REVARESION Jon Gumbe Iesu Keriso Taibe Toyau Nunnewa 3:5 - Maiwa: Gae Mataiwa

⁵ Bira da aupewa, me mu mina wape pupuyu mame empe. Inaiinai bukaeba gumbe me iviwa den di muintna. Ne Maman ge aneya meuma namive me iviwa taibe watna.

REVARESION Jon Gumbe Iesu Keriso Taibe Toyau Nunnewa 3:5 Iomraidhean Croise

Matiu 10:32

Bira da iyayapan namuwo ne yaug ano nekpewa, ne matai Maman kwiminau wakenewa namive me yaug ano nekpe.

RUK Gae Oraiwa Ruk Tenewa 10:20

Megara airapu kukaeba ye ano yemivi oya degadega den aya. Ye ivuiwa kwimin danave tene oya degadega aya.”

RUK Gae Oraiwa Ruk Tenewa 12:8

Meoya ne ye diruitna. Bira da iyayapan namuwo ne yaug ano nekpewa, Apan Usiwa me matai God aneya meuma namuwo me yaug ano nekpe

Piripi 4:3

E, nau desirom oraiwa egewa, ge gaibu kinuni gentna. Vesin mame waita muna. Vesin mame gae oraiwa oya ne gaibu nau yaigipam eme, sira Krement ge ne nau desiroma ete upeba gaibu mu ivuwa inaiinai bukaeba danave wakeya.

JUD Jud Gigirum Meuma 1:24

God oma ane uyug gumbe amara yempe. Sira me oma ane waita yempe eyawa meuma namive wan yoiya degadega kokavit gaibu miyot gaibu onan.

REVARESION Jon Gumbe Iesu Keriso Taibe Toyau Nunnewa 13:8

Piyu egave vinemewa undag mae yusiatatuwa waiyape. Sip Usiwa me toenguriya botone me inaiinai meuma gigirum paniyawa wakene. Piyu amatog wadnewa gumbe mu ivuwa inaiinai meuma gigirum paniyawa danave den teya.

REVARESION Jon Gumbe Iesu Keriso Taibe Toyau Nunnewa 17:8

Mae yusiatatuwa ge yawana. Me numan wakene go gare onan. Me matai nog epampa danave dauwag ompe me wakukamtan aivi. Piyu igiyawa mu piyu wadnewa gumbe on inaiinai bukaeba danave ivuwa den teyawa wakeya. Mu mae yusiatatuwa yaupewa mu terape. Kuiyawa mae yusiatatuwa me numan wakene gare onan. Me matai uwapewa mu terape.

REVARESION Jon Gumbe Iesu Keriso Taibe Toyau Nunnewa 19:8

Wape rinen me esinewa ge miyot onan. Biviwa me entan oya wanne. Wape me oraiwa me iyakaisi igiyawa oraivit ayawa.”

REVARESION Jon Gumbe Iesu Keriso Taibe Toyau Nunnewa 2:11

Ge anotan oya naunagwa gaibu ipewa, Guwawa siosi gumbo waiviwa anoigima. Bira da aupewa, me bo duwameba gumbe kukaeba den di aupe.” ’

REVARESION Jon Gumbe Iesu Keriso Taibe Toyau Nunnewa 2:7

Ge anotan oya naunagwa gaibu ipewa, Guwawa siosi gumbo waiviwa anoigima. Bira da aupewa, ne atna me inaiinai yomaeba magawa nape. Me God paradais meuma danave wakenewa.” ’

REVARESION Jon Gumbe Iesu Keriso Taibe Toyau Nunnewa 20:12

Ne boriruwayawa yawamna. Mu koukawa ge kusikusiwa. Mu God wakeiviwa arawa namive yokeeme yawamna. Buka upeba wakeya mu watapiya. Buka dawa me watapiya. Me inaiinai bukaeba. Me danave boriruwayawa mu ayawa teya. Mu desirom desirom mu ayawa gumbo mu keptete aupe.

REVARESION Jon Gumbe Iesu Keriso Taibe Toyau Nunnewa 20:15

Bira da inaiinai bukaeba danave iviwa den teya yauyawa, me iyam igivi kondowin danave emeya.

REVARESION Jon Gumbe Iesu Keriso Taibe Toyau Nunnewa 21:27

Dividivi miyot gaibuwa, topaiemewa sira uga vemewa mu den di gwetoimu unikpe. Sip Usiwa inaiinai bukaeba danave iviwa teyawa mukut unikpe.

REVARESION Jon Gumbe Iesu Keriso Taibe Toyau Nunnewa 22:19

Bira da buka mame matai matatpe gaiyawa gumbe atan aupewa, God me inaiinai yomaeba danave ge gwe iyakaisi danave dividivi meumawa atan bope. Meib buka mame danave tene.

REVARESION Jon Gumbe Iesu Keriso Taibe Toyau Nunnewa 3:12

Bira da aupewa, me God temporu danave toimu watna. Me sira den di ne kwetna daieve dauwag aipe. Ne God neuma iviwa me egave tetna. Sira God neuma gwetoimu iviwa me egave tetna. God neuma gwetoimu mataiwa me Jerusarem, me God neuma dauwag kwimim apa dauwag aig onivi. Sira ne ivunwa mataiwa me egave tetna.

REVARESION Jon Gumbe Iesu Keriso Taibe Toyau Nunnewa 3:4

Megara at Sardis danave iyayapan mu wape muma miyotapama onanwa upeba wakeya. Mu wape pupuyu en ne gaibu onamtan. Kuiyawa mu wag kiniya muniya igiyawa.

REVARESION Jon Gumbe Iesu Keriso Taibe Toyau Nunnewa 6:11

Mu desirom desirom wape pupuyu munne. Me dirumne, “Ye mina nau emewa ge ye tateiwa, mu ye mina guttan eme. Guttan eme tobot mumawa noidauwag wapukiyape wa, ne meve atna. Meoya ye nonewa emigimiya.”