REVARESION Jon Gumbe Iesu Keriso Taibe Toyau Nunnewa 2:9 - Maiwa: Gae Mataiwa

⁹ “Ne yaug anona ge yaigiwa geuma sira tanam tanam geuma gumbe,—megara ge tawara abnawa.—Iyayapan upeba mu mumbo Ju igiyawa waya go mu Ju igiyawa onan, sira mu Seitan sinagogue meuma igiyawa. Ne yaug anona mu ge gungap kukaeba veme.

REVARESION Jon Gumbe Iesu Keriso Taibe Toyau Nunnewa 2:9 Iomraidhean Croise

Matiu 4:10

Iesu me digwane, “Seitan, gunap asipa aga! Kuiyawa me aib tene: ‘Ayapan God geuma waiya, sira me mekut nau meuma a.’ ”

RUK Gae Oraiwa Ruk Tenewa 12:21

Bira da me tawara membo oya unaiwadne, megara me God namive tawara onan abnawa anewa, me maibe mame mina.”

RUK Gae Oraiwa Ruk Tenewa 22:65

Sira mu gae kukaeba obiren me gumbe waya.

RUK Gae Oraiwa Ruk Tenewa 4:18

“Ayapan Guwawa meuma gunap wakene. Kuiyawa me oira gumbe waribiya nedne, gae oraiwa dividivi onan igiyawa gumbo opata watan oya. Me baraunedne onedna. Ne anekna nog igiyawa gumbo anog yankwetan oya watna. Yanga boredmusiawa igiyawa gumbo yangut oraimina atan oya watna. Sira nau ibnawa auemewa waita mumpe ingui amtan oya watna.

RUK Gae Oraiwa Ruk Tenewa 6:20

Me yangawa enagat aigowawa yawam wane. “Pukpuk wagawag igiyawa ye guniyap waribiya wakeigimpe, kuiyawa God toimuwawa me yeumawa.

JON Gae Oraiwa Jon Tenewa 16:33

Ne dividivi undag mame wait diruinawa, me ne gunap ye yum autan oya. Piyu mame danave ye matai danadawai auya. Megara yutuiwa sira auya! Ne wait piyu mame tona aigne.”

Apasoro 14:22

Mu aigowawa guwowa gumbe yusiwa muniya. Anotumat kikikit yumnattan dirumeme. Mu waya, “God toimuwawa danave nu uniktanwa me yaigiwa obiren dadi danave unigtan ete.”

Apasoro 26:11

Sira ne kum evedni sinagogu dada gumbe angeni mu nau ibnapam atan oya. Ne ayamuneni gae kukaeba wape. Ne ginanganwa pipau toivine, sira toimu upeba apa mu edawai muntan oya anedna.

Romu 12:12

Owanowan gumbe degadega aigimiya. Edawai gumbe uiwa nikiyaigimiya. Evedni nun waigimiya.

Romu 2:17

Ye waigimiya ipewa, “Nu Ju igiyawa,” sira Gwangwan gumbe wakeigimiya ipewa, God gumbe degadega aigimiya ipewa,

Romu 5:3

Me mekut onan, megara nu danadawai gaibu degadega ete. Kuiyawa nu mamaib anoete. Danadawai ape nu unwa nikiyag waketanwa oya.

Romu 8:35

Bira God baigan meuma gumbe tam ube tenumpe. Me ibnawa go, danadawai go, edawai go, iyagon go, ui kwapiwavit go, tapon go, deba go?

Romu 9:6

Megara God gaiyawa me yusiwa onan den ane. Kuiyawa nu oma den ane wata Isuraeru apa onamiya igiyawa undag mu Isuraeru.

2 Korint 6:10

Mu anoeme nu danadawai auete, go evedni degadega ete. Mu anoeme nu tawara onan igiyawa, go nu wattu iyayapan obiren tawara igiyawa aya. Mu anoeme nu divi da gunup onan, go dividivi undag nu gunup wakene.

2 Korint 8:2

Kum kukaeba di danave mu danadawai aueme, go degadega muma noidauwane. Mu tawara onan di igiyawa, go degadega muma noidauwane. Sira, degadega muma me anoano oraivitwa ane, me gumbe anoano tawaraeba igiyawa ane. Me gumbe mu dividivi keb ag atan itan muniya.

2 Korint 8:9

Ye Ayapan numa Iesu Keriso ano oraiwa meuma anoyana. Me tawara abnawa, go yenan oya tawara onan abnawa ane, me gumbe ye tawara igiyawa aya oya.

1 Tesaronika 3:4

Nu ye guniyap waketu kumiwa apa, nu diruientuwa matai danadawai auta. Natawa di, ye anoyana gare me matadne.

1 Timoti 1:13

Ne namu gae kukaeba wanawa, edawai munnawa sira iyayapan upeba gumbo kukaeba anawa. Megara me ne ano nedne, kuiyawa me apa ne anotumat den ana den yaug anona.

1 Timoti 6:18

Sira mu diruma oraivit ape, dividivi oraiwa obiren ape, sira iyayapan upeba gumbo baigan gumbe keb aigimpe.

REVARESION Jon Gumbe Iesu Keriso Taibe Toyau Nunnewa 1:9

Ne Jon, ye tateiwa, Iesu oya ibnawa ge God toimuwawa ge iyai waketanwa ye auyene mina ne aueni. Ne God gaiyawa ge Iesu taibe watanwa oya ginayapawa veme Patmos apa wakena.

REVARESION Jon Gumbe Iesu Keriso Taibe Toyau Nunnewa 2:13

“Ge ampa vinege ne yaug anona. Me apa Seitan wakeivi arawa. Ge ne ivunwa yumnatege. Antipas me ano amat oraiwa sira ne yangave yaunedne. Gwetoimu yeuma danave Seitan gaibu wakene. Me kumive me toen guriya botone, go ge anotumat gunap egewa yan den kweyana.

REVARESION Jon Gumbe Iesu Keriso Taibe Toyau Nunnewa 2:2

“Ge egewa sira nau geuma yaigipam egewa, iyaiyai waketanwa, yaug anona. Ne yaug anona ge kukaeba igiyawa gaibu toboratan oma den ane. Sira mu mumbo apasoro waya go mu onan. Ge yawamana sira mu ugauga igiyawa ge yawam anoana.

REVARESION Jon Gumbe Iesu Keriso Taibe Toyau Nunnewa 2:24

Megara ne iyayapan upeba at Taiataira danave wakeyawa ye diruieni. Ye toyau wayau meuma den yumnasiyana sira Seitan ano guwavewa den anoyana. Ne ibnawa da ye den yentna.

REVARESION Jon Gumbe Iesu Keriso Taibe Toyau Nunnewa 3:9

Yauya. Mu Seitan sinagogue meuma igiyawa. Sira mu waya mu mumbo Ju igiyawa, go mu onan mu uga veme. Yauya. Ne mu onam ge amagap koniwa yupe. Ne baigan gungap eni mu matai anope.

REVARESION Jon Gumbe Iesu Keriso Taibe Toyau Nunnewa 7:14

Ne me gumbe wana, “Ayapan neuma, ge anoana.” Meve me didnedne, “Iyayapan mame mu yaigiwa kokavit danave dauwag onamiya. Mu wape mumawa Sip Usiwa di meuma gumbe muiniya pupuyu aya.