Daniyel 12:2 - Ɗû na sɗik na wiini Alaw

² Viya arbaɗi n'e kili weseŋ aga e ɵiyi amai, zamai buri e nivi suŋfa n'a vada kai, na zamai e nivi siyer gaini hunai n'abai n'a vada kai.

Daniyel 12:2 Iomraidhean Croise

Seŋ joro 12:8

Ɗif ɗa a nafa kol pini hangalni na pɗem, amma ni na hinini meefeŋ ɗa a hina mini tirki ɵa.

Esaya 26:19

Ɗaiŋa a juva ɓa ɗai ku zi mri ɗa e wiyisi karɗi, kopoŋɗi a fakasi amai, Fikisi amai, ɗûûli ɗuwal zi firiyi, tiki na ki fini azumai arni alogodo! Buri maɗai na wiiku, a maɗai zi gaglai, gaini hanɗa, afti aga a wiyiɗisi ɗai zi mri karɗi pra.

Esaya 66:24

Ɗai aga e hilisi e tili kopoŋ na wiiɗi ɗai, na e fiki amai sa, atla na limiɗi a mra kir kai, afu n'a yiɗi a mra kir kaalai.

Yeremiyas 20:11

Amma EPIƊ-ƊAI aŋ gaya, maini gaŋgalaŋ zi spak nɵa, buri nɵa nagai n'e ɗa e ziŋa gir ɗa aga e yiki azumai, aga e rɗi amai kai, siyer aga a yimiɗi buri na e hiiniŋ warɗi ɗa a va amai kai, a siyer n'a vada kai, na midini ɗif aga a wula gaini kaalai.

Ezekiyel 37:12

Nɵa ɗa, muɗa seŋ na sa par ktai siɗi, ku miɗiɗi ɓa: Epiɗ-ɗai ALAW a na muɗa maini nɵa: Tiki ɗai na wiya, aga mu mala yeɵki edi, aga mu yimikisi azumai war waŋki par, aga mu kiki aha midini aftiki war Izrayel.

Hoseya 13:14

Aga mu piliɗisi edi war hlai zi simni na wiiɗi ɗai zi mri par, mu miliɗisi edi tini mri par. Mri, wazagaiku zi hatam ɗa aŋ wata ɗa? Mri spakku zi fiɗi ɗai aŋ wata ɗa? Hiinini-haw ɗa a na ara kir kai.

Matewus 25:46

Nagai aga e hili edi warni ŋiba n'a vada kai, amma nagai na jre-ɗikat war suŋfa n'a vada kai.

Sdaɗi Apostelai 24:15

Wala ktai na mu yimaŋ ɗa ɓa: Ɵiyi n'amai na wiiɗi na jrekai gaiɗi na jrekai kai aga a za. Nagai ɗe e yimi ɵa lai.

Sdaɗi Apostelai 7:60

Asakal par a pa kurnaini azumai, a ɗuula a muɗa: Epiɗ-ɗai, ku pɵa tuwur hanɗa midiɗi kai. Asakal na a muɗa hanɗa ɗa ya, a niya warni weseŋ zi mri.

Romekai 9:21

Ɗif zi hi grak ɗa, gdaŋni a na midini afti n'a ha grak gaini ɗa kai ɗi? Gaini afti ni dama a kiɗa a ha grak na burini sɗa na pɗem, zaw grak na zi dawaŋ lai kai ɗi?

1 Tesalonikekai 4:14

Buri ɓa, mu yimumu ɓa Yesu a mra ya, a ɵiya amai ya lai. Nɵa, Alaw aga a tipiɗi gaini Yesu nagai n'e mri ɗa.

Siŋki n'edi 20:12

Nɵa mu tiliɗi zi mri n'abakai gaiɗi n'agogoi gaini ɗiyi ca ca wuzaɗi Paramai zi pai, maktuɓ viya a mla edi, maktuɓ zamai ktai a mala edi lai, hanɗa a maktuɓ zi suŋfa, ɗai zi mri ɗa, e niviti sariya pin wala n'aŋ gaini ɗû midiɗi war maktuɓ ɗa, pin sdaɗi lai.