Luka 24:2 - Mündü

² Wüh te ekoro kpala de, gbo! te mö mbükü te di mböömbö kükürü! Angü mere ngbürükü da, ta te wüh ni mö mbükü la di ne, wüh nzi, o eyi edere sü.

Luka 24:2 Iomraidhean Croise

Matayo 28:2

Baka te wü würüse la yia ngbü enü tete, fü yiki-tö ayia amere te-ye kpa füh mbükü Yesu kpala. Fü wü marajümïya, ta te ewü ngbü eceka kpï fütanga mbükü Yesu ne, ayia awu *malayïka ka Me. Fü ewü akpo angbü eyï ayï de mere cürü. Fü ewü atïtï ꞌburu kötö, angbü baka wü kövö la. Fü malayïka la ayia anzi mere da de emö mbükü la asidi. Te wü würüse la nü koro kpa füh mbükü kpala, fü ewü aceka kpï bane, gbo! te malayïka ka Me, te ngbü ka-ye ga füh mere da, ta te wüh o emö mbükü ne! Gbügbüra na ngbü eci aci lelele bala! Bongo kaka vi kpah avi kpïlïlï!

Luka 24:1

Gbü sïkpï ka biri ka wü *Yïsarayele, te di de *sïkpï ka Me ka-nih, fü wü würüse la ayia bü gügü kpurutokokpï, aza *züka se-mü, de ta te ewü reke la, anü di kpa füh mbükü. Wü würüse la, ah de wü *Marïya Egba-Magadala, Yüwana, bete *Marïya ni ye Yakobo, kpah de wü gara wü bu wü.

Luka 24:3

Fü ewü anü arï gbü gö da kpala, nzaawö! E nda ma! Wüh maka kö Miri Yesu nda-wü de.

Yüwane 11:38

Fü cïnga wü kpara, te ewü ngbü gbü gba ka Lazaro ne, ayia arï te Yesu afa sü. Te engu ku gba tete, fü ah ayia ꞌduwa, anü akoro kpa füh mbükü la. Mbükü la, ah ka-ye de gö da. Wüh wara ta gara mere ngbürükü da, o emö mbükü la.

Yüwane 11:41

Fü ewü ayia anzi ngbürükü da emö mbükü la asidi. Fü Yesu ae jia ye, aceka kpï kpa tikpi, amala ngü fü Wö ye, gü ba, “Wüba, ma ngbü egbo nga ïrï mü, angü mü ngbü eto wazi fere me-mü, teka amere züka ngü ka-mü di, gbü jia wü kpara.