REVARESION Jon Gumbe Iesu Keriso Taibe Toyau Nunnewa 3:7 - Maiwa: Gae Mataiwa

⁷ Siosi at Piraderupia danave wakenewa aneya meuma gumbe teya. ‘Iyakaisi ge natawa ge Devid kii meuma aviviwa dividivi mame oya waivi. Me watabnewa bira da oma den ane tobotpe. Sira me tobodnewa bira da oma den ane watappe.

REVARESION Jon Gumbe Iesu Keriso Taibe Toyau Nunnewa 3:7 Iomraidhean Croise

Matiu 16:19

Ne kwimin toimuwawa kii meumawa gentna. Divi da ge piyuwau tuwawa, kwimin danave tupe, sira divi da ge piyuwau vetawa, kwimin danave vetpe.”

Matiu 24:35

Kwimin ge piyu matai onanape, megara gae neuma den onanape, me yaibobot.

MAK Gae Oraiwa Mak Tenewa 1:24

“Nasaret apan Iesu, ge nugunup divi amon? Nu watkukam nuntan onagana? Ne yaug anona ge bira. Ge God Apan Iyakaisi meuma.”

RUK Gae Oraiwa Ruk Tenewa 1:32

Me iviwa koka ape. Iyayapan wape me Apan Kokawa Painauvitwa Usiwa. Ayapan God me wampe mamawa Devid kin arawa aupe.

RUK Gae Oraiwa Ruk Tenewa 4:34

“Akai! Nasaret apan Iesu, ge nu gunup divi amon? Ge nu wakukam nuntan onagana? Ne anona ge bira, ge God Apan Iyakaisiyapama!”

JON Gae Oraiwa Jon Tenewa 14:6

Iesu gara wane, “Ne ebu, natawa sira inaiinai. Ne gunap onanwa, bira da Maman gumbe oma den ane uwape.

Apasoro 3:14

Ye Iyakaisi ge Oraiwa abnawa topayayana, sira wayana iyayapan gurivi abnawa yan kwepe aipe.

1 Jon 5:20

Megara nu yaug anotu God Usiwa uwane, sira me ano nunivi nu yaug anotu God natawa. Meoya nu God danave wakeete, kuiyawa nu Usiwa Iesu Keriso gumbe wakeete. Me God natawa sira inaiinai yaibobot.

REVARESION Jon Gumbe Iesu Keriso Taibe Toyau Nunnewa 1:11

Noiwa wane, “Ge yavegewa gigirum paniyawa danave teya. Sira teya siosi 7, Epesas, Sumiruna, Pergamam, Taiataira, Sardis, Piraderupia, Raodisia munan ampe.”

REVARESION Jon Gumbe Iesu Keriso Taibe Toyau Nunnewa 1:18

Ne evedni wakeeniwa. Bo ana, magara yauya, yaibobot inaigidna. Sira ne bo ge ades kii meuma yumnadna.

REVARESION Jon Gumbe Iesu Keriso Taibe Toyau Nunnewa 1:5

Sira Iesu Keriso gumbe. Me anotumat gumbe taibe waivi abnawa. Me bo gumbe namu yainewa. Me piyu ayapaneba egave amaraiviwa. Me nu baigan nunne, sira me kukaeba numa tamtut di meuma gumbe tam oraiwa gumbe te nunne.

REVARESION Jon Gumbe Iesu Keriso Taibe Toyau Nunnewa 15:3

Mu Mosisi bererin meuma ge Sip Usiwa bererin meuma toya. Mosisi me God nauwawa aivi abnawa. “Ayapan God Yusipamitwa, ge anawa kokawa oraimina, at sinsin igiyawa kin mumawa, ebu geuma me oraiwa ge natawa.

REVARESION Jon Gumbe Iesu Keriso Taibe Toyau Nunnewa 16:7

Sira ne anona. Kem iyakaisi garawa wane, “E. Natawa di. Ayapan, God Yusipamitwa. Ge keptete geuma natawa di ge oraimina.”

REVARESION Jon Gumbe Iesu Keriso Taibe Toyau Nunnewa 19:11

Ne kwimin watabne yauna. Yawa. Mae osi pupuyu wakene. Me egave wakeiviwa me nau meuma gumbe aug aiviwa ge natawa veme. Sira me keptete oraivit ag mut ape.

REVARESION Jon Gumbe Iesu Keriso Taibe Toyau Nunnewa 19:2

God keptete meuma me natawa ge oraimina. Me uinantaraki vesinawa kokawa ibnawa wanne. Vesin me uinantaraki meuma gumbe piyu wakukamne. Sira God me nau meuma eme igiyawa ganigani muma oya garawa vesin gumbe ane.”

REVARESION Jon Gumbe Iesu Keriso Taibe Toyau Nunnewa 2:1

Siosi at Epesas danave wakenewa aneya meuma gumbe teya. ‘Me naniyutanwa danave marantun 7 yumnad munnewa, sira gooru dun yokeyawa 7 yapowo aiviwa me dividivi mame oya waivi.

REVARESION Jon Gumbe Iesu Keriso Taibe Toyau Nunnewa 21:5

God wakeivi arawa apa yan wakenewa me wane, “Yawa. Ne dividivi undag mataiven wareni.” Sira me wane, “Mame teya. Kuiyawa gae mame ge anotumat atanit di sira natawa.”

REVARESION Jon Gumbe Iesu Keriso Taibe Toyau Nunnewa 3:14

Siosi at Raodisia danave wakenewa aneya meuma gumbe teya. ‘Me Amen, me anotumat gumbe natawa taibe waiviwa abnawa, God dividivi amatog wadnewa, me dividivi mame oya waivi.

REVARESION Jon Gumbe Iesu Keriso Taibe Toyau Nunnewa 4:8

Mae vinemewa 4 mame mu desirom desirom maviwa 6 boya. Sira mavuwa birorot ge danowo yangowa noidauwane. Oiyat ge aram mu kwaruvemewa den kweya, “Iyakaisi, iyakaisi, iyakaisi. Ayapan God Yusipamitwa, Me numan wakenewa, gare wakeiviwa, matai uwapewa.”

REVARESION Jon Gumbe Iesu Keriso Taibe Toyau Nunnewa 5:9

Mu bererin mataiwa tog veme, “Ge oraiwa oya gigirum paniyawa aug Guwawa batamiyawa watapa. Kuiyawa ge toen gut geniya. Ge di geuma gumbe dam desirom desirom gumbo, gae desirom desirom gumbo, iyayapan desirom desirom gumbo, at sinsin igiyawa desirom desirom gumbo, God oya iyayapan gwiruwat munana.

REVARESION Jon Gumbe Iesu Keriso Taibe Toyau Nunnewa 6:10

Mu nouwa kokavit veme, “Iyakaisi ge Natawa Ayapaneba. Piyu egave wakeeme igiyawa gumbo ge den kepte munana, sira di numawa oya garawa gumbo den ana gare ande. Koni anintom nu amaratawa, ge kepte muna sira garawa a?”