Lucas 2:11 - Yura porciones de la biblia

¹¹ Datiã wake batu kaĩxua. Yurawu atu axunupukui ubiskuiyabanuwu. Naa Diospa kañawadi naatiiwuna atũ Diaiwu inu. Na Diaiwu. Na David ipaudi aduax kaĩya.

Lucas 2:11 Iomraidhean Croise

Génesis 3:15

Epa Diospa rudu yuidi: “Awĩwuwe mi duikaspananapakedaka. Naskatari mewẽ kaiwuu uduax ichapanawãwu kaĩpakedakawu. Na awĩwawe awẽ kaiwuu uduaxri ichapanawãwu kaĩpakedakawu nawuwe duikaspananapakedakawu. Mewẽ bapuki bia peabadu awẽ tae chichukuki mi chachixiwi”, Epa Diospa rudu wadi.

Génesis 49:10

Judá diaiwuadu tsuãkai awẽ bitsisipa wiãdakaba diaiwu datukui yurawawe ikũira wanupukukadi uyuabadu.

Lucas 1:43

Ẽ awabaweke mia uĩyua mewẽ wake ewẽ Diaiwuweke.

Lucas 1:69

Diaiwu Diospa dukuwede bitsisipa nichidi duku axunu. Naa bitsisipatu duku axuxiwi nu ubiskuiyabanu. Davidpa awẽ rewudu. David Diospa awẽ uibati ipaudi.

Lucas 2:26

Espíritu Santopa duduri tapibaita idi: “Mi dayuxuba mi uĩnupukui na Diaiwu Diospa kañawaa naatiiwuna atũ Diaiwu inu”, wadi.

Lucas 2:4

Galilea bai adu pexe ichapa Nazaret. Nazaret aduax José kadi na pexe ichapa diaiwu datukui David ipaudi adu. Naa pexe ichapa awẽ ade Belén. Belén Judea bai adu. Josépa awẽ xidi David idi. Naskake José Maríawe Belén adu wudiwu atũ adeki kedenuwu. Wuyukaxuba Joséweta Maríane shinadiwu wianayaxakakĩ. Maríane wake dadea idi.

Juan 1:41

Andréspa udiwetsa wichikĩ taewadi Simón. Ma wichixu yuidi: “Ma nu Mesías wichia”, Andrés idi. (Naa yuipai Cristo.)

Juan 1:45

Felipepa Natanael wedai kai kadi. Yuidi: “Ma nu Jesús wichia na Moiséspa Epa Dios tsai a udua kededi. Profetawaweri a udua kedediwu. Naa Jesús Josépa awẽ wake. Nazaret adua”, Felipepa Natanael wadi.

Juan 11:27

Martapa kebadi: “Diaiwũ ẽ bia ikũira wabis mi Mesías. Mi Epa Dios awẽ Wake mi yurawu uduax mi udi”, Martapa Jesús wadi.

Juan 20:31

Naskaweke da libroki ẽ kedea ma ikũira wanu Epa Diospa Jesús nichidi nuku Diaiwu inu. Naskatari ma ikũira wanu Diospa awẽ wake Jesús Mesías. Awẽ ade ma ikũira waax ma ipatiru.

Juan 4:25

Naskawaitu awĩwawe kebadi: “Ẽ tapia na Diospa nichixiwi awẽ ade Mesías. Naatu awarawu duku tapibaxiwi”, waitu.

Juan 4:42

Yurawawe awĩwu yuidiwu: “Na mia duku yuiya a wisti nu ikũira waiba. Nuyakui ma nu uĩya ma nu dikata awẽ tsai. Na ikũkui duku uduax Rawanaibis”.

Juan 6:69

Mi Dios ariax dukuki udi. Mi sharakui Cristo. Dios na ipadakatu naatu awẽ Wakekui mi. Naa bia nu ikũira wai”, Jesús wadiwu.

Juan 7:41

Atiriwawe yuidiwu: “Da dukuwede Epa Diospa Mesías nichidi”, wadiwu. Wetsawawe yuidiwu: “Da dukuwede Epa Diospa nichidiba. Epa Diospa nichia Galilea adua kaĩtiruba.