Daniyel 11:16 - Ɗû na sɗik na wiini Alaw

¹⁶ Pai n'aga a halasi azumai par mini pai n'amai ɗa, aga a za pin jaani, ɗif ktai maa aga a ɗiya wuzani kai. Aga a halasi a sumna midini afti na zuf n'a suwa paŋ gaini ɓilki n'edi war tini ɗaw.

Daniyel 11:16 Iomraidhean Croise

Esaya 8:8

Aga a niya aha war Yuda, a suma hlai, a rɓa wazagai, haa amai wule ta. Tini n'a waŋ edi ɗa, aga a va midini aftiku paŋ, Immanuel.

Yeremiyas 3:19

EPIƊ-ƊAI a muɗa: mu firiya mu zuku aŋ ktai arbaɗi aliya ɗa.

Daniyel 11:3

Amma pai n'a siɗa hatam gara aga a faka amai, aga a ŋa midini afti n'abai gaini spak n'abai, a za maini n'a dara nɵa.

Daniyel 11:36

Pai aga a za pini jaani, aga a zila sini amai, aga kola sini midiɗi alawai paŋ, mini aga a muɗa miɗi n'a bunda ɗif hiyak sin Alaw na wiiɗi alawai, wala n'a zaŋ paŋ a va amai, haa sin mefeŋ na hiy na wiini Alaw a siŋkasi edi. Buri wala n'aŋ gaini ɗiyi zaw aga a va amai.

Daniyel 11:41

Aga a cosi midini afti n'a juva gara, ɗai viya aga e nivi mri, amma Edom, Mowab gaiɗi ɗai n'abakai na war pinzibani Ammon aga e mili mini yaw.

Daniyel 11:45

Aga a pa gororoni zi pai arbani yem-ra n'abai gaiɗi huwuŋ na sɗik na te na midini afti na juva gara. Woni aga a nava mri, ɗif ktai maa aga a zina pini kai.

Daniyel 5:19

Buriɗi abai na te sa sini ɗa, ɗai na war pinziba paŋ, midini afti paŋ, war meme meme paŋ e ziriyi tiɗi hunai wuzani, a fuɗa ɗif pin dirini, a hina ɗif karni pin dirini, a sa rɗi n'amai wiini ɗif pin dirini, a hosa ɗif azumai pin dirini lai.

Daniyel 8:4

Mu tala adime a daba piɗi futi na koskoi sek, war gal n'azumai sek, war gal n'amai sek lai, wala na buza ktai n'a ɗiya mini aŋ kai, ɗif n'a kiɗa a ɵa wala tini par aŋ kaalai. A za paŋ pin jaani. Spakni a riya amai sek sek.

Daniyel 8:7

Mu talaŋ a cosi sini adime gaini hiy n'abai, a daba adime na amiyokni sulu, a haɗa amiyokni edi, adime gdaŋni n'a ɗiya wuzani gaini aŋ kir kai, a bulaŋ azumai, a kirpaŋ azumai pini ezini, ɗif ktai n'a kiɗa aŋ plaŋ war tini par aŋ kai.

Daniyel 8:9

Siɗi ktai arbaɗi par amiyoki zamai agwi te diyasi, spakɗi viya viya war gal n'amai sek, piɗi futi na dawai sek, siɗi yai na pɗemi na te juva gara sek lai.

Yosva 1:5

Ɗif ktai n'aga a ɗiya muku aŋ kai, na ɓa k'aŋ karku nɵa blaŋ ɗa aga mu za gaiku maini na mu na ka gaini Musus nɵa, aga mu hunuku kiiku duk kai, aga mu hunuku edi kaalai.