Daniyel 12:6 - Ɗû na sɗik na wiini Alaw

⁶ Ktai arbaɗi na sulu a zilba ɗif na gaini sapa zi leŋ sini, n'a ɗiyasi amai par pini yem agwi, a miɗini: dibini wazagai n'abakai n'a bunda ɗif hiyak hanɗa aga a za kaswata ɗa?

Daniyel 12:6 Iomraidhean Croise

Yama na wiini David 74:9

Wala n'a siŋkiyi ɓa ku na arbayi aŋ kir kai, ɗai na mini Alaw e ɗa kir kaalai, ktai n'arbayi n'a sɗa ɓa wala hanɗa aga a za nɵa haa mefeŋ nɵa ta ɗa aŋ kai.

Ezekiyel 9:2

Nɵa ɗai e hilisi ɵaara war mini magala n'amai na war gal n'azumai sek ɗa par, ɗif paŋ walani n'a tuura hlai gaini ɗa tini ɗaw ɗaw. ɗif ktai a na fu arbaɗi gaini sapa zi leŋ sini ɗik, santir wuzani ɓak, guɓo na wazagai n'e ɗû gaini aŋ warni ɗa wuzani ɓak lai. E hilisi e ɗiyi ɵimani gûwiŋ zi ɓaka zi kiiya ɗa ca.

Daniyel 12:5

Won hlai na ta Daniyel mu mula ara, mu tala ɗai zamai sulu amai wulani ra ɗa ca, ktai na par zaw, ktai anene na par zaw lai.

Daniyel 12:8

Mu ɵina wala n'a muɗaŋ, amma mu ɵina ezini edi kai. Nɵa, mu zilbaŋ ɓa Epin-geza, wazagai hanɗa a vada maɵa maɵa ɗa?

Daniyel 8:13

Mu ɵina wulani ɗif na sɗik ktai a na muɗa. Ɗif na sɗik a zilba ni n'a na muɗa maini nɵa: Seŋ n'aŋ warni wala n'a siŋka hanɗa, aga a za haa mefeŋ gama ɗa? Ɓaka n'e ziŋ kûreɗ-kûreɗ ɗa aga a ɗiya haa mefeŋ gama ɗa? Hi n'amai midini gadai n'a na tuura hlai, hlai na sɗik n'a bunda hihir gaini wazagai zi rgi n'arbani hlai n'amai, n'a kirpa azumai pini eziɗi lai ɗa aga a za nɵa haa mefeŋ gama ɗa.

Daniyel 8:16

Mu ɵina wulani ɗif warni ra Ulai par, a ɗuula a muɗa: Gabriyel, siŋkini ezini wala n'a siŋka arni Daniyel ɗa.

Matewus 24:3

Won hlai n'a sumna amai midiɗi huwuŋ zi luwuŋ olive, ɗaini zi hitri e hilisi sini war ŋoyai e miɗini, miɗiyi haw, wazagai hanɗa aga a za kaswata ɗa? Siŋki na maɵa ɗa aga a za miɗini giziku gaini dibiɗi yai?

Markus 13:4

Miɗiyi haw, wazagai hanɗa aga a za ɗa kaswata ɗa? Wala n'aga a siŋkiyi ɓa hanɗa paŋ aga a vada ɗa a maɗa?

Efesekai 3:10

kapai tiyana ɗa, gaiɗi tipi ɗa, yel na wiini Alaw a sɗa aŋ siŋka edi gaiɗi abaini paŋ, siɗi paakai gaiɗi zi spak n'arbani hlai n'amai.

1 Peter 1:12

Alaw a yimiŋɗi midiɗi ɓa: Seŋ n'e miɗiŋ edi na ɗa, a na buriɗi nagai dama kai, amma a wiiki, tiyana nagai n'e ɓiki labar na pɗem ɗa, e midiki seŋ hanɗa edi, gaini spak na wiini seze sɗik, n'Alaw a ɵinaŋsi amai war fuŋ n'Alaw par. Ɗai zi ɵeŋ na war fuŋ n'Alaw maa e diri e sɗi ezini seŋ hanɗa edi lai.

Siŋki n'edi 15:6

Ɗai zi ɵeŋ na war fuŋ-n'Alaw na muguzak na gaini gir na muguzak tiɗi ɗa e niyisi edi warni tempel ɗa par, sapa na siɗi ɗa a leŋ na gai futini, n'a ŋala gara, santir zi or wuzaɗi gaini niggi ɓak ɓak

Siŋki n'edi 19:14

Vokɗi askarai na war fuŋ n'Alaw a tapa pini, miɗini plasai na muɗukokai gaini sapa zi leŋ na gai futini siɗi, na muɗukwi, na hilu.

Siŋki n'edi 6:10

E ɗûûli e miɗi: Haa kaswata ɗa, Epin-gezayi, na sɗik, na jre, aga ku yima azuku aŋ ziti sariya, aŋ zilba felyi tiɗi ɗai na midini afti ɗa?