Lucas 10:16 - Yura porciones de la biblia

¹⁶ Naskawata Jesúspa na setenta y dos dukuwedewu nichiyaitii atu yuidi: “Na ẽ batu tapibabiswu yurawu atu yuitakawe. Ẽ batuwe kayabawiyaidu watura wetsã batu dikakĩ eariwi dikai. Watura wetsã batu dikakaspakĩ eariwi dikakaspai. Watura wetsã ea dikakaspakĩ na ea nichidiriwi dikakaspai”, atu wadi. Naskawata na setenta y dos dukuwedewu na atu yuiya aki wukadi wudiwu.

Lucas 10:16 Iomraidhean Croise

Lucas 9:48

Naskata na auxũ tapipaudiwu yuidi: “Watura wetsã euxũ da wake sharawatiru ea sharawai keskara itiru. Naatu ea sharawakĩ na ea nichidi sharawai keskara itiru. Maawawe shina watura wetsã naskara atiru a bitsisipaba. Naskaweke Diospa uĩya naa bitsisipa datukui”, Jesúspa atu wadi.

Juan 12:44

Jesúspa tsai ewapatu atu yuidi: “Na ea ikũira waawu ea wisti ikũira waawuba. Ewẽ Epã na ea nichidiri ikũira waawu.

Juan 12:48

Ẽ Jesús ikũira waiba. Naskatari awẽ tsairi ẽ dikapaiba ixu shinai na tsai ẽ batu yuibis keskara dikayabax Dios ari kataba ubiskuipakedakawu mera kaaxiwi. Naskake ẽ batu yuiyaitu ma ea dikayabax ma bai keyuaidu ma ubiskuipakedaka”, Jesúspa atu yuidi.

Juan 13:20

“Ẽ batu yuikui. Na ẽ nichia ma iwikĩ eari ma iwitiru. Ea ma iwikĩ na ea nichidi ma iwitiru”, Jesús idi.