Daniyel 12:1 - Ɗû na sɗik na wiini Alaw

¹ War mefeŋ hanɗa, Mikayel ɗif zi ɵeŋ n'abai n'a giɗimiɗi ɗaiku aga a faka amai. A mefeŋ zi gir, war piɗi yai zi tiki par haa girna, gir na maini hanɗa nɵa a za ka duk kai. War mefeŋ hanɗa ɗaiku aga e kûrɗi, nagai paŋ na yikiɗi a ɗoli war maktuɓ zi suŋfa na wiini Alaw.

Daniyel 12:1 Iomraidhean Croise

Yama na wiini David 56:8

Buri meefeŋɗi ɗa, hiniɗi e pulti edi kai, war hiyku ɗa, Alaw wiya, vidiɗi ɗai hanɗa edi.

Yama na wiini David 69:28

Pɵa meefeŋ hanɗa mini meefeŋ na wiiɗi, ku za yumku siɗi kai.

Esaya 4:3

Nɵa, nagai n'e hini ka aha war Siyon, gaiɗi nagai n'e hini ka aha war Yeruzalem, aga e yikiɗi ɓa ɗai na sɗik, Hanɗa e ɗi nagai na yikiɗi a ɗo war maktuɓ na wiini, aŋ simni karɗi aha war Yeruzalem.

Esaya 9:7

EPIƊ-ƊAI a ɵinasi seŋ ktai midiɗi pinzibani Yakob, seŋ hanɗa a kɵa midiɗi pay na Izrayel.

Yeremiyas 30:10

Tuku Yakob ɵeŋ na wiya, ku huna kai, a miɗi na sini EPIƊ-ƊAI par, hina hunai n'abai a yimiki kai, Izrayel, aga mu kurɗukusi edi midini afti na gai gai par, pinzibaku midini afti na a na warni aŋ bege par lai. Yakob aga a wayasi aha, aga a sumna war ɵeɗ, gaini hangalni lai, ɗif n'aga a huwyaŋ aŋ kir kai.

Yeremiyas 30:7

Gir gara, mefeŋ hanɗa a mefeŋ n'abai, mefeŋ zamai na maini ɵa aŋ kai. A mefeŋ zi gir burini Yakob, amma aga a kurɗa a niyasi edi warni par.

Ezekiyel 13:9

Aga mu faka amai siɗi ɗai na mini Alaw na wala n'a siŋka arɗi ɗa a jre kai, na seŋɗi na wuze ɗa a eles kadai lai ɗa, aga e simni warni diŋgi na buri kitini-mi na wiiɗi ɗaiŋa kai, yikiɗi aga a ɗo war maktuɓ na wiiɗi pinzibaɗi Izrayel ɗa kai, aga e niyi aha midini afti na Izrayel ɗa kaalai, kapai a yima midiɗi ɓa, ta m'EPIƊ-ƊAI.

Ezekiyel 34:24

Ta EPIƊ-ƊAI aga mu za aŋ Alaw na wiiɗi, ɵeŋ na wiya David aŋ pai arbaɗi lai. Ta EPIƊ-ƊAI mu muɗa ya.

Ezekiyel 5:9

Buri sdaki na haharai na ki ziŋ ɗa, aga mu ziki wala na mu zaŋ ka duk kai, n'aga mu zaŋ pra kaalai.

Daniyel 10:13

Ɗif zi ɵeŋ n'a giɗima aftiɗi pai na Persus a ɗalasi warɗi futi ɗal haa mefeŋ caaɓa pi ktai. Mu na fu ɵimani pai na Persus dam. Asakal hanɗa Mikayel, ɗif zi ɵeŋ n'a giɗimiti Izrayel, ktai arbaɗi ɗai zi ɵeŋ n'abakai, a zina pa.

Daniyel 11:45

Aga a pa gororoni zi pai arbani yem-ra n'abai gaiɗi huwuŋ na sɗik na te na midini afti na juva gara. Woni aga a nava mri, ɗif ktai maa aga a zina pini kai.

Daniyel 7:10

Ra z'afu a kasi edi wuzani par, ɗai dubu dubu e zi sdani, ɗai dubu dubu doogo azi viya e ɗiyi wuzani, ɗai n'e ɗûklûti sariya e simni azumai, maktuɓai a mala edi.

Daniyel 9:12

Tuku Alaw, ku va miɗiku na ku muɗaŋ siyi gaiɗi nagai n'e ɵi wuzaɗi amai, ku hinasi gir n'abai midiyi war Yeruzalem; gir na maini nɵa a za ka midiɗi yai duk kai.

Yowel 2:2

A mefeŋ zi gegeŋ na tikiɗim, A mefeŋ zi ɗugul na murɗek gaini hlai zi digi, Vok n'a pɵa kai, zi spak, a na halasi, mu tulumu ka vok na maini hanɗa nɵa duk kai, aga mu tulumu maini zamai pra asakal hanɗa par kaalai. Haa sin pinziba n'asakal sek gaigai. A halasi maini hlai na rum-rum na wa tini midini huwuŋ paŋ nɵa.

Malakiyas 3:16

Nɵa nagai n'e sini hormo wiini EPIƊ-ƊAI ɗa, e miɗi arbaɗi marɗi; EPIƊ-ƊAI a tika hangalni siɗi, a ziɓira seŋɗi. Nagai n'e hûni EPIƊ-ƊAI, n'e sini hormo lai ɗa, yikiɗi a ɗo war maktuɓ zi ɵi humok wuzani.

Matewus 24:21

Buri won hlai ni gir aga a za, war piɗi yai zi tiki par haa tiyana gir n'abai maini nɵa a za kai, aga a za pra kaalai.

Markus 13:19

Buri mefeŋ ni ɗa a mefeŋ zi gir, gir na maini hanɗa ɵa ɗa, a za ka duk kai, haa war pi zi tiki n'Alaw a rgiti yai ɗa par haa girna, aga a za pra kir kaalai.

Lukas 10:20

Gaini hanɗa paŋ ɗa, ki firiyi burini na ɓa ksalai a gada piki kai, amma ki firiyi burini na ɓa, yikiki aŋ gaini ɗû warni fuŋ-n'Alaw.

Romekai 11:15

Na ɓa hini n'Alaw a hiniɗi edi, a za aŋ tuyi na wiiɗi ɗai na yai gaini Alaw ɗa, yimi n'aga a yimiɗi sini pra ɗa, wala n'aga a za pini ɗa a ma lai ɗa? Zi mri mal maa aga e bindi karɗi kai ɗi?

Romekai 11:26

Asakal hanɗa par, Izrayel gaini abaiɗi paŋ aga e kûri, maini n'aŋ gaini ɗû nɵa: n'a bla baŋa aga a halasi edi war Siyon par, aga a tika meefeŋ na wiiɗi pinzibani Yakob ɗa edi.

Efesekai 1:21

a tikaŋ amai midiɗi abai paŋ, midiɗi pai paŋ, midin spak paŋ, miɗini ŋiriya paŋ, gaini yiki paŋ n'a na yika warɗi yai hanɗa kiini kai, amma warɗi yai na te na gizi ɗa lai.

Filipekai 4:3

Nkam, tuku lai, maiya na jre, mu siiwuku buri ki zina piɗi, nagai e fiɗi was gaya ktai, burini ɓikini labar na pɗem, gaini Kleman lai, mara zi sɗa zamai na yikiɗi aŋ gaini ɗû war maktuɓ zi suŋfa.

Yudas 1:9

Paŋktai, won hlai na Mikayel n'abaiɗi ɗai zi ɵeŋ na war fuŋ-n'Alaw gaini mat e sispi burini kopoŋni Musus ɗa maa a kiɗa aŋ tirkaŋ kai, amma a miɗini ɗa ɓa, Epiɗ-ɗai aga a zuku gir.

Siŋki n'edi 1:5

Yesu Kristu, zaida na jre, n'a ɵiyasi amai avut arbaɗi zi mri par, paiɗi paakai na midini afti a sa siki nɵa lai. Sin ni n'a durumu n'a pulumusi edi war tuwurmu par gaini fel na wiini,

Siŋki n'edi 12:7

Hatam a faka amai war fuŋ-n'Alaw. Mikayel gaiɗi ɗai zi ɵeŋ na war fuŋ-n'Alaw e hitimi gaini wala meefeŋ-n'abai n'abai ɗa, wala meefeŋ-n'abai n'abai ɗa a hitima gaiɗi, gaiɗi ɗai zi ɵeŋ na wiini lai.

Siŋki n'edi 13:8

Ɗai na midini afti paŋ, na yikiɗi aŋ gai ɗû haa war piɗi yai zi tiki par, war maktuɓ zi suŋfa na wiini Ahiɗi-adumi n'e fiɗiŋ edi kai ɗa, aga e hûrgû azumai wuzani.

Siŋki n'edi 17:14

Aga a hitima Ahiɗi adumi, Ahiɗi-adumi aga a rɗa amai midiɗi, buri ni a Epiɗ-ɗai na wiiɗi Epiɗ-ɗai paŋ, a pai na wiiɗi paakai paŋ lai. Nagai n'e yikisi, zi viri n'edi, na jrekai lai ɗa aga e rɗi amai gaini lai.

Siŋki n'edi 20:12

Nɵa mu tiliɗi zi mri n'abakai gaiɗi n'agogoi gaini ɗiyi ca ca wuzaɗi Paramai zi pai, maktuɓ viya a mla edi, maktuɓ zamai ktai a mala edi lai, hanɗa a maktuɓ zi suŋfa, ɗai zi mri ɗa, e niviti sariya pin wala n'aŋ gaini ɗû midiɗi war maktuɓ ɗa, pin sdaɗi lai.

Siŋki n'edi 20:15

Asiya ɗi paŋ n'a yikini aŋ gai ɗû war maktuɓ zi suŋfa hanɗa kai ɗa, e ɵiŋkiŋ warɗi avai z'afu.

Siŋki n'edi 3:5

Nɵa ni n'a rɗa amai li ɗa, aga a wa sapa na muɗukwi sini, aga mu haza yikini edi war maktuɓ zi suŋfa par duk kai zaŋ. Aga mu muɗa edi miɗini wuzani Apa, wuzaɗi ɗai zi ɵeŋ na war fuŋ-n'Alaw na wiini lai.

Siŋki n'edi 7:14

Mu wiyini seŋ Epin-geza, ku sɗaŋ ɗa ku tuku! Nɵa a muɗaŋa: Hanɗa e ɗi nagai n'e vigisi arni gir n'abai ɗa par, nagai e mi rob na wiiɗi edi, e ziŋ edi muɗukwi tal war fel na wiini Ahiɗi-adumi.