REVARESION Jon Gumbe Iesu Keriso Taibe Toyau Nunnewa 7:9 - Maiwa: Gae Mataiwa

⁹ Mame onananeve ne meve yauna. Yawa. Iyayapan obiren di wakeya bira da oma den ane basiya mumpe. Mu at undag gumbo, dam undag gumbo, iyayapan undag gumbo ge gae undag gumbo onamiya. Mu kin seya meuma namive ge Sip Usiwa namive yokeeme. Mu wape muma puipuyuwa enamiya nanuwo bayan nanuwo yumnateme.

REVARESION Jon Gumbe Iesu Keriso Taibe Toyau Nunnewa 7:9 Iomraidhean Croise

RUK Gae Oraiwa Ruk Tenewa 12:1

Pungi den wane, iyayapan obiren agonieme, meoya mu gara em eme. Meve Iesu amatog gae namu aigowawa gumbo wane, “Yaukapa, Parisi igiyawa iist muma gumbe. Me ugauga mumawa.

RUK Gae Oraiwa Ruk Tenewa 21:36

Megara ye kum evedni amat ag nun waigimiya. Me gumbe dividivi undag mame pawapewa, ye oma ape ayun wariya, sira me gumbe ye oma ape Apan Usiwa namive yoiya.”

JON Gae Oraiwa Jon Tenewa 12:13

Mu moyu kwayawa tam dauwag me yautan oya amiya, sira kwaruwaya, “Osanna! Ayapan iviwa gumbe uwaiviwa, me gumbe God waribiya wakeigimpe! Isuraeru kin mumawa, me gumbe waribiya wakeigimpe!”

Romu 11:25

Tatangwanen, ne imunap, ye guwavewa mame yaug anotanit di. Ye aib den anoya ye ano kokawa igiyawa. Guwavewa mame natawa mamaib, Isuraeru igiyawa upeba nonomagowa yaigiwane, sira Ju onan igiyawa anintom mina obiren apewa, Isuraeru igiyawa nonomagowa yaigiwanewa me onanape.

Epesas 6:13

Meoya God mut wapeyawa undag boya. Ye meib ayawa, ye oma ane kum kukaeba gumbe yoig muraya, sira undag aya, sira kikikit em yoiya.

Ibru 11:12

Meoya apan da, Ebraam me bo apan mina anewa me gumbe usitainawa obiren. Mu obiren marantun yayab yane sira poeman visive nuge mina.

Ibru 12:22

Megara tui Saion, God wakeiviwa toimuwawa, Jerusarem kwiminauwa, aneya obiren buyunaeba mu gumbo ye manene.

REVARESION Jon Gumbe Iesu Keriso Taibe Toyau Nunnewa 11:15

Aneya nanin gamben botone duwameba kae trampet meuma upine. Sira kwimin apa nouwa kokavit veme. Mu mamaib waya, “Piyu mame toimuwawa Ayapan numa ge Keriso meuma aya. Ayapan evedni me amaraigimpe.”

REVARESION Jon Gumbe Iesu Keriso Taibe Toyau Nunnewa 22:3

Asimeve wag umtan onan di. God ge Sip Usiwa wakeivi arawa gwetoimu danave wakene God nauwawa emewa menan nau ape.

REVARESION Jon Gumbe Iesu Keriso Taibe Toyau Nunnewa 3:18

Ne dirukna. Gooru me iyam danave ig puiwanewa ne gunap gwiruwara. Ge oma ape tawara abnawa a. Sira wape pupuyuwa gunap gwiruwara. Ge ubmam geumawa ge taibe oma ane tobora. Sira yangawa geguraeba gunap gwiruwag yangagwa wara. Ge oma ape yawa.

REVARESION Jon Gumbe Iesu Keriso Taibe Toyau Nunnewa 4:4

Kin seya meuma wakene gumbe seya 24 birorot wakeya. Sira koukawa igiyawa 24 seya egave wakeeme. Mu wape pupuyuwa enamiya, sira kin keretawa gooru gumbe wariyawa mu kuiyowo teya.

REVARESION Jon Gumbe Iesu Keriso Taibe Toyau Nunnewa 5:11

Sira ne yauna. Aneya obiren nouwa anona, mu kin seya meuma ge vinemewa ge koukawa igiyawa birorot wakeya. Mu tobot mumawa10,000 egave egave, 1,000 egave egave.

REVARESION Jon Gumbe Iesu Keriso Taibe Toyau Nunnewa 5:9

Mu bererin mataiwa tog veme, “Ge oraiwa oya gigirum paniyawa aug Guwawa batamiyawa watapa. Kuiyawa ge toen gut geniya. Ge di geuma gumbe dam desirom desirom gumbo, gae desirom desirom gumbo, iyayapan desirom desirom gumbo, at sinsin igiyawa desirom desirom gumbo, God oya iyayapan gwiruwat munana.

REVARESION Jon Gumbe Iesu Keriso Taibe Toyau Nunnewa 6:11

Mu desirom desirom wape pupuyu munne. Me dirumne, “Ye mina nau emewa ge ye tateiwa, mu ye mina guttan eme. Guttan eme tobot mumawa noidauwag wapukiyape wa, ne meve atna. Meoya ye nonewa emigimiya.”

REVARESION Jon Gumbe Iesu Keriso Taibe Toyau Nunnewa 7:8

Dam Seburun gumbe 12,000 Dam Josep gumbe 12,000 Dam Benjamin gumbe 12,000