Rüma 10:1 - Mündü

¹ Wü di enga wüna, ma ngbü eku gba fü Me cu de maguma ra, gü ba, ah le ta de engu küwa wü di enga wüna, wü *Yïsarayele, aküwa.

Rüma 10:1 Iomraidhean Croise

Luka 13:34

Fü Yesu adu angbü de mere cïnga, gü ba, “Ööö! Yi ceka la mere cïnga te ena amaka wü kpara ka Yerüsalema te gara ne! Angü wüh ngbü emömörö wü mürü dofo, te Me ngbü etima fü ewü ne ꞌburu amörö. Ma ngbü ele ta abiti wü kpara ka Yerüsalema, ꞌburu, teka aküwa ewü, baka yï-ngü te ngbü ebiti wü di enga ye, esa mbula ye, amba wüh le nda-wü de!

Yüwane 5:34

Yüwane ngbü ka-ye ta baka ze-wa te ngbü elofo sü, teka agü tamu züka kaje ka Me fü yi. Fü yi angbü ta de tadu teka ngü la, da ele ngü kaka. Te yi ena ale ta ngü te Yüwane mala teka ra ne eyi la, ah ena adi ta mbi. Amba yi du ce ngü kaka bü kere bala, neh teka ne? Yi mere e afï, gü ba, ma gü ïrï Yüwane dela, angü ma ngbü eo jia ra teka ngü ka kpara füh kotö ne, yi mere e afï bala de. Ma gü ïrï Yüwane gbü ngü la, teka fü yi afï nga ngü ta te engu mala ne, teka fü yi adu ale ngü ka-ra, fü yi aküwa.

Rüma 10:2

Ma ngbü emala fü yi, gü ba, wü di enga Yïsarayele zoro rïrï ka gele ka-wü de kpa wü ꞌbasu. Wüh gü ba, ani le ngü ka Me eyi, amba züka to kaje, de te Me reke o, teka de wü kpara ngbü di gbü jia ni mbi ne, wüh le nda-wü de. Angü wüh ngbü efï nda-wü, gü ba, te ani mere wü ngü gbü *Rïrï ka Müse ne ꞌburu la, ngü ka-ani tï eyi areke gbü jia Me.

Rüma 9:33

Ngü ka-ewü ena adi kpah baka ngü ka gara wü kundu a ta gügü, te Me mala nga ewü fü *mürü dofo Yïsaya, gü ba, “Ni fe züka Miri eyi, te di baka kpeke rü kambü, teka de engu mere tima ka-ni agbü Yerüsalema. Te wüh le ngü ka rü la de la, rü la ena atïrï kaje fü mere bi wü kpara, angü wüh le ta de ani nzi rü la asidi, amba wazi ewü nda ma, fü ewü atï ꞌburu kötö. Amba mene wü kpara te wüh ena azoro rü la de kpa wü ꞌbasu mini, wüh ena aküwa me-wü.”