Daniyel 12:12 - Ɗû na sɗik na wiini Alaw

¹² ɵeɗ miɗini ni n'aga a siika, haa a co sini mefeŋ na dubu gaini miya hu gaini doogo doogo hu pi ɵim.

Daniyel 12:12 Iomraidhean Croise

Esaya 30:18

Buri hanɗa EPIƊ-ƊAI a na baya sarti n'aga a hiina haw buriki warni buri nɵa aga a fakasi amai aŋ za yum siki, Buri EPIƊ-ƊAI a Alaw na jre, ɵeɗ midiɗi nagai n'e ɗa biyi war tini.

Ezekiyel 4:6

Won hlai na ku vada mefeŋ hanɗa li, ku fana midini galku n'amai sek, aga ku yima mefeŋ na wiiɗi ɗai na Yuda ɗa suku, aga ku za mefeŋ doogo doogo puɗu, mefeŋ paŋ ɗa a buza ktai ktai.

Daniyel 8:14

A wiyini seŋ: Haa ɓaka na koskoi gai na gorof par dubu sulu gai miya hu. Asakal hanɗa par, hlai na sɗik aga a waisi war balamni.

Romekai 11:15

Na ɓa hini n'Alaw a hiniɗi edi, a za aŋ tuyi na wiiɗi ɗai na yai gaini Alaw ɗa, yimi n'aga a yimiɗi sini pra ɗa, wala n'aga a za pini ɗa a ma lai ɗa? Zi mri mal maa aga e bindi karɗi kai ɗi?

Siŋki n'edi 11:2

Amma pakatai n'anene, na wiini tempel ɗa aga ku hiniti edi, ku kata mogoɗi gaini brukɗi kai, buri te sa siɗi pinziba na zamai. Nagai aga e kirpi fuŋ n'abai na sɗik azumai pin eziɗi haa tile doogo doogo puɗu pi sulu.

Siŋki n'edi 12:6

Amma muni ɗa te pra edi war basga na kaɗataŋ, war hlai n'Alaw a ziziniɗi hlaiɗi woni, kapai e siɗi simiɗi woni, haa mefeŋ dubu gai miya sulu gaini doogo doogo ɵaara.

Siŋki n'edi 13:5

Mi a sa sini buri a muɗa seŋ n'abakai zi fiɗi si gaini tirki na sin Alaw lai, spak a sa sini buri a za sda haa tile doogo doogo puɗo pi sulu.

Siŋki n'edi 20:4

Mu tala Paramai zi pai viya, nagai n'e simni midini ɗa, spak a sa siɗi buri e ɗûklûti sariya, mu tala suŋfaɗi nagai n'e ɗûklûɗi homokɗi edi gaini beŋel, buri zaida n'e ziŋ miɗini Yesu gaini seŋni Alaw lai, gaiɗi nagai n'e hûrgû zumai wuzani wala n'ezini puɗu gaini wala zi rgi n'a sɗa maini ɵa ɗa kai ɗa, gaiɗi nagai na wala zi siŋki na wiini wala n'ezini puɗu a tika miɗini arɗi kaalai, miɗini tiɗi kaalai. Nagai e bindi karɗi pra, e ŋi gaini Kristu haa buza dubu ɗaw.