Lucas 11:53 - Yura porciones de la biblia

^53-54 Chipu fariseopa awẽ pexe aduax kaidu fariseowuwe na dukuwedewawe na Diospa Moisés kedebadi udua yurawu tapibapaudiwu Jesúski sidakuidiwu. Awara ñukariwakakĩ wekaxtiwadiwu atu kebayaitu dikakaxu ñuaxikakĩ.

Lucas 11:53 Iomraidhean Croise

Lucas 11:52

Na dukuwedewawe na Diospa Moisés kedebadi yurawu atu tapibabiswawe, na yurawawe Dios udua tapipaiyai na pexe llavepa nu apetiru keskara. Maawu ubiskuixiwi mamai na llave yurawu ma wishkubixakĩ. Na llaveyawiax bawi ma ikibisba. Naskatariwi na ikipaiyaiwu atu ma ikitibawabis”, Jesúspa atu wadi.

Lucas 20:20

Na Jesús achipaidiwawe Jesúspa awara wetsawu akaitu uĩpaudiwu. Nawawe dukuwedewu yuidiwu: “Jesús sharasharawatakawe Jesúspa shinanu: ‘Dawawe na Diospa duiyai axikakĩ shinawaĩ atiruwu’, Jesúspa batu wanu. Chipu ñukakawe. Jesúspa batu kebakĩ diaiwu romano yuikĩ chakawaitu dikakĩ nu diaiwu romanoki nu iyutiru”, atu wadiwu. Naskawadiwu “Jesús retebanu”, raikaxu.

Lucas 20:27

Dukuwedewawe Jesús parapaiyawuadu saduceowawe Jesús ñukai wekadi wediwu. Nawawe yuipaudiwu: “Yurawu dabixakakĩ widinupukukadibara”, wapaudiwu. Jesús yuidiwu: “Diaiwũ, duduri Moiséspa kededi naa nu ikũira wanu: ‘Watura dukuwede wetsã wake ataba daadu awẽ udiwetsã iyubawawe wianatiru aweta wake aaxikĩ. Na iyubawa werunawake kaĩ taexiwai udiwetsa dayabeatu awẽ wake iixiwi na uduax rewuduwuya inu’, kededi.