43 Ku tseꞌe veꞌem vyaajñ, vanꞌit tseꞌe ma̱kk kya̱jts: ―¡Lázaro, pítsumni je̱p!
O̱o̱yts je̱ꞌe̱ veꞌe tyuntsa̱ꞌkidi je̱tseꞌe vimpit atu̱j ñavyaajnjidi: ―¿Vintso̱s ya̱ꞌa̱ vineꞌe ya̱ jayu je̱ ma̱kkin o̱o̱y du̱tunjayep? ¡Ka̱tsu̱pa̱jkjup xa veꞌe je̱ po̱j paat je̱ts je̱ ma̱ja̱ na̱ꞌaka̱ya paat!
Nnu̱jaꞌvip a̱tseꞌe je̱ts xa̱ꞌma a̱ts mitseꞌe xka̱tsꞌamo̱tunaxy. Je̱ꞌe̱ ka̱jxts a̱tseꞌe nvaꞌañ ya̱ nu̱may jayu je̱ yꞌo̱ꞌyin ka̱jxta juuꞌ veꞌe yájada, je̱tseꞌe du̱jaanchjávadat je̱ts mits a̱tseꞌe xke̱jxp.
Vanꞌit tseꞌe pyítsumni je̱ Lázaro juuꞌ veꞌe ukꞌo̱o̱ꞌk; vimpídu̱tts je̱ꞌe̱ veꞌe je̱ kya̱ꞌa̱j je̱ tyek ma̱a̱t je̱ vit je̱ts je̱ vyiijn je̱ yꞌaaj vitu̱vinma̱ts. Je̱tseꞌe je̱ Jesús ña̱ꞌmu̱xjidi: ―Nu̱ke̱jvaꞌatsta je̱tseꞌe xmaso̱ꞌo̱ktat je̱tseꞌe ña̱jkxnit.
Jatojtu̱k xa̱a̱j tseꞌe kyaꞌit vyeꞌna je̱tseꞌe je̱ pascua xa̱a̱j du̱paaꞌtu̱t, vanꞌit tseꞌe je̱ Jesús ñu̱jkx je̱m Betania, je̱m joma veꞌe chu̱u̱na je̱ Lázaro juuꞌ veꞌe yakjoojntykpa̱jknuva.
Nu̱may tseꞌe je̱ israeejlit jayu du̱nu̱jaꞌvidi je̱ts je̱meꞌe Betania je̱ Jesús; na̱jkxtu tseꞌe je̱m, ka je̱ Jesús ka̱jxjyap, je̱ꞌe̱ ka̱jxpa veꞌe je̱tseꞌe je̱ Lázaro du̱ꞌíxtuvat, je̱ꞌe̱ juuꞌ veꞌe je̱ Jesús yakjoojntykpa̱jknuva ku veꞌe yꞌukꞌa̱a̱ꞌk.
Ku veꞌe je̱ Pedro du̱ꞌix, vanꞌit tseꞌe je̱ nu̱may jayu du̱nu̱u̱jmidi: ―Nmuꞌisraeejlit jáyuda, ¿tya̱jxseꞌe xtukꞌatú̱vada? ¿Tya̱jxts a̱a̱tseꞌe xvinꞌixta ax joꞌn a̱a̱ts ya̱ꞌa̱ veꞌe ku̱nyakyo̱ꞌpyú̱k a̱a̱ts ya̱ nꞌavintso̱ ma̱kkin ka̱jx a̱a̱ts ya̱ nꞌavintso̱ vaꞌajts jo̱o̱t ka̱jx?
Ax jidu̱ꞌu̱m tseꞌe je̱ Pedro ña̱ꞌmu̱xji: ―Kaꞌa a̱tseꞌe ti oro kaꞌa a̱tseꞌe ti plata nma̱a̱da. Juuꞌts a̱tseꞌe nma̱a̱t, nyajkypts a̱tseꞌe. Je̱ Jesucristo, je̱ nazarétit jayu, je̱ꞌe̱ tseꞌe myakjo̱tka̱daakjinup. Te̱na je̱ts jaamni.
Vanꞌit tseꞌe je̱ Pedro ña̱ꞌmu̱xji: ―Eneas, je̱ Jesucristo xa veꞌe myakjo̱tka̱daakjinup. Pojtu̱kni je̱ts pa̱kmojkni ya̱ mmaajntku̱n. Tun jatyji tseꞌe je̱ Eneas pyojtu̱kni.
Vanꞌit tseꞌe je̱ Pedro je̱ jayu du̱yakpitsumku̱jx, je̱tseꞌe kyo̱xkteni, je̱tseꞌe chapka̱jts. Vanꞌit tseꞌe je̱ o̱o̱ꞌkpa du̱vinꞌix je̱tseꞌe du̱nu̱u̱jmi: ―Tabita, pojtu̱kni. Vanꞌit tseꞌe je̱ Dorcas vyinꞌixvaꞌkxni. Ku veꞌe je̱ Pedro du̱ꞌix, vanꞌit tseꞌe yꞌa̱jxtk.