Luke 7:34 - Musselmani Burmese

³⁴ ထိုသို့ပင် လူ့သားတော်သည် စားသောက်လျက်နေသောအခါ သင်တို့က ‘ဤသူသည် အစားအသောက်ကျူးသူဖြစ်ကာ အခွန်ကောက်သူများ၊ အပြစ်ဒုစရိုက်သားများနှင့် အပေါင်းအသင်းဖွဲ့နေ၏’ ဟုဆိုကြပြန်၏။

Luke 7:34 Iomraidhean Croise

Luke 11:37

ထိုသို့ မိန့်တော်မူပြီးသောအခါ ဖာရိရှဲတစ်ဦးသည် ကိုယ်တော်အား အစားအစာဖြင့် တည်ခင်းဧည့်ခံရန် သူ၏အိမ်သို့ ပင့်ဖိတ်သဖြင့် ကိုယ်တော်သည် ကြွတော်မူ၍ စားပွဲ၌ထိုင်တော်မူ၏။

Luke 14:1

တစ်နေ့သောဥပုသ်နေ့၌ ကိုယ်တော်ယေရှုသည် ဖာရိရှဲတို့ထဲမှ အရေးကြီးပုဂ္ဂိုလ်တစ်ဦး၏နေအိမ်တွင် အစားအစာသုံးဆောင်ရန် သွားရောက်စဉ် လူအားလုံးတို့သည် ကိုယ်တော်အား အနီးကပ်စောင့်ကြည့်နေကြ၏။

Luke 15:2

ထိုအခါ ဖာရိရှဲများနှင့် ကျမ်းတတ်ဆရာများက “ဤသူသည် အပြစ်ဒုစရိုက်သမားများနှင့် မိတ်ဆွေဖွဲ့နေရုံမျှမက ထိုသူတို့နှင့်အတူတူပင် စားသောက်နေပါသည်တကား” ဟုပြစ်တင်ဝေဖန်ကြ၏။

Luke 19:7

ထိုအခြင်းအရာကို မြင်သောသူအပေါင်းတို့က “ကိုယ်တော်သည် အပြစ်ဒုစရိုက်သမား၏အိမ်ကို သွား၍ သူနှင့်အတူ စားသောက်ဦးမည်တကား” ဟူ၍ ကဲ့ရဲ့ပြစ်တင်ကြလေ၏။

Luke 5:29

ထိုနောက်တွင် လေဝိသည် ကြီးကျယ်ခမ်းနားသော စားသောက်ပွဲဖြင့် သူ၏အိမ်တွင် ကိုယ်တော်နှင့် တပည့်တော်တို့အား ဧည့်ခံသဖြင့် အခွန်ကောက်သူများနှင့် အခြားသောဧည့်သည်တော်များသည်လည်း ညစာစားပွဲသို့ စုဝေးရောက်ရှိလာကြပြီး အတူတကွစားသောက်ကြလေ၏။

Luke 7:33

ကြောင်းမူကား ရေနှစ်မင်္ဂလာဆရာယောဟန်သည် သာမန်အစားအစာကိုလည်းမစား၊ မူးယစ်စေသောစပျစ်ရည်ကိုလည်း မသောက်ဘဲသွားလာနေသည်ကို မြင်လျှင် သင်တို့က ‘ယောဟန်သည် မကောင်းဆိုးဝါးပူးကပ်နေသောသူဖြစ်၏’ ဟုဆိုကြ၏။

Luke 7:35

မည်သို့ပင်ဆိုစေကာမူ ဘုရားရှင်၏အသိဉာဏ်ပညာတော်သည် ဖြောင့်မတ်မှန်ကန်ကြောင်းကို ၎င်းကိုလိုက်နာကျင့်သုံးသောသူများအားဖြင့် သက်သေပြနေ၏” ဟုမိန့်တော်မူ၏။

Luke 7:36

ထို့နောက် ဖာရိရှဲတစ်ဦးသည် ကိုယ်တော်ယေရှုကို သူ၏အိမ်၌ အစားအစာသုံးဆောင်ရန် ပင့်ဖိတ်လေ၏။ ထို့ကြောင့် ကိုယ်တော်သည် ထိုသူ၏အိမ်သို့ ကြွတော်မူပြီး စားသောက်ရန် စားပွဲ၌ ထိုင်တော်မူ၏။