Luka 11:2 - Mündü

² Fü Yesu amala fü ewü, gü ba, “Te yi ngbü eku gba fü Me la, yi di emala fefe, gü ba, Wayi bala Wö a Me agbü kpï! Ah le fü wü kpara ꞌburu agbo nga ïrï mü, angü mü de Me biringbö. Mü de Mere Miri. Mü koro, mü ngbü gbü nzö wü kpara füh kotö ne, baka e te mü ngbü engbü agbü kpï.

Luka 11:2 Iomraidhean Croise

Matayo 10:32

Mene kpara te kpe cürü de, fü ah amala nga ye gbü jia wü kpara ngbaa ngbaa ngbaa, gü ba, ‘Ni de kpara ka-ra la,’ gbü *adu sïkpï, ma ena amala nganga kpah engagira Wüba Me, ngbaa ngbaa ngbaa, gü ba, ‘Engu de kpara ka-ra fanü.’

Matayo 3:2

gü ba, “Wü fü maguma wü, angü Mere Miri, te Me ena atima aküwa ani ne, koro eyi.”

Matayo 5:16

Te di bala, ah le fü yi angbü emere wü züka ngü esüka wü kpara füh kotö sene, baka ze-wa te ngbü elofo sü esambü ꞌburu. Te yi mere bala, wü kpara ꞌburu ena agbo nga ïrï Wö yi, Me agbü kpï, teka züka ngü ka-yi, te yi ngbü emere la.”

Luka 11:1

Gbü gara sïkpï biringbö, Yesu ngbü ta eku gba fü Me gbü gara sü. Te engu ku gba fü Me nza tete, fü gara kpara biringbö esüka wü kpara kaka-na, ayi-tata, gü ba, “Mere kpara, ye gü tamu maku gba fü Me fü ani, kpah baka nda *Yüwane Mürü Babatïza, ta te engu gü tatamu fü wü kpara ka-ye ne ke.”

Rüma 8:15

Me to Nzïla Wazi ye fü nih, neh teka ne? Ah teka de ah o yi baka labï, fü yi adi ekpe cücürü na akpe? Ah bala de! Me to Nzïla Wazi ye fü nih, teka afü nih wü di ye tete. Te di bala, Nzïla Wazi la ngbü eto wazi fü nih, fü nih angbü eï Me di, gü ba, “Wüba, wüba!”

1 Korïnito 1:3

Wö nih Me ake Miri Yesu Kurisito ngbü de yi, de wüh to gu ngü fü yi de *züka maguma wü.

2 Korïnito 1:2

Wö nih Me ake Miri Yesu *Kurisito di de yi, de wüh to gu ngü ka-wü fü yi, de *züka maguma wü.

Galatïya 1:4

Angü Yesu Kurisito to te-ye akpi, teka aküwa nih gbü wü *siti ngü ka-nih, de te nih ngbü emere, kpah baka wü kpara füh kotö, de wü siti fïngangü ka-ewü ne. Yesu Kurisito mere ngü la bala, angü ah de ngü te Wö nih, Me, le me-ye.

Efeso 1:2

Wö nih Me ake Miri ka-nih Yesu Kurisito di de yi, da eto gu ngü fü yi, de *züka maguma wü.

Fïlïpoyi 1:2

Wö nih Me, ake Miri Yesu Kurisito, di de yi, da eto gu ngü fü yi, de *züka maguma wü.

Fïlïpoyi 4:20

Te di bala, nih gbo nga ïrï Wö nih, Me, fï mere badi. Ah di bala.

1 Tesalonika 1:1

De-yi wü kpara ka Me, wü kpara ka *Miri Yesu Kurisito, te yi ngbü agbü Tesalonika, a ngbü eba köcökpa ne fü yi me-a, de-ra Pawülü, bete Sïla, ake Timoteyo. Kpara to mandï fü yi fa sü. Me di de yi, da eto gu ngü ka-ye fü yi de *züka maguma ye.

1 Tesalonika 1:3

Kükürü de, angü a wu, gü ba, yi ngbü emere ngü te ereke areke gbü jia Miri Yesu, angü yi to maguma yi eyi fefe fanü fanü. Kpah bala, yi ngbü eto te-yi teka ale ta-ngü te wü bu yi, angü yi le Miri Yesu eyi de maguma yi ꞌburu. Fü yi arü kpekpeke, angü yi ngbü eo jia yi teka dudu ka Yesu Kurisito. Te di bala, züka ngü ka-yi la, Me wu eyi ꞌburu.

2 Tesalonika 2:16

Wü di enga wüna, Miri Yesu Kurisito ake Wö nih Me le nih fa sü. Teka ngü la, fü ewü ayia ato wazi fü nih teka *züka maguma wü, de nih rü kpekpeke, zalü koro di gbü sïkpï te nih ena ago tete kpaka ani la. Fü nih adu angbü eo jia nih teka züka wü ngü, te Me ena amere fü nih te gara kpala.

Ngü te sere te-ye 11:15

Fütanga wü ngü la, fü adu *malayïka la ayia au nda-ye kono. Fü ri wü kpara akpo angbü ewü agbü kpï, gü ba, “Wayi! Sïkpï la koro eyi dene! Ngü ka wü miri füh kotö ne nza eyi! Dene sïkpï te Me ena angbü me-ye gbü nzö wü kpara füh kotö ne ꞌburu. Me o Yesu *Kurisito eyi Miri gbü nzö wü kpara ꞌburu. Engu ena angbü bala fï mere badi!”

Ngü te sere te-ye 15:4

Mere Miri ka-a, a ngbü egbo nga ïrï mü! Ah le de wü kpara füh kotö ne ꞌburu di ecu ngü mü! Ah le de wü kpara füh kotö ne ꞌburu di egbo nga ïrï mü! Mü de Me duu me-mü, angü mü ka-mü *nzïla! Ah le de nguwa wü kpara füh kotö ne ꞌburu di egbo nga ïrï mü! Angü wü kpara füh kotö ne ꞌburu wu eyi, gü ba, wü ngü ka-mü te mü ngbü emere ne, ah ꞌburu de züka wü ngü!” Dela ci te wü kpara ka Yesu, te ewü fa wazi siti nü la, ngbü ebï.

Ngü te sere te-ye 19:6

Fütanga ngü, de te ri kpara la wü tete ne, fü ra aje ri mere bi wü kpara, te ngbü ewü, da engo baka mügbara, kpah baka giri mere vuru ka ngu, te ngbü etökö la. Wü kpara la ngbü ebï ci, gü ba, “Nih gbo nga ïrï Me! Angü engu de Mere Miri ka-nih! Nih gbo nga ïrï Me! Angü engu de mere mürü wazi! Nih gbo nga ïrï Me! Angü engu de miri, te ngbü gbü nzö wü kpara ꞌburu me-ye! Wayi bala, nih gbo nga ïrï Me!

Ngü te sere te-ye 20:4

Fütanga ngü te wüh i Satana, gü tete gbü mere du ne, fü ra awu wü *kpara ka Yesu, ta te wüh mörö ewü, teka ngü ka Me ne, angü wü kpara la rü ta kpekpeke gbü ngü ka Yesu. Wüh le ta aje rïrï ka siti nü te koro gbü ngu ne, da ecu ngüngü na nda-wü de. Wüh le kpah aba ïrï siti nü la eraku wü, anga eküte kpa wü, nda-wü kpah de. Dela si-ngü ta te wüh wete wü kpara la, mörö tete ne. Teka ngü la, fü Me adu azükü ewü gbü kpi la, ato wazi fü ewü, de wüh ngbü baka wü miri ede Yesu, adi ekolo ngü ka wü kpara, teka mere bi wü re, kutu biri (1,000).