi na wiiɗi ɗai na Babilon.

Daniyel 2:10

paakai zi ɓaka e wiyi seŋ e miɗini: Jaamus, ɗif ktai na midiɗi yai n'a kiɗa aŋ siŋka wala na pai a zilbaŋ na ɗa aŋ kai. Pai ktai n'a zilba ka wala na maini nɵa tini ɗif zi hiila, zaw zi siɗi wuti zaw, tiɗi paakai zi ɓaka aŋ kaalai, koo ɓa a pai n'abai zi spak tekeɗeɗi.

Daniyel 2:27

Daniyel a waya seŋ wiini pai a muɗa: Wala zi ŋoyai na pai a payaŋ na ɗa, ɗif na yel zaw, zi hiila zaw, zi siɗi wuti zaw, z'evek n'a kiɗa aŋ siŋkini wiini pai aŋ kai.

Daniyel 3:8

Asakal par tar paakai zi ɓaka na wiiɗi e hilisi e pi seŋ midiɗi Yudiyakai.

Daniyel 4:3

Mu sa futi buri e yikiɗiŋasi ɗai na yalakai na war Babilon paŋ aha sa kapai e siŋkiŋa ezini weseŋ zi pɵi hanɗa.

Daniyel 4:6

Mu miɗini Beltasar, abaiɗi ɗai zi hiila, tuku na mu siɗa ɓa seze na wiini alawai na sɗik aŋ muduku, na wala zi ŋoyai ktai na suwuku aŋ kai, muɗaŋa miɗini wala n'a siŋka ara war weseŋ ɗa, siŋkiŋa ezini edi lai.

Daniyel 5:7

Pai a ɗuula gaini gdaŋni buri e yikiɗiŋsi ɗai zi zi evek, paakaiɗi zi ɓaka, gaiɗi zi siɗi wuti lai. Pai a tika seŋ a miɗiɗi wiiɗi ɗai na yalakai na Babilon: Asiaɗi paŋ na ŋa ɗû hanɗa li, a siŋkiŋa ezini hanɗa li lai, aga mu witini sapai zi pai sini, aga mu ɵitini aiduwi zi or wulani, aga aŋa arbaɗi n'abakai na hu na midiɗi pai.

1 Samuwel 6:2

Nɵa Filistrekai e yikiɗi paakai zi ɓaka gaiɗi nagai n'e siɗi wuze, e zilbiɗi e miɗi: zunduk zi bonu na wiini EPIƊ-ƊAI ɗa, mu zuŋmu maɵa maɵa ɗa? Miɗiyi haw! Mi wiyiŋ warni balamni maɵa maɵa ɗa?