1 TƐSALONIKA 1:9 - Murle

⁹ Eeci ɔl nicigi dook aduwaket ageeta talnaan baal atalnanetu niiga ageeta waanbaal kavunakuŋ igeet e, kibeen gi o utuŋtu niiga joowanɛ o adilyai. Ma ivita iliŋliŋtozeyu Jook ween didi.

1 TƐSALONIKA 1:9 Iomraidhean Croise

MATIYU 16:16

Ma abɛdɛkɛ Saiman Pitɔr nɔɔnɔ anek nɛ, “Een niina Kiristo ween ŋɛɛrti Jook o arogi been nɛɛn.”

TOONNYAK 14:15

“Má agoonu gi nico nɔkɔ. Naaga keegina ɔl ci deer kiyo niiga o. Kaavtiya ŋina o ka kuuwakteyuŋ igeet zɔɔz ci ka otoŋti diŋdiŋaninɛt ci adiŋdiŋanu joowanɛ o labak adilyai, ka bar idiŋdiŋanit Jook o arogi tamma. Jook nico nɛɛn o ɛɛnyca tammu taden ki looc ki liilok been kaal o anyak niigi dook.

ROM Waragɛ o Ayeedek Pɔl Ɔl o Joowo Kuture o Kazi Rom<$&ROM01-01> 9:26

Awanuŋ zin katin Jooi o arogi kodot igeet, ma aku anekuŋ nɛ, Izitu ɔl cigan, ŋaabaal gɔɔn baale anekuŋ ɔl nɛ, Alaŋ eeginu ɔl ci Joowo e ɛlɛ.”

1 KORINTIYA 12:2

Agayu niiga baale maŋaan utuweec Yesu e, alabekuŋ waanice Loryen igeet tuu ka oneec joowanɛ o adilyai alaŋ azɔɔz.

1 TƐSALONIKA 2:1

Dɔl o yaai tuwento, agayu ri niiga keroni onaaŋ baal kavoya ŋaatunooŋ e, alaŋ een gi ci labak.

1 TƐSALONIKA 2:13

Gɔɔn tup nɔkɔ kanaata naaga Jook, eeci iinyaye baal kavɔ kuuwayekuŋ igeet zɔɔz o Joowo e, agamtawu. Ma agawutu niiga didi zɔɔz nica alaŋ aku eete ci deer, bar aku Joowa, eeci zɔɔz nico nɛɛn o anyuŋ igeet o atuwenu utuguz kaal ci abon.

1 TIMOZI 4:10

Gi o zin gɔɔn kɔɔrɛ naana nɔŋ, ma kaliŋliŋi ɔrɔɔt o nɛɛn ce. Kaga naana kanyak naaga ŋintinai Joowe o anyek rogɛt ɔl dook, ricik ɔrɔɔt ɔl o atu nɔɔnɔ.

IBIRO 12:22

Bar zin niiga giye o utuyu Yesu, ivitayu nɔɔnɔ kɔkɔm ŋoliin. Nɔɔnɔ zin nɛɛn o azoozet ageet biyete ogin ŋume o Joowo giye o atɛrkɛt Jooi been ɔl o deer. Ma biyeta oginɛ alaŋ ɛɛl kiyo biyeta baal Abel e. Waanice biyeta o Abel aluwek Jook arɔɔŋ cacinɛt ŋaatin. Maje biyeta ci Yesu o anyek Jook kaara ŋaatinai oŋɛ ogaac gɛr gɔɔn kabaca dook lai. Bar zin niiga giye o utuyu nɔɔnɔ ivitayu kutur o kazi Jerusalɛm Colai o abaai Jooi o arogi. Kuturi nici abil biye o kazi Ziyɔn. Ivitayu buk niiga ŋin o alotɛn toonnyawa o Joowo meel gɛr. Alotɛ niigi ŋinaante o ka kataltɔ. Eeginu zin niiga abuunya o ɛtɛyɛɛt Jooi zaar ugooc waragɛwa tammu tadena. Ivitayu buk niiga Jook o apak ɔl dook. Ma oromtozeyu ɔl o anyek Jooi kobonta ŋume onin.

1 JƆN 5:21

Dɔl ogan tuwɛnta, edeya eleeti ugooc joowanene o adilyai.

WUNOZYAK 17:2

Ma oogin niini kibeen alaan. Ma agɔɔn buk ɔl o loocu dook kibeen nɔɔnɔ waaŋzɛt ci abaayinɛ kiliita nɔɔgɔ lɔɔci lai.”