REVARESION Jon Gumbe Iesu Keriso Taibe Toyau Nunnewa 3:10 - Maiwa: Gae Mataiwa

¹⁰ Ne dirugna iyai wakeya. Ge gae neuma yumnatana. Meoya yaigiwa kumiwa uwapewa ne genan amaratna. Yaigiwa kumiwa uwatanaivi piyu egave vinemewa ageyau amumpe.

REVARESION Jon Gumbe Iesu Keriso Taibe Toyau Nunnewa 3:10 Iomraidhean Croise

Matiu 24:14

Sira God toimuwawa gae oraiwa meuma mame matai at undag danave opata wape, sira at undag igiyawa mu gae mame anope, kum oieba meve uwape.

Matiu 26:41

Yangewa mereruwape nun waigimiya, matai amaorot danave den aigiya. Kuiyawa guwawa me yusipam, megara kwapiwa yusi onan.”

Matiu 6:13

Den tam amaorot gumbe tenuna, megara kukaeba gumbe tam waita nuna.

MAK Gae Oraiwa Mak Tenewa 14:9

Ne natawa diruieni. Piyu mame danave at ampa ampa undag gae oraiwa mame opata wapewa, vesin mame anewa gaibu dirumpe me imug anope.”

RUK Gae Oraiwa Ruk Tenewa 2:1

Kum me danave Siisa Augustus gaiyawa iyayapan undag dirumne, iyayapan at undag danave agoniyape ivuwa tetan oya.

JON Gae Oraiwa Jon Tenewa 17:6

Iyayapan piyu mame egave neganawa mu gumbo ivugwa toyau munna yaug anogemiya. Mu geumawa, sira ge mu ne gunap negana, sira mu gae geumawa aug amaraya.

Romu 1:8

Namuirenwa, ye undag oya God neuma gumbe gaun veni Iesu Keriso gumbe. Kuiyawa anotumat yeuma gumbe iyayapan gae wag me piyu mame undag wateteyamivi.

1 Korint 10:13

Ye amaorot wait auyana. Iyayapan undag amaorot wait yaug anoya yekut onan. God me natawa di, meoya amaorot ye oma den ane iyai di wakeyawa me den yempe. Amaorot gaibu me amaorot gumbe ebu toyau yempe dauwag aisiya, meoya ye oma ape iyai di wakeya.

Epesas 6:13

Meoya God mut wapeyawa undag boya. Ye meib ayawa, ye oma ane kum kukaeba gumbe yoig muraya, sira undag aya, sira kikikit em yoiya.

2 Timoti 2:12

Uunwa niki aigimtawa, ivi me gaibu amaraigimta. Nu me topai atawa, me nu topai numpe.

Jemus 3:12

Tatangwanen. Inaru orivu magawa oma ane impe, go yoma greip inaru magawa oma ane impe? Sira yamarogu yoi sisipama me oma den ane yoi oraivit dauwape.

1 Pita 4:12

Iyayapan neuma. Amaorot me iyam minawa ag yauyemivi, danadawai kokavit auene. Megara den anoya dividivi gina ubeube wait uwayemne.

2 Pita 2:9

Ayapan numa yaug anone aninin iyayapan mu inaiinai muma oraiwa God namive ibnawa ubeube aigimpewa warinam mumpe. Oraivit den eme igiyawa amarape garawa autan gumbe aigimpe pui tetanwa kumiwa apa.

REVARESION Jon Gumbe Iesu Keriso Taibe Toyau Nunnewa 1:9

Ne Jon, ye tateiwa, Iesu oya ibnawa ge God toimuwawa ge iyai waketanwa ye auyene mina ne aueni. Ne God gaiyawa ge Iesu taibe watanwa oya ginayapawa veme Patmos apa wakena.

REVARESION Jon Gumbe Iesu Keriso Taibe Toyau Nunnewa 11:10

Iyayapan piyu egave vinemewa munan degadega ag tawara oraiwa garawan ape. Kuiyawa propeta duwam mame iyayapan piyu egave vinemewa dawai muniya.

REVARESION Jon Gumbe Iesu Keriso Taibe Toyau Nunnewa 13:10

Bira da yumtan apewa, me kweya yumpe. Bira da mut tumiwa gumbe yupewa, me membovit mut tumiwa gumbe toengutpe. Mapa iyakaisi igiyawa mu kikikit waketanwa ge anotumat wakeya.

REVARESION Jon Gumbe Iesu Keriso Taibe Toyau Nunnewa 13:14

Me mae yusiatatuwa namuwa namive irayauyau ane. Me irayauyau ane oya piyu egave vinemewa ugai munne. Me piyu egave vinemewa dirumne mu mae yusiatatuwa namuwa irawa wariya. Mae yusiatatuwa namuwa mut tumiwa gumbe siget kokavit aune, go ande vinivi.

REVARESION Jon Gumbe Iesu Keriso Taibe Toyau Nunnewa 13:8

Piyu egave vinemewa undag mae yusiatatuwa waiyape. Sip Usiwa me toenguriya botone me inaiinai meuma gigirum paniyawa wakene. Piyu amatog wadnewa gumbe mu ivuwa inaiinai meuma gigirum paniyawa danave den teya.

REVARESION Jon Gumbe Iesu Keriso Taibe Toyau Nunnewa 14:12

Mapa iyakaisi igiyawa kikikit waketanwa wakene. Mu God gwangwan meuma ge Iesu gumbe anotumat muma yumnateme.

REVARESION Jon Gumbe Iesu Keriso Taibe Toyau Nunnewa 14:6

Sira ne yauna. Aneya dawa me piyu kwimin yapave vereg aivi. Me gae oraiwa yaibobot yumnadne piyu egave vinemewa opata watan oya. Piyu egave wakeemewa mu at sinsin igiyawa desirom desrom, ganigani desirom igiyawa desirom desirom, gae desirom desirom sira iyayapan desirom desirom.

REVARESION Jon Gumbe Iesu Keriso Taibe Toyau Nunnewa 16:14

Mu airapu kukaeba guwowa. Mu irawa eme. Mu piyu ega undag kin gumbo dauwag amiya. God Yusipamitwa kum kokawa meuma apa mut oya kin igiyawa agoniyatan oya dauwag amiya.

REVARESION Jon Gumbe Iesu Keriso Taibe Toyau Nunnewa 17:2

Piyu ayapanowa me gaibu viniya. Sira piyu igiyawa me uinantaraki wain meuma gumbe nag kuiyowa pipammusia.”

REVARESION Jon Gumbe Iesu Keriso Taibe Toyau Nunnewa 17:8

Mae yusiatatuwa ge yawana. Me numan wakene go gare onan. Me matai nog epampa danave dauwag ompe me wakukamtan aivi. Piyu igiyawa mu piyu wadnewa gumbe on inaiinai bukaeba danave ivuwa den teyawa wakeya. Mu mae yusiatatuwa yaupewa mu terape. Kuiyawa mae yusiatatuwa me numan wakene gare onan. Me matai uwapewa mu terape.

REVARESION Jon Gumbe Iesu Keriso Taibe Toyau Nunnewa 2:10

Dawai yaigipam autan ege oya a den a. Yauya, Seitan ye upeba bog nog dana te yem ageyau aiyempe. Ye oiyat 10 danave edawai auya. Ano amat oraiwa aigimiya bo gumbe. Ne inaiinai kin keretawa yentna.

REVARESION Jon Gumbe Iesu Keriso Taibe Toyau Nunnewa 3:8

“Ge egewa ne yaug anona. Ge yawa. Ge namugap ankwin watabna. Bira da oma den ane me tobotpe. Kuiyawa ge gungap yutugwa kusikaren, sira ge gae neuma yumnatana ne ivunwa den topayana.

REVARESION Jon Gumbe Iesu Keriso Taibe Toyau Nunnewa 6:10

Mu nouwa kokavit veme, “Iyakaisi ge Natawa Ayapaneba. Piyu egave wakeeme igiyawa gumbo ge den kepte munana, sira di numawa oya garawa gumbo den ana gare ande. Koni anintom nu amaratawa, ge kepte muna sira garawa a?”

REVARESION Jon Gumbe Iesu Keriso Taibe Toyau Nunnewa 8:13

Ne yauna. Manubada desirom me piyu kwimin yapave veregaivi noiwa kokavit waivi, “Kukaeba matatpe. Kukaeba matatpe. Kukaeba matatpe piyu egave vinemewa gumbo. Aneya upeba duwamdesi kae trampet muma upitan eme.”