Juan 15:18 - Yura porciones de la biblia

¹⁸ “Naatiiwi yurawawe batu duikaspakadi. Naskakakĩ ea duikaspakĩ taewadiwu.

Juan 15:18 Iomraidhean Croise

Lucas 6:22

Dukuwene Wake udua yuikĩ ẽ udua ẽ batu yuinu. Ma Dukuwene Wake ikũira waitu yurawawe batu duikaspawiyaiwudu ma idibatiru. Batu putawiyaiwudu ma idibatiru. Batu ruãwiyaiwudu ma idibatiru. ‘Ma chakawu’, batu wawiyaiwudu ma idibatiru.

Juan 16:1

“Ẽ batu yui ea ma ikũira wakĩ xateyabanu.

Juan 16:33

Da tsai ẽ batu yuiya. Euxũ sharakui ma shinanu. Da bai aduax ma ubiskuiwaidaka. Naskawiax ma shinasharatiru. Ẽ yura chakawu winukĩ abis keskawakĩ”, Jesúspa auxũ tapibiswu atu wadi.

Juan 3:20

Na chakabiswawe chaxai duikaspakadi. Ẽ atũ chaka yuipaiwiyaitu wakish meradua tsekepaikadiba. Ẽ atu tsai yuipana chaxai adu wepaikadiba.

Juan 7:7

Yura bai adu ikawawe batu duikaspatiruwuba. Naskaweke ea duikaspakadi ẽ atu ikũkui yuiyaitu na chakabiswu.