Luke 18:23 - Musselmani Burmese

²³ ထိုဂျူးလူမျိုးအကြီးအကဲသည် အလွန်ကြွယ်ဝချမ်းသာသော်လည်း အရာအားလုံးကို ပေးကမ်းစွန့်ကြဲရန် မပြုလိုသောကြောင့် ကိုယ်တော်၏စကားကို ကြားသောအခါ အလွန်ပင် စိတ်ပျက်ဝမ်းနည်းလေ၏။

Luke 18:23 Iomraidhean Croise

Luke 12:15

ထို့နောက် ကိုယ်တော်က လူထုပရိသတ်တို့အား “လောဘလွန်ကျူးခြင်းအမျိုးမျိုးကို ရှောင်ကျဉ်ကြလော့။ အကြောင်းမူကား သင်တို့၏ဥစ္စာပစ္စည်း ကြွယ်ဝမှုများ၌ သင်တို့၏ဘဝအဓိပ္ပါယ်ကို ရှာ၍မတွေ့နိုင်” ဟုမိန့်တော်မူ၏။

Luke 18:22

ထိုသို့လျှောက်တင်သည်ကို ကြားသောအခါ ကိုယ်တော်က “သို့ဆိုလျှင် သင်လုပ်ဆောင်ရန်အရာတစ်ခုကျန်နေသေး၏။ သင်ပိုင်ဆိုင်သည့်ပစ္စည်းဥစ္စာများအားလုံးကို ရောင်းချ၍ ဆင်းရဲနွမ်းပါးသောသူတို့ကို လှူဒါန်းလော့။ သို့ပြုလျှင် သင်သည် ရွှေမြို့တော်၌ စည်းစိမ်ဥစ္စာများ ရရှိလိမ့်မည်။ ထို့နောက် ငါ၏တပည့်အဖြစ် ငါ့နောက်ကိုလိုက်လော့” ဟုမိန့်တော်မူလေ၏။

Luke 18:24

ထိုသူ၏စိတ်ပျက်ဝမ်းနည်းနေခြင်းကို မြင်လျှင် ကိုယ်တော်က “ချမ်းသာကြွယ်ဝသောသူတို့သည် ဘုရားရှင်၏သာသနာတော်သို့ ဝင်ရောက်ရန် အလွန်ခက်ခဲလှ၏။

Luke 19:8

ထို့နောက် ဇက္ခဲသည် မတ်တပ်ရပ်လျှက် ကိုယ်တော်အား “ကိုယ်တော်၊ ကိုယ်တော်၊ အကျွန်ုပ်၏ပစ္စည်းဥစ္စာတစ်ဝက်ကို ဆင်းရဲနွမ်းပါးသည့်သူတို့အား ခွဲဝေပေးပါမည်။ လူတို့ထံမှ မတရားတောင်းခံထားမိခဲ့သောအခွန်ငွေတို့ကိုလည်း လေးဆပို၍ ပြန်အမ်းလိုက်ပါမည်” ဟုလျှောက်တင်လေ၏။

Luke 21:34

တဖန် ကိုယ်တော်က “ထို့ကြောင့် စားလိုက်သောက်လိုက်၊ ဘဝအတွက်ပူပင်လိုက်နှင့် သင်တို့၏အချိန်တို့ကို မကုန်ဆုံးစေဖို့ သတိပြုဆင်ခြင်ကြလော့။ ထိုသို့သာ အချိန်ဖြုန်းနေလျှင် နောက်ဆုံးသောနေ့ရက်သည် သင်တို့ထံသို့ ကျော့ကွင်းကဲ့သို့ အမှတ်တမဲ့ရောက်လာလိမ့်မည်။

Luke 8:14

ဆူးချုံပင်များအောက်ကို ကျသောမျိုးစေ့ဆိုသည်မှာ ဘုရားရှင်၏နှုတ်ကပတ်တော်များကို ကြားနာကြရသော်လည်း လောကီနှင့်ဆိုင်သောစိုးရိမ်ပူပန်ခြင်းများ၊ စည်းစိမ်ကြွယ်ဝခြင်းနှင့် ကာမဂုဏ်ခံစားခြင်းတို့ဖြင့် ကာဆီးပိတ်ဆို့ခံရသဖြင့် အသီးအနှံမဖြစ်ထွန်းကြပေ။ ထိုသို့အသီးအနှံမဖြစ်ထွန်းသောအပင်သည် လယ်သမားအတွက် အသုံးမဝင်သကဲ့သို့ ထိုသူတို့သည်လည်း ဘုရားရှင်အတွက် အသုံးမဝင်သောသူများဖြစ်ကြ၏။