1 Petero 3:3 - Mündü

^3-4 Te mü le areke te-mü, de ni su asu gbü jia watï ni la, mü mere e afï nga susu ka-mü la de. Ah le de mü di engbü de züka fïngangü gbü nzö mü. Mü mere e ao maguma mü gbü ngü ka ma-i su-nzö mü, da efüfü de wü lara ye, gbü wü to mani de tïtïne, ne de. Kpah bala, mü mere e ao fïngangü ka-mü, teka kpeke wü lara e ka ngürü, anga ꞌbiri, te wüh ngbü ese de bi jiase, ne de. Yi mere e adi eto wü gara lara bongo, te wüh ngbü etükü gbü siti kaje, te ngbü esiti fïngangü ka wü kpara, ne kpah de. Ah le de mü o to mü, teka adi emere züka ngü, te ena areke gbü jia Me, da engbü ziii, baka züka kpara de gu maguma ye. Angü te mü ngbü ziii kpah de gu maguma mü bala, ngü la tï angbü kükürü de. Mü ena amaka züka ngü te gara gbügbü.

1 Petero 3:3 Iomraidhean Croise

Gina Ngü 24:22

Te wü kamele nzö ngu tï tete, fü mürü tima la ayia aza mere züka mafe, te wüh mere gbü *diki-se, ato fü Rebeka, de ah to gbü gü ye. Fü engu adu aza wü kengbe, te wüh mere kpah gbü diki-se, ato te kpakpa na.

Gina Ngü 24:47

Fü ni ayia ayi-tata, gü ba, ‘Ye neh ye da?’ Engu gü ba, ‘Ni de ye Betuwele, te di de ye Nayora, enga ni ye Abarayama,’ ne. Te ni je ngü la bala, fü ni ayia aza mafe ne, ato fefe, teka de engu to gbü gü ye. Fü ni aza kpah wü kengbe, de engu to gbü kpa ye.

Gina Ngü 24:53

Fü engu ayia aza mere bi wü züka e, ato fü Rebeka, baka wü tüngü, wü ꞌbiri, wü kengbe, de wü bongo. Fü ah adu kpah aza mere bi wü se, ato fü wü di enga ni ye Rebeka, bete ni ye na.

Rüma 12:2

Yi mere e angbü emere ngü, baka nda wü kpara de füh kotö ne, de. Ah le de *Nzïla Wazi Me fü maguma yi me-ye, teka fü ah ato to fïngangü gbü nzö yi. Te di bala, yi ena awu wü züka ngü, de te Me ngbü ele de yi di emere ne, mbi mbi mbi. Fü Me angbü de tadu teka ngü ka-yi.

1 Petero 3:2

Angü wüh ena angbü ewu, gü ba, wü ngü ka-yi, te yi ngbü emere, ka-wü ꞌburu mbi, angü yi to maguma yi eyi fü Yesu reke areke fanü.