1 Juan 4:3 - Ya̱ʼa̱ tseʼe je̱ nam ko̱jtstán juuʼ veʼe je̱ Nteʼyamˍ xyaktaajnjimdu je̱ nMa̱j Vintsá̱namda Jesucris

³ ax nu̱jom juuꞌ veꞌe vaandup je̱ts kaꞌa veꞌe du̱jaanchjávada je̱ Jesús, ka je̱ Nteꞌyam ka̱jxapts je̱ꞌe̱ veꞌe juuꞌ veꞌe je̱m jyaꞌvin ka̱jxmda, choꞌoxpa̱jktupts je̱ꞌe̱ veꞌe je̱ Cristo. Ax mꞌamo̱tunajxtu tseꞌe je̱ts je̱ꞌyapeꞌe juuꞌ veꞌe je̱ Cristo du̱tsoꞌoxpá̱kup, ax je̱ja tseꞌe u̱xyam yaja naxviijn juuꞌ veꞌe tsoꞌoxpa̱jkju̱dup.

1 Juan 4:3 Iomraidhean Croise

Mateo 24:5

ku̱x míndapeꞌe nu̱may juuꞌ veꞌe natyijjadap je̱ts a̱ts je̱ꞌe̱ veꞌe, je̱tseꞌe vyaꞌandat: “A̱ts xa je̱ꞌe̱ veꞌe je̱ Cristo, juuꞌ veꞌe je̱ Nteꞌyam vyinko̱o̱n je̱tseꞌe yakkutojknit.” Ax nu̱may tseꞌe yakvinꞌa̱a̱ꞌndat.

1 Juan 2:18

Miitsta, juuꞌ a̱tseꞌe nꞌonu̱kjaꞌvidup, kuka̱xa ámani xa veꞌe u̱xyam. Mmó̱tudu tseꞌe je̱ts jé̱japeꞌe toꞌk juuꞌ veꞌe je̱ Cristo du̱tsoꞌoxpá̱kup; ax je̱ja tseꞌe u̱xyam nu̱may je̱ jayu juuꞌ veꞌe je̱ Cristo du̱tsoꞌoxpa̱jktup. Ku̱x tseꞌe veꞌem du̱tonda, je̱ꞌe̱ ka̱jx tseꞌe nnu̱jaꞌvimda je̱ts kuka̱xa ámani veꞌe u̱xyam.

1 Juan 2:22

¿Pa̱nts je̱ꞌe̱ veꞌe juuꞌ veꞌe taayip? Taayip xa je̱ꞌe̱ veꞌe pa̱n pa̱neꞌe vaamp je̱ts kaꞌa veꞌe je̱ Nteꞌyam je̱ Jesús du̱vinka̱a̱jn je̱tseꞌe yakkutojknit. Pa̱n pa̱n tseꞌe vaamp je̱ts kaꞌa veꞌe je̱ Nteꞌyam je̱ Jesús du̱vinka̱a̱jn je̱tseꞌe yakkutojknit, je̱ Nteꞌyamts je̱ꞌe̱ veꞌe choꞌoxpu̱jkp, kaꞌa tseꞌe du̱kuvu̱k je̱ Dios Teeꞌ, kaꞌa tseꞌe du̱kuva̱jkpa je̱ yꞌOnu̱k.

2 Juan 1:7

May xa veꞌe yꞌitta yaja naxviijn pa̱n pa̱n jatyeꞌe je̱ jayu du̱vinꞌa̱a̱ꞌndup, vaandupts je̱ꞌe̱ veꞌe je̱ts kaꞌa veꞌe je̱ Jesucristo jyayuvimpijt. Vinꞌa̱a̱ꞌmpats je̱ꞌe̱ veꞌeda pa̱n pa̱n jatyeꞌe veꞌem vaandup, choꞌoxpa̱jktupts je̱ꞌe̱ veꞌe je̱ Cristo.