REVARESION Jon Gumbe Iesu Keriso Taibe Toyau Nunnewa 9:2 - Maiwa: Gae Mataiwa

² Me niba onan nogawa watabnewa, me gumbe aup dog aine. Aup me ig puiwaivi arawa kokawa gumbe dog aine mina. Niba onan nogawa gumbe aup dog ainewa, kum ge kwimin aram uwane.

REVARESION Jon Gumbe Iesu Keriso Taibe Toyau Nunnewa 9:2 Iomraidhean Croise

Apasoro 2:19

Ne opa kwimin danave anopipanumowa toyau muntna, sira epa piyu egave irakoniwa toyau muntna. Mu ganigani ge iyam ge aup dog aipewa.

REVARESION Jon Gumbe Iesu Keriso Taibe Toyau Nunnewa 14:11

Mu dawai aueme, sira aup evedni dauwaivi. Bira da mae yusiatatuwa ge irawa wariyawa meuma waiyapewa, sira bira da me irawa iviwa irayauyau aupewa, mu aram kum nonuwa den emigimpe.”

REVARESION Jon Gumbe Iesu Keriso Taibe Toyau Nunnewa 16:10

Aneya nanin gambenitwa kabum meuma mae yusiatatuwa kin seya meuma egave egamne. Kin arawa meuma at sisip wadne. Iyayapan dawai oya pednowa ariya.

REVARESION Jon Gumbe Iesu Keriso Taibe Toyau Nunnewa 8:12

Aneya duwam ge duwameba kae trampet meuma upine. Kum duwamdesi danave kebayawa desirom dud duwamdesi danave kebayawa desirom, marantun duwamdesi danave kebayawa desirom tone. Meoya kum duwamdesi danave kebayawa desirom mina, dud duwamdesi danave kebayawa desirom mina, marantum duwamdesi danave kebayawa desirom mina biroriyak aram uwane. Kum duwamdesi danave kebayawa desirom eyawa gaibu onan. Sira aram duwamdesi danave kebayawa desirom me mina meib.

REVARESION Jon Gumbe Iesu Keriso Taibe Toyau Nunnewa 9:1

Aneya duwam ge duwamdesiyawa kae trampet meuma upine. Ne yauna. Marantun desirom kwimin apa piyu egave aig onne. Me kii wanne me niba onan nogawa wataptanwa.

REVARESION Jon Gumbe Iesu Keriso Taibe Toyau Nunnewa 9:11

Mu kin mumawa oya niba onan nogawa aneyaeba wakene. Me iviwa gae Ibru gumbe Abadon ge gae Griik gumbe Aporion veme.

REVARESION Jon Gumbe Iesu Keriso Taibe Toyau Nunnewa 9:17

Mae osi ge iyayapan egowo wakeyawa ne Guwawa danave yauna. Me mamaib. Mut igiyawa togowa toboremewa mumawa meru mina buruburu, pumpune e den sinewa sira sarupa mina yanepam. Mae osi kuiyowa me mae raion kuiyowa mina, sira mu nouwa apa meru, aup ge sarupa dauweme.