Daniyel 12:7 - Ɗû na sɗik na wiini Alaw

⁷ Mu tala ahini ɗif na sapa zi leŋ sini, n'amai par pini yem a yima tini sulu paŋ amai a ha wala mini gaini Alaw na karni a muɗa: A na buri hlai ktai, hlai sulu gaini galni hlai. Won hlai na gdaŋɗi ɗaini a vada li tak, wazagai hanɗa aga a vada.

Daniyel 12:7 Iomraidhean Croise

Yob 27:2

Gaini Alaw na karni n'a firiya a siŋkiti jreŋa edi kai, gaini Alaw zi spak paŋ n'a vaŋa gaini marava ɗa,

Esaya 62:12

Aga e yikiɗi ɓa ɗai na sɗik, nagai zi pli-n'edi na wiini EPIƊ-ƊAI, tuku Yeruzalem aga e yikiku, aŋ fuŋ n'abai na gaini hini edi mak kir kai, amma fuŋ n'abai zi diri gara na wiini EPIƊ-ƊAI.

Yeremiyas 4:2

Na ɓa ku ha wala muku ɗa gaini EPIƊ-ƊAI na karni, gaini rhai kai maini n'a na ɵa, war jre lai ɗa, nɵa pinziba n'edi par aga e piyi ɓiki war yikini, aga e kûli siɗi gaini lai.

Ezekiyel 20:5

Ku miɗiɗi ɓa: Epiɗ-ɗai ALAW a na muɗa maini nɵa: mefeŋ na mu viriti Izrayel aŋ wiya ɗa, mu yima ta amai mu ha wala ma wiini pinzibani Yakob, mu siŋka sa arɗi midini afti n'Egipte, mu yima ta amai mu hiɗi wala ma maini nɵa: Ta m'EPIƊ-ƊAI Alaw na wiiki.

Daniyel 10:5

Mu yima ara amai mu tala ɗif ktai gaini santir zi or, na hilu gaini niggi wuzani ɓak.

Daniyel 11:13

Pai n'azumai aga a waya aha, a diŋga vok viya, a suwa n'avut. Buza asakal par agwi, a hala gaiɗi askaraini na viya, gaini wazagai zi gaw viya.

Daniyel 12:6

Ktai arbaɗi na sulu a zilba ɗif na gaini sapa zi leŋ sini, n'a ɗiyasi amai par pini yem agwi, a miɗini: dibini wazagai n'abakai n'a bunda ɗif hiyak hanɗa aga a za kaswata ɗa?

Daniyel 12:8

Mu ɵina wala n'a muɗaŋ, amma mu ɵina ezini edi kai. Nɵa, mu zilbaŋ ɓa Epin-geza, wazagai hanɗa a vada maɵa maɵa ɗa?

Daniyel 4:31

War vidini buza na muguzak hanɗa, ta Nebukadnezar mu yima ara amai war hlai n'amai, hiiniŋa a waisi sa, mu sini tese wiini Alaw n'Amai, mu sini kol gaiɗi abai wiini ni n'a na karni haa kureɗ, buri spakni a spak n'a vada kai, paini te na haa kureɗ lai.

Daniyel 4:34

Tiyana ɗa ta Nebukadnezar, mu kola pai n'amai, mu siŋka edi midiɗi abaini, mu sini kol lai buri sdani a jre, futini a na ɗikat. A kiɗa a hûsiɗi azumai nagai n'e kûli siɗi amai.

Daniyel 7:21

Mu tiliti amiyoki hanɗa te na hitimiɗi ɗai na sɗik, te rɗa amai midiɗi lai,

Daniyel 7:25

Aga a muɗa seŋ na ɗewek sini Alaw n'amai, aga a ziɗi gir wiiɗi ɗai na sɗik na wiini Alaw n'Amai; aga a paya futi aŋ bunda mefeŋ zi fet na wiiɗi gaini gadai na wiiɗi lai. Ɗai na sɗik aga e si edi war tini buri hlai ktai, hlai sulu gaini galni hlai ktai lai.

Daniyel 8:14

A wiyini seŋ: Haa ɓaka na koskoi gai na gorof par dubu sulu gai miya hu. Asakal hanɗa par, hlai na sɗik aga a waisi war balamni.

Daniyel 8:24

Spakni aga a riya amai sek sek, amma war gadaŋni dama kai, aga a za wazagai zi ɓilki n'edi n'abakai, wala n'a tikaŋ mini paŋ a zaŋ paŋ, aga a tûûriɗi ɗai zi spak edi, a dara muɗa ɗai na sɗik.

Lukas 21:14

Ki yimi miɗiki ɓa: Aga ki zizini siki wuzani hlai gaini seŋ n'aga ki pli siki edi gaini kai.

Lukas 21:24

Aga e fiɗiɗi edi gaini kaɵkar, aga e kiɗi edi aŋ bege arbaɗi pinzibaɗi ɗai, ɗai n'edi par aga e kirpiti Yeruzalem azumai pini eziɗi haa mefeŋ n'a sa ta buri ɓa ɗai n'edi par e ziɗi gir wiiɗi Yeruzalem ɗa a va amai.

Wiyi na midini gadai 26:19

Kapai EPIƊ-ƊAI aga a ziki aŋ ɗai n'e sûwiɗi pinziba zamai n'a rgaŋ paŋ gaini hormo, gaini yiki zi wi gaiɗi abai lai. Aga ki bindi aŋ pinziba na sɗik na wiini EPIƊ-ƊAI Alaw na wiiki maini n'a miɗiŋki nɵa.

Wiyi na midini gadai 32:36

EPIƊ-ƊAI aga a ziti sariya wiiɗi ɗaini war jre, amma aga a hiina haw buriɗi, Won hlai n'aga a tala gdaŋɗi n'a vada edi, won hlai n'aga a tala ɓa bege aŋ kaalai, kempe kaalai ɗa.

Wiyi na midini gadai 32:40

Ta t'aŋ kai amai na, gaini suŋfaŋa n'a na haa kureɗ zaŋ.

Wiyi na midini gadai 7:6

Buri ɓa tiki ki ɗi ɗai na gaini viri edi ɗaw wiini EPIƊ-ƊAI Alaw na wiiki. Arbaɗi pinziba na midiɗi yai paŋ ɗa EPIƊ-ƊAI a viriki ki ɗi tiki, kapai ki zi aŋ walani na agulni a firiya midini gara.

1 Peter 2:9

Tiki ɗa ki ɗi pinziba zi viri n'edi, ki ɗi paakai zi ɓaka na wiini pai, pinziba na sɗik, pinziba n'Alaw a zaŋ aŋ wiini ta, kapai ki miɗi edi midini sda n'abakai na wiini ni n'e yikikisi edi war gegeŋ par sini gaglai, n'a juva gara.

Siŋki n'edi 12:14

Nɵa baada na graŋni muka n'abai na sulu a sa siɗi muni, buri te ɗufla edi war basga na kaɗataŋ war hlai n'a zizina buriɗi, buri te nava simniɗi woni, edi gaigai sini wala meefeŋ n'abai n'abai ɗa par, buri hlai ktai, hlai sulu, gal hlai ktai lai.

Siŋki n'edi 12:6

Amma muni ɗa te pra edi war basga na kaɗataŋ, war hlai n'Alaw a ziziniɗi hlaiɗi woni, kapai e siɗi simiɗi woni, haa mefeŋ dubu gai miya sulu gaini doogo doogo ɵaara.

Siŋki n'edi 13:5

Mi a sa sini buri a muɗa seŋ n'abakai zi fiɗi si gaini tirki na sin Alaw lai, spak a sa sini buri a za sda haa tile doogo doogo puɗo pi sulu.

Siŋki n'edi 4:10

n'abakai zi ɵi wuze na caaɓa pi puɗu e yiki siɗi azumai wuzani ni n'a sumna midiɗi Paramai zi pai ɗa. E siiwi tin ni n'a na karni haa hlai n'a vada kai, n'a vada kai ɗa, e mili bogorai na midiɗi azumai wuzaɗi Paramai zi pai, e miɗi:

Siŋki n'edi 4:9

Hlai paŋ na wazagai zi rgi na karni a faka li aŋ sa kol gaini hormo gaini zini tese lai sin ni n'a sumna midiɗi Paramai zi pai, sini ni n'a na karni haa hlai n'a vada kai, n'a vada kai lai ɗa,