Biblia Todo Logo
Bìoball air-loidhne

- Sanasan -




Daniyel 12:10 - Ɗû na sɗik na wiini Alaw

10 Ɗai viya aga e zi edi hilu maini wala n'e hiliyiŋ nɵa, e mi edi muɗukokai gaini titimi tam lai tini gir n'e ziŋɗi. Ɗai na maafanai aga e hili wuzaɗi gaini sdaɗi na meefeŋ, aga e siɗi wala n'a na za kai. Amma ɗai n'e siɗi ezini seŋ aga e siɗi hanɗa.

Faic an caibideil Dèan lethbhreac




Daniyel 12:10
37 Iomraidhean Croise  

A juva ɓa ɗif na yel ɗa a tika hangalni sini wazagai hanɗa, a sɗa pɗem na wiini Alaw ɗa lai.


Tala mu wa war meefeŋ, ama te tika felŋa war tuwur.


ɗif zi yel n'a na talaŋ ɗa a nafa wala warni par. Zi siɗi ɗa kaw a nafa yel warni par lai,


EPIƊ-ƊAI a na muɗa maini nɵa: Hilisi, tulumu seŋ arbamu. Koo ɓa tuwurki a na mekele hirra, maini fel nɵa ɗi, aga a bunda muɗukwi, maini maɗai zi glas nɵa Koo ɓa na mekele maini mukusu nɵa tekeɗeɗi, aga mu bundaŋ muɗukwi tal maini duzi nɵa.


Aga mu yema yem na hilu midiki, aga ki zi edi hilu, aga mu miki edi hilu sin hihir na wiiki par, sin alawai zi rgi na wiiki par lai.


Amma hlai zi yem zamai n'a na ɵimani Yem-ra n'abai aga a bunda pɗem kai, a hina ɵa kapai e nivi manta woni par.


Na yalakai gara arbaɗi aga e hitriɗi ɗai viya. Amma ɗai zamai aga e mri mini kaɵkar, zaai mini afu, zamai mini bege, zamai e virmiɗi gaini virmi haa mefeŋ yaw.


Zamai arbaɗi ɗai zi siɗi ezini seŋ hanɗa viya aga e mri. Pin mriɗi, ɗai viya aga e zi edi aŋ hilu, e mi edi muɗukwi tal lai, haa sin mefeŋ zi dibi. Buri mefeŋ ni a gizi kai hai.


Ɗai n'e siɗi ezini seŋ aga e ŋili maini war hlai n'amai nɵa. Nagai n'e ziɗi ɗai viya edi aŋ jre-ɗikat aga e ŋili haa kureɗ maini meeɵek nɵa.


Efrayim, wala n'a tipiyi katawai gaini alawai zi rgi ɗa a maɗa? Aga mu wiyuku seŋ mu ta, mu mula ara puku mu ta lai. Mu na maini luwuŋ Sipre n'a goɗa nɵa, ku haɗa seyem na ɗa buriya ta.


Gal na ktai n'a hina ɗa, aga mu waŋ arni afu, aga mu zaŋ edi hilu maini arzaŋ n'e hiliyiŋ ɗa nɵa, aga mu titimaŋ gaini afu maini ɗif n'a hiliya or ɗa nɵa. Gal hanɗa aga a siiwaŋa ta aga mu ɵina siiwani lai. Aga mu muɗa ɓa: Hanɗa e ɗi ɗai na wiya, nagai aga e miɗi ɓa: Alaw na wiyi ɗa a EPIƊ-ƊAI.


Aga a sumna azumai maini ɗif n'a hiliya arzaŋ gaini afu kapai a yima haya-hayani gaini selte n'arni edi nɵa, aga a ziɗi pinzibani Levi edi sɗik, aga a ziɗi edi hilu maini n'e zi or gaini arzaŋ ɗa nɵa, kapai e kisi ɓakaɗi wuzani EPIƊ-ƊAI maini na gadai a ɗiyaŋ ɗa nɵa.


A miɗiɗi: A sa siki tiki aŋ siɗi wala zi ŋoyai na wiiɗi pai n'Alaw, amma buriɗi nagai n'edi par ɗa, wazagai paŋ a sa siɗi war seŋ zi siŋka maini.


Yesu a miɗiɗi: Tiki, midiki gdaŋ, ki yimi seŋ na ɗai na mini Alaw e miɗiŋ ɗa kai.


Pilatus a miɗini: Tuku ɗa ku pai ɗi? Yesu a waya seŋ a miɗini: Ku muɗa ɓa mu pai na ɗa ku tuku, ta ɗa mu wa, mu halasi warɗi yai lai buri mu muɗa edi miɗini jre, asiya ɗi paŋ n'aŋ warni jre ɗa a ɵina ma.


Na ɓa ɗif a dara a za diri na wiini Alaw ɗa aga a sɗa ɓa, hitriŋa aŋ sini Alaw par, zaw, mu zaŋ ɗa gaini mada dama ɗi?


Ni n'a na sini Alaw par ɗa a ɵina seŋ na wiini Alaw ɗa, na ɓa tiki ki ɵiniŋ kai ɗa, buri ɓa ki ɗi na wiini Alaw kai.


Tiki ki ɗisi ka ɗa arbaɗi ɗai hanɗa, kaw ɓa gai hlaiki paŋ kai tekeɗeɗi, amma tiyana tiki ki mi siki li edi, ki zi li edi sɗik, ki zi li edi aŋ jre-ɗikat lai, war yikini Epiɗ-ɗai Yesu Kristu, war Seze na wiini Alaw na wiimu.


Tawalakai, zi diri gara, na ɓa mu ɗumu gaini ɵinini ha na maini nɵa ɗa, zumu sumu edi hilu, sini wazagai na haharai na wiini neŋ-si gaini na wiini seze lai, mu vumu amai war sɗik, war hunai na pin Alaw lai.


A sa sini dama edi burimu, kapai a wurumusi edi war meefeŋ paŋ par, kapai a zumu edi aŋ ɗai na hilu na wiini, gaini midini dama, n'e si siɗi edi min sɗa na pɗamai.


Nagai ɗa e gudumu buri hlai n'agwi kadai, pin wala n'a tala arɗi pɗem, amma Alaw ɗa a gudumu buri pɗem na wiimu mal, kapai mu nuvumu bri na wiimu war sɗik na wiini.


Maini na tki ki zi siki edi hilu gaini ɵeŋki na pin jre, kapai ki zi diri arbaɗi tawalakai, gaini rhai kai, ki diri marki arbaɗi marki abai gara, gaiɗi agul na muɗukwi.


Kapai ɗa yimiki na gai titimi tam, na pɗemni a suwa or n'afu a tetemaŋ ya, n'a ɓulka edi ɗa, aga a za aŋ wala zi kol, z'abai, gaini hormo lai, won hlai na Yesu Kristu aga a siŋkasi sini edi ɗa.


Amma tumu mu suɗumu lai ɓa ahini Alaw a halasi ya, a sumu yel, kapai tumu mu suɗumu ni na Jre ɗa, tumu mu ɗumu war ni na Jre lai, war Yesu Kristu n'Ahini. Ni a Alaw na Jre, a Suŋfa n'a vada kai lai.


E tirki Alaw n'amai, burini girɗi gaini ɓilikɗi, amma e hini sdaɗi na meefeŋ ɗa edi kai.


Vokɗi askarai na war fuŋ n'Alaw a tapa pini, miɗini plasai na muɗukokai gaini sapa zi leŋ na gai futini siɗi, na muɗukwi, na hilu.


Buri a sa siɗi aŋ wi siɗi ɗa a sapa zi leŋ na gai futini, n'a ŋala gara, na hilu lai. - Leŋ na gai futini hanɗa a jre-ɗikat na wiiɗi na sɗik.


Hina ni na jre-ɗikat kai, aŋ wiini war jre-ŋkat kai na wiini dam, na hihir ɗa, hinaŋ a za hihirni wiini, na jre-ɗikat, hinaŋ a za jre-ɗikatni wiini, na sɗik ɗa, hinaŋ a za edi sɗik a suwa pra.


Buri nɵa mu suku hiini na pɗem ktai, marya ku wura or na hilu, or n'a vugasi arni afu ɗaw ya, kapai ku za aŋ ɗif zi farai, ku wura sapa na muɗukwi lai, kapai ku wa suku, kapai siyerni ganalaku a siŋka edi kai, ku wura emel z'arai, kapai ku zaŋ arku, kapai ku tala.


EPIƊ-ƊAI aga a ziti sariya hanɗa arbamu. EPIƊ-ƊAI aga a vurga meefeŋ na ku na zaŋa hanɗa, ta aga mu tika ta amai suku kai sme.


Lean sinn:

Sanasan


Sanasan