Juan 3:22 - Ya̱ʼa̱ tseʼe je̱ nam ko̱jtstán juuʼ veʼe je̱ Nteʼyamˍ xyaktaajnjimdu je̱ nMa̱j Vintsá̱namda Jesucris

²² Ku veꞌe je̱ it ñajxy, vanꞌit tseꞌe je̱ Jesús ma̱a̱t je̱ yꞌixpa̱jkpata̱jk ña̱jkxti je̱m judéait yꞌit jo̱o̱tm. Je̱m tseꞌe je̱ jayu du̱yakna̱pe̱tta.

Juan 3:22 Iomraidhean Croise

Juan 2:13

Ku veꞌe tya̱mi je̱ pascua xa̱a̱j, vanꞌit tseꞌe je̱ Jesús vyimpejt je̱m jerusaleenit kyajpu̱n ka̱jxm.

Juan 2:2

yakvo̱o̱vduva tseꞌe je̱ Jesús ma̱a̱t je̱ yꞌixpa̱jkpata̱jk.

Juan 3:23

Nay veꞌempa tseꞌe je̱ Yakna̱pe̱jtpa Juan je̱ jayu du̱yakna̱pejt je̱m Enón, je̱ saliimit kajpu̱n muta̱m, ku̱x je̱meꞌe vyeꞌna o̱o̱y je̱ tsoxk na̱a̱j. Je̱m tseꞌe je̱ jayu jye̱ꞌydi je̱tseꞌe ña̱pe̱jtti.

Juan 3:26

Vanꞌit tseꞌe je̱ Juan je̱ yꞌixpa̱jkpata̱jk ñu̱na̱jkxjidi, je̱tseꞌe ña̱ꞌmu̱xjidi: ―Yakꞌixpa̱jkpa, je̱ꞌe̱ xa veꞌe juuꞌ veꞌe mma̱a̱tveꞌnip je̱m jadoꞌk adoꞌom Jordán ma̱ja̱ na̱paꞌam, juuꞌ mitseꞌe je̱ tu̱va̱ko̱jtsu̱n mmo̱o̱y ku a̱a̱tseꞌe xmuka̱jts, je̱mts je̱ꞌe̱ veꞌe je̱ jayu du̱yakna̱pet, ax nu̱na̱jkxju̱dupts je̱ꞌe̱ veꞌe anañu̱joma.

Juan 7:3

vanꞌit tseꞌe je̱ Jesús je̱ yꞌutsa̱ta̱jk ña̱ꞌmu̱xjidi: ―Kadi yaja mtañ, na̱jkxu̱ je̱m Judea, je̱ts je̱ꞌe̱ pa̱n pa̱n jatyeꞌe mpana̱jkxju̱dup, je̱tseꞌe du̱ꞌíxtuvat juuꞌ jatyeꞌe mtuump.