Luke 12:1 - Musselmani Burmese

¹ ထိုအချိန်၌ ထောင်ပေါင်းများစွာသော လူထုပရိသတ်တို့သည် စုဝေးလာကြသဖြင့် တစ်ယောက်နှင့်တစ်ယောက် တက်နင်းမိလောက်အောင် ဖြစ်ကြ၏။ ထို့နောက် ကိုယ်တော်ယေရှုသည် တပည့်တော်များအား ဦးစွာပထမမိန့်ဆိုသည်မှာ “ဖာရိရှဲတို့၏တဆေးဖြစ်သော သူတော်ကောင်းယောင်ဆောင်မှုကို သတိထားကြလော့။

Luke 12:1 Iomraidhean Croise

Luke 11:44

သင်တို့သည် အမင်္ဂလာရှိကြ၏။ အကြောင်းမူကား သင်တို့သည် ကွင်းပြင်ထဲရှိ အမှတ်အသားမရှိသော သင်္ချိုင်းဂူများနှင့်တူ၏။ လူတို့သည် ၎င်းတို့အပေါ်၌ မသိဘဲ သွားလာတတ်ကြသောအခါ ထိုလူတို့သည်လည်း မစင်ကြယ်ခြင်းသို့ရောက်ကြရ၏” ဟုမိန့်တော်မူ၏။

Luke 12:56

သူတော်ကောင်းယောင်ဆောင်သောသူတို့၊ သင်တို့သည် ကောင်းကင်နှင့်မြေကြီးကို ကြည့်၍ ရာသီဥတုကို ခန့်မှန်းနိုင်ကြသော်လည်း ဤအချိန်ကာလ၌ မည်သည်တို့ဖြစ်ပျက်နေသည်ကို အဘယ်ကြောင့်ခွဲခြားမသိနိုင်ကြသနည်း။

Luke 5:1

တစ်နေ့သ၌ ကိုယ်တော်ယေရှုသည် ဂင်္နေသရက်အိုင်နားတွင် ရပ်နေတော်မူနေစဉ် လူထုပရိသတ်တို့သည် ဘုရားရှင်၏နှုတ်ကပတ်တော်ကို ကြားနာရန် ကိုယ်တော်၏ပတ်လည်၌ စုဝေးရောက်ရှိလာကြ၏

Luke 5:15

သို့သော်လည်း ကိုယ်တော်၏ဂုဏ်သတင်းသည် နေရာဒေသအရပ်ရပ်သို့ ပိုမိုပျံ့နှံ့သွားသဖြင့် လူအစုအဝေးတို့သည်လည်း ကိုယ်တော်၏ဟောပြောသွန်သင်ချက်များကို နားထောင်ရန်နှင့် နာမကျန်းခြင်းမှ ပျောက်ကင်းစေခြင်းရရန် စုရုံးလာကြ၏။

Luke 6:17

ထို့နောက် ကိုယ်တော်သည် သာဝကများနှင့်အတူ တောင်ပေါ်မှ ကြွဆင်းလာ၍ မြေပြန့်အရပ်တွင် ရပ်တော်မူလေ၏။ ထိုနေရာ၌ တပည့်တော်များစွာနှင့်အတူ ယုဒပြည်၊ ဂျေရုဆလင်မြို့၊ တုရုနှင့်ဇိဒုန်မြို့ ကမ်းနားတစ်လျှောက်လုံးရှိ မြို့များစွာတို့မှ လူထုပရိသတ်များစွာတို့သည်လည်း ရောက်ရှိနေကြ၏။