REVARESION Jon Gumbe Iesu Keriso Taibe Toyau Nunnewa 7:11 - Maiwa: Gae Mataiwa

¹¹ Aneya undag kin seyaeba, koukawa igiyawa ge vinenewa 4 wakeya gumbo birorot yokeya. Mu kin seyaeba namive kwanowa siyag konuwa yug God waiyag,

REVARESION Jon Gumbe Iesu Keriso Taibe Toyau Nunnewa 7:11 Iomraidhean Croise

Matiu 4:10

Iesu me digwane, “Seitan, gunap asipa aga! Kuiyawa me aib tene: ‘Ayapan God geuma waiya, sira me mekut nau meuma a.’ ”

JON Gae Oraiwa Jon Tenewa 5:23

Kuiyawa iyayapan undag Mamawa gumbe mu ayamat eme mina di mu Usiwa gumbe ayamat atanit di. Bira da Usiwa gumbe ayamat den apewa, me Mamawa bira Usiwa baraune onnewa gumbe mina ayamat den ape.

Ibru 1:6

Sira God usiwa namuirenwa baraune onnewa kumiwa apa, me mamaib wane, “God aneyaeba mu Usiwa waiya waiya atanit di.”

REVARESION Jon Gumbe Iesu Keriso Taibe Toyau Nunnewa 11:16

Koukawa igiyawa 24 mu God namive seya muma egave wakeeme. Mu namuwon aigeg konuwo yueg God waiyaya.

REVARESION Jon Gumbe Iesu Keriso Taibe Toyau Nunnewa 15:4

Ayapan, bira ge gungap den a ape? Bira ge ivugwa waiya den ape? Kuiyawa gekut iyakaisi. At sinsin igiyawa undag onam ge namugap waiyape. Kuiyawa ge keptete geuma oraimina me taibe ane.”

REVARESION Jon Gumbe Iesu Keriso Taibe Toyau Nunnewa 22:9

Megara me ne gunap wane, “Den a. Ne ge mina sira ge tatagaiwa propeta mina nau meuma eniwa. Mu buka mame gaiyawa yumnateme. Ge God waiya!”

REVARESION Jon Gumbe Iesu Keriso Taibe Toyau Nunnewa 4:10

Koukawa igiyawa 24 kin seya egave wakeyawa namive aig koniwa yug yaibobot vinigimpewa waiyape. Sira mu kin seya namive kin keretawa muma emeg wape,

REVARESION Jon Gumbe Iesu Keriso Taibe Toyau Nunnewa 4:4

Kin seya meuma wakene gumbe seya 24 birorot wakeya. Sira koukawa igiyawa 24 seya egave wakeeme. Mu wape pupuyuwa enamiya, sira kin keretawa gooru gumbe wariyawa mu kuiyowo teya.

REVARESION Jon Gumbe Iesu Keriso Taibe Toyau Nunnewa 4:6

Sira, kin seya meuma namive poeman geyuwawa me an oraiwa krisutaru mina wakene. Kin seya meuma yapave ge birorot arave vinemewa 4 wakeya. Mu ui kwapuwa namuwo ge daiyowa yangowa noidauwane.

REVARESION Jon Gumbe Iesu Keriso Taibe Toyau Nunnewa 4:8

Mae vinemewa 4 mame mu desirom desirom maviwa 6 boya. Sira mavuwa birorot ge danowo yangowa noidauwane. Oiyat ge aram mu kwaruvemewa den kweya, “Iyakaisi, iyakaisi, iyakaisi. Ayapan God Yusipamitwa, Me numan wakenewa, gare wakeiviwa, matai uwapewa.”