Daniyel 1:4 - Ɗû na sɗik na wiini Alaw

⁴ E ɗi gawlakai na tirki siɗi kai, n'e tili zafai, na yalakai gara, n'e siɗi wala gara n'e siɗi zini seŋ paŋ, na gdaŋai lai kapai e siɗi aŋ zi sda ahani pai, aga e hitriɗi ɗû gaini miɗi na wiiɗi ɗai na Babilon.

Daniyel 1:4 Iomraidhean Croise

Pi zi tiki 41:46

Yosef, buzani a na fu doogo doogo hu, won hlai n'e kiŋsi wuzani Faraw pai n'Egipte, asakal par Yosef a hala aŋ guna afti n'Egipte ɗa paŋ.

2 Samuwel 14:25

Arbaɗi ɗai na Izrayel ɗa paŋ, ɗif n'a wa juf maini Absalom ɵa aŋ kai, azumai war bobur n'ezini par haa amai humokni ta, tirki nɵa sini kai.

Seŋ joro 22:29

Ɗif n'a sɗa sdani zi zi gaini futini ɗa, a kiɗa a za sda wuzani pai, a kiɗa a za sda ahaɗi ɗai na ɗif a siɗiɗi kai ɗa kai.

Ɗif zi ɓiki seŋ 7:19

Yel ɗa a bunda ɗif zi yel spak, a sûwiɗi lawaŋai doogo n'e ɗa war fuŋ n'abai.

Esaya 36:11

Nɵa Eliyakim, Sebna gaini Yowa, e miɗini wiini abai na midini dalam na wiini pai maini nɵa: Mi siiwuku, miɗiyisi gaini mini seŋ na wiiɗi ɗai na Aram ɗa, tiyi mi ɵini ya. Ku miɗiyi gaini mini seŋ na wiiɗi Yudiyakai, ɵimaɗi ɗai n'e ɗa amai midiɗi ɵagai par aŋ ziɓiri na ɗa kai.

Yeremiyas 5:15

Ɗai na Izrayel, aga mu kasi pinziba ktai midiki, mu kiɗisi gai gai par, a miɗi na sini EPIƊ-ƊAI par. E ɗi pinziba na gdaŋai, na ɗif a rɗa amai midiɗi kai, e ɗi piziba na haa gamai par, e ɗi pinziba na ki siɗi seŋɗi zi miɗi ɗa kai, n'e miɗiŋ ɗa ki ɵiniŋ kaalai.

Daniyel 2:10

paakai zi ɓaka e wiyi seŋ e miɗini: Jaamus, ɗif ktai na midiɗi yai n'a kiɗa aŋ siŋka wala na pai a zilbaŋ na ɗa aŋ kai. Pai ktai n'a zilba ka wala na maini nɵa tini ɗif zi hiila, zaw zi siɗi wuti zaw, tiɗi paakai zi ɓaka aŋ kaalai, koo ɓa a pai n'abai zi spak tekeɗeɗi.

Daniyel 2:2

Pai a sa futi buri e yikiɗinisi ɗai zi hiila, zi siɗi wuti, zi zi evek

Daniyel 3:8

Asakal par tar paakai zi ɓaka na wiiɗi e hilisi e pi seŋ midiɗi Yudiyakai.

Daniyel 4:7

Won hlai na mu na azumai midini walaŋa zi feŋ waŋ, mu tala wala ktai maini nɵa: Edi arbaɗi yai tar, mu tala luwuŋ ktai n'abai tiɓ, gai wili amai mogo.

Daniyel 5:11

Avut par, war mefeŋ na wiini apuku, ɗif ktai a na ka, yikini ɓa Daniyel, tiyana a na midini aftiku lai, seze na wiini alawai na sɗik aŋ sini, n'a sɗa wala n'a vuga gaini na wuze. A siɗa ezini wazagai n'a hulamai, yel na midini ɗa, maini na wiiɗi alawai nɵa. Pai Nebukadnezar n'apuku a tikaŋ aŋ abaiɗi ɗai zi hiila, z'evek, midiɗi paakaiɗi zi ɓaka gyɗi zi siɗi wuti lai. Hanɗa a wala na pai n'apuku a zaŋ.

Daniyel 5:7

Pai a ɗuula gaini gdaŋni buri e yikiɗiŋsi ɗai zi zi evek, paakaiɗi zi ɓaka, gaiɗi zi siɗi wuti lai. Pai a tika seŋ a miɗiɗi wiiɗi ɗai na yalakai na Babilon: Asiaɗi paŋ na ŋa ɗû hanɗa li, a siŋkiŋa ezini hanɗa li lai, aga mu witini sapai zi pai sini, aga mu ɵitini aiduwi zi or wulani, aga aŋa arbaɗi n'abakai na hu na midiɗi pai.

Daniyel 9:1

War buza n'avut, na Dariyus ahini Asuwerus na war pinzibaɗi Medekai e tikiŋ aŋ pai midini afti na Babilon,

Sakariyas 2:4

Nɵa mu zilba: Nagai hanɗa e zi won na ɗa a maɗa? A wayaŋa seŋ a muɗa: amiyok hanɗa e ɗi nagai n'aga e ɵiriti Yuda edi nɵa haa ɗif ktai n'a ɗiya miɗi zaw nɵa aŋ kai. Amma ɗai zi fai-fai hanɗa, e hilisi buri e miliɗi hunai piɗi, buri e hiɗi amiyokɗi pinziba hanɗa n'e fiki amai sini afti na Yuda aŋ ɵiriɗi ɗai edi.

Sdaɗi Apostelai 7:20

War sarti ni ɗa, Musus a wa, a na fu arni Alaw juf gara, tamaini e giɗimiŋ tile hu.

Sdaɗi Apostelai 7:22

Musus a wula amai war yel na wiiɗi ɗai n'Egipte, spak gara war seŋ zi miɗi, war sdani lai.

Efesekai 5:27

Kapai a ɗiya tipi hanɗa wuzani arni juv, gaini didiɓi kai, sini gai rumki kai, gaini wala ktai na meefeŋ sini kaalai, amma sɗik gaini tirki sini kai.

Paakai zi sariya 8:18

Asakal par a zilbini mini Zeeba gaini Salmunna maini nɵa: Ɗai na ki fiɗiɗi amai midiɗi huwuŋ Tabor ɗa, e siɗi maɵa maɵa ɗa? E wiyi seŋ e miɗi: E ɗi fu maiku ɵa, ɗif a sɗa maini ahini pai ɵa.