2 Petero 3:4 - Mündü

⁴ Kpah bala, wüh ena angbü eyi-ta yi, gü ba, “Yesu ka-yi ne, ah ena adu akoro, neh elaye? Wü kundu ani mala fü ani tane, gü ba, ‘Yesu ena adu akoro.’ Amba ngü la ka-ye de töndö ngü! Wü kundu ani la kpi nza ka-wü eyi ꞌburu dene, Yesu du koro la fï de! Te di bala, ngü ka kotö ne tï anza nda kü de. Angü, wü ngü de füh kotö ne ngbü ka-wü fï bü da wü, ba e ta te Me o ewü, wüh fü te-wü nda-wü de!”

2 Petero 3:4 Iomraidhean Croise

Luka 12:45

Amba, te kpara ka tima la fï emaguma ye, gü ba, ‘Mere kpara ka-ni tï adu kere de,’ fü ah angbü ka-ye bü tündü, adi emere wü bu ye esiti, da eto cïnga te ewü. Ah ngbü efï ka-ye bü nzö nga ye, da ezüfa wü e, da enzö wü fï, eküküya di. Te di bala, mere kpara kaka la ena adu akoro amaka engu gbü ïrï-to, gbü sïkpï te engu wu de. Fü ah ato mere siti kuru tete, aliki engu asidi, teka ngü ka kögö-nzö ka-ye la.

Matayo 24:48

Anga te mü fï emaguma mü, gü ba, ‘Mere kpara ka-ni tï adu akoro kere nda de,’

1 Tesalonika 2:19

Gümü yi ngbü emere a kükürü de, angü yi de züka wü kpara ka-a, te yi to tadu fü a fa sü. Angü, baka te yi je ngü ka Me gömö a, fü yi adu arü kpekpeke gbü ngü la ne, te di bala, gbü sïkpï te Miri Yesu ena adu akoro tete, engu ena agbo nga ïrï a teka ngü ka-yi la. Teka ngü la, fü a angbü eo jia a fï bü teka sïkpï la.

Gina Ngü 19:14

Te Loto je ngü la tete, fü engu ayia anü amala ngü la fü wü jaji komoko de ꞌbasu, ta te ewü dara wü di ye ne. Fü Loto akoro amala ngü fü ewü, gü ba, “Wü yia eyia kere kere, de wü kpe go ka-wü kpa gbü gara sü, angü Me ena acuru sü ne enatikine.” Amba wügiri ye Loto de ꞌbasu la le aje ngü la nda-wü de. Ngü la du ngbü ka-ye gbü jia ewü, ba e te Loto ngbü egbo kala la. Fü Loto ayia adu ka-ye. Fü kpï ayia aseke.

Marako 13:19

Kü baka te Me mere kotö ne, mere cïnga baka e la mere te-ye nda la de. Gara cïnga te ena akoro fütanganga na, baka engu la, ah ena adi kpah ma.

Ngü te sere te-ye 3:14

Fü Miri Yesu amala fere, gü ba, “Ah le de ma ba ngü ne, tima fü wü kpara ka-ni agbü Lawüdïkïya. Ah gü ba, ‘De-yi wü kpara ka-ra te yi ngbü engbü agbü Lawüdïkïya ne, ah de-ra Yesu, te ma di de Miri ka-yi ne, ma mala ngü ne, tima fü yi me-ra. Ma de kpeke kpara, te ngbü emala zu ngari Me fü wü kpara. Ma ngbü ta emere fï bü wü ngü te Wüba Me ngbü ele, zalü koro di gbü sïkpï ka kpi ka-ra. Gbü sïkpï ta te Wüba Me le amere wü e füh kotö ne, ma nda-ra baka se-tima kaka, angü ma de miri gbü nzö wü e ꞌburu, ta te Wüba Me mere ewü ne.

Marako 10:6

Mü nü, mü ceka ngü ta te Müse ba, teka gina wü kpara, te Me o füh kotö ne. Müse gü ba, ‘Me mere komoko ake würüse.’

Matayo 24:28

Angü wü kpara ꞌburu ena awu ngü la. Ah ena adi baka sü te kö nü di ladü tete, fü wü nügünü, de wü gara wü lu, abiti te-wü ꞌburu füh kö nü la.

Matayo 16:27

Mü fï nga *adu sïkpï, te gara, te ma ena adu akoro tete na! Angü de-ra, *Ye Kpara ka Kpï, ma ena adu akoro füh kotö ne, de wazi ka Wüba, de wü *malayïka kaka mini. Fü ra akolo ngü ka wü kpara ꞌburu, ato takpa fü ewü, te nga wü ngü te wüh ngbü mere.

Matayo 16:28

Ma ngbü emala fü yi dene zu ngü fanü fanü. Wü gara kpara ladü esüka yi sene, wüh tï akpi la de, zalü te wüh ena awu mere wazi te Me to fere, Ye Kpara ka Kpï, te ma ena aküwa wü kpara di ne feke.” Dela ngü ta te Yesu mala fü wü kpara, te ewü le afa nga ye.

2 Petero 3:12

Ah le kpah de yi di eo jia yi teka dudu ka Miri Yesu füh kotö ne. Angü gbü adu sïkpï la, kotö ake kpï de wü e gbü wü, ena acuru ꞌburu ꞌburu, anza ka.