Daniyel 12:3 - Ɗû na sɗik na wiini Alaw

³ Ɗai n'e siɗi ezini seŋ aga e ŋili maini war hlai n'amai nɵa. Nagai n'e ziɗi ɗai viya edi aŋ jre-ɗikat aga e ŋili haa kureɗ maini meeɵek nɵa.

Daniyel 12:3 Iomraidhean Croise

Niyi n'edi 34:35

Won hlai n'aliɗi Izrayel e tili arni Musus ɗa arni a ŋala gai ŋili, Musus a waya sapa ɗa arni bar haa sin mefeŋ n'a firya a niya amlai aŋ haɗa kalaŋ gaini Alaw ta.

Seŋ joro 11:30

Sdani ɗif na jre ɗa a na maini luwuŋ zi suŋfa nɵa, ɗif zi yel ɗa ɗai e firiyiŋ paŋ.

Seŋ joro 3:35

Na a na biyiɗi na hangalai ɗa, a hormo, na tatalakai ɗa, aga a dûgû gaini siyer.

Seŋ joro 4:18

Amma futini ɗif na jre ɗa te na maini gaglai na wiini hlai na rum rum n'a riya amai sek sek hlai na futi te yimasi amai ɗa nɵa,

Ɗif zi ɓiki seŋ 12:9

Ɗif zi ɓiki seŋ ɗa, wiini ɗa a yel ɗe ktai kai, a hitra siɗi wiiɗi ɗai, a tetema, a fufuka, a ɗopa seŋ joro viya.

Esaya 53:11

Burini gir paŋ n'a libaŋ ɗa, aga a tala, aga a va gaini siɗi na wiini, ɵeŋŋa na jre ɗa aga a ka jre-ɗikat siɗi ɗai viya, aga a tika meefeŋ na wiiɗi miɗini lai.

Yeremiyas 23:22

Na ɓa e simnifu warni kitini-mi na wiya ɗa, aŋ ta ɗa aga e miɗi seŋŋa wiiɗi ɗaiŋa ɗa, aga e wiyiɗisi warɗi futi na mafuni par, sini sdaɗi na maafanai par lai.

Daniyel 11:33

Na yalakai gara arbaɗi aga e hitriɗi ɗai viya. Amma ɗai zamai aga e mri mini kaɵkar, zaai mini afu, zamai mini bege, zamai e virmiɗi gaini virmi haa mefeŋ yaw.

Daniyel 11:35

Zamai arbaɗi ɗai zi siɗi ezini seŋ hanɗa viya aga e mri. Pin mriɗi, ɗai viya aga e zi edi aŋ hilu, e mi edi muɗukwi tal lai, haa sin mefeŋ zi dibi. Buri mefeŋ ni a gizi kai hai.

Daniyel 12:10

Ɗai viya aga e zi edi hilu maini wala n'e hiliyiŋ nɵa, e mi edi muɗukokai gaini titimi tam lai tini gir n'e ziŋɗi. Ɗai na maafanai aga e hili wuzaɗi gaini sdaɗi na meefeŋ, aga e siɗi wala n'a na za kai. Amma ɗai n'e siɗi ezini seŋ aga e siɗi hanɗa.

Matewus 13:43

Nagai na jre ɗa aga e ŋili maiɗi futi nɵa warɗi pai na wiini Epiɗi. Ni na ɵimaɗi a na aga a ɵina.

Matewus 19:28

Yesu a miɗiɗi: jre, mu miɗiki, tiki na ki tikiti futi pa na ɗa, war wi na hehe ɗa, won hlai na Ahini ɗif a sumna li midiɗi paramaini zi pai, warɗi abaini ɗa, tiki lai aga ki simni midini Paramai zi pai doogo pi sulu lai aŋ ziti sariya wiini pinziba na doogo pi sulu na wiiɗi Izrayel.

Matewus 24:45

Ɗif zi sɗa na jre na hangal, n'epin-gezani a tikaŋ midiɗi ɗai n'ahani buri a siɗi simiɗi woɗi futini, ni asiya ɗa?

Yohana 4:36

Tiyana par ɗif zi hiɗi a nava vrak, a haɗa ali burini, na buri suŋfa n'a vada kai ɗa lai, kapai ɗif zi sûûɗi lai, zi hiɗi lai e firiyi piɗi marɗi aŋ bonu.

Yohana 5:35

Ni ɗa a na ka ɗa a lampa n'a ya, a za gaglai, amma tiki ki firiyi pini gaglai buri hlai n'agwi.

Sdaɗi Apostelai 13:1

War tipi na war Antiyokiya ɗa, ɗai na mini Alaw gaiɗi ɗai zi hitri e ɗi fu viya, Barnabas gaini Simun na yikini ɓa Nizer gaini Lukuyus na kirene par, gaini Manayen n'e wili piɗi marɗi, gaini Lawan Herod Antipas, Sawlus lai.

1 Korintekai 3:10

Pin yim n'Alaw a zaŋ sa, mu tora ezini dalam azumai ɗa maini ɗif zi rgi dalam na yel nɵa, ɗif zamai aga a rga amai midini. Amma asiya asiya paŋ aga a tika hangalni sini wala n'a dara a rgaŋ amai midini ɗa.

Efesekai 4:11

Hanɗa a ni n'a suɗumo na zamai aŋ apostelai, na zamai aŋ ɗai na min Alaw, na zamai aŋ ɗai n'e ɓiki labar na pɗem, na zamai aŋ zi giɗimi, zi hitri lai;

Hebrekai 5:12

Kadai tiɓ, a na ta ɗa ki ɗi tamai zi hitri gadai, amma ki firiyi ɓa e hitiki wazagai n'agogoi n'e tiki piɗi gaini war hitri na war seŋ n'Alaw par ɗaai. Tiyana ki piyi na ɗa a simi na gdaŋ kai, amma a fiyaw.

2 Peter 3:15

Ki yimi ɓa zi n'EPIƊ-ƊAI a za gaini hangal na ɗa, a na burini kûri na wiiki, maini na Pawlus tawalmu zi diri gara a ɗoŋ ka siki pin yel n'a sa sini nɵa.

Siŋki n'edi 1:20

Meeɵek na muguzak, na ku talaŋ war ta na wus gaini wazagai n'e higi lampa sini zi or na muguzak lai ɗa, a siŋka miɗini wala. Meeɵek na muguzak ɗa, e ɗi zi sɗa na miɗini Tipi na muguzak, wazagai n'e higi lampa amai sini na muguzak ɗa e ɗi Tipi na muguzak ɗa lai.

Paakai zi sariya 5:31

EPIƊ-ƊAI, a juva ɓa gawku paŋ e mri edi maini Sisera nɵa, nagai n'e diriku ɗa, e ŋili maini futi, n'a yima gaini gdaŋni kaŋ ɗa nɵa. Afti a sumna ɵeɗ haa buza doogo doogo puɗu.