REVARESION Jon Gumbe Iesu Keriso Taibe Toyau Nunnewa 2:7 - Maiwa: Gae Mataiwa

⁷ Ge anotan oya naunagwa gaibu ipewa, Guwawa siosi gumbo waiviwa anoigima. Bira da aupewa, ne atna me inaiinai yomaeba magawa nape. Me God paradais meuma danave wakenewa.” ’

REVARESION Jon Gumbe Iesu Keriso Taibe Toyau Nunnewa 2:7 Iomraidhean Croise

Matiu 11:15

Bira da naunawa gaibuwa me kweya anope.

Matiu 13:43

Me apa oraimumu igiyawa mu Mamowa toimuwawa kwiminau danave kum mina yuigimpe esigimpe. Bira da naunawa gaibuwa kweya anope.

Matiu 13:9

Bira da naunawa gaibuwa kweya anope.”

MAK Gae Oraiwa Mak Tenewa 4:9

Meve Iesu wane, “Da bira anotan oya naunawa gaibu ipewa me anope.”

MAK Gae Oraiwa Mak Tenewa 7:15

Divi da asipa daieve wakenewa me apan danave unikpe me oma den ane apan miyot ape. Megara apan gumbe dauwag onnewa me apan miyot ape.”

RUK Gae Oraiwa Ruk Tenewa 23:43

Iesu menan aib garawa wane, “Ne ge natawa dirugeni. Gare ge ne gaibu paradais danave waketa.”

RUK Gae Oraiwa Ruk Tenewa 8:8

Yawa upeba piyu oraiwa egave aigiya. Me yaig dauwag natawa koniwa 100 mina inamiya.” Iesu mame wanewa, me auwane, “Bira da naunawa gaibuwa me kweya anope.”

JON Gae Oraiwa Jon Tenewa 16:33

Ne dividivi undag mame wait diruinawa, me ne gunap ye yum autan oya. Piyu mame danave ye matai danadawai auya. Megara yutuiwa sira auya! Ne wait piyu mame tona aigne.”

1 Korint 2:10

God dividivi mame Guwawa gumbe toyau nunne. Kuiyawa Guwawa me dividivi undag diupe, sira God dividivi meuma mu epampa wakeyawa gaibu diupe.

2 Korint 12:4

Me paradais aug dog aine. Me apa me gae anone me iyayapan oma den ane noiwa wape anope, bira da oma den ane wape.

1 Jon 2:13

Mamanaiwa. Ne yenan gigirum teeni, kuiyawa ye yaug anoyana utupa namuiren wakenewa. Ud mataiwa. Ne yenan gigirum teeni, kuiyawa ye kukaeba abnawa gumbe garawa auyana. Ud usiusi neuma. Ne yenan gigirum teeni, kuiyawa ye Mamunwa yaug anoyana.

REVARESION Jon Gumbe Iesu Keriso Taibe Toyau Nunnewa 13:9

Ge anotan oya naunagwa gaibu ipewa, anoigima.

REVARESION Jon Gumbe Iesu Keriso Taibe Toyau Nunnewa 14:13

Sira ne kwiminau noiwa anona me wane, “Teya. ‘Bira da Ayapan gumbe bo apewa me waribiyape. Gare amatog utan meib di aigimpe.’ ” Guwawa gaibu wane, “E. Natawa di. Mu nau koka eme gumbe nonowa empe. Kuiyawa mu ayawa mu amowo ampe.”

REVARESION Jon Gumbe Iesu Keriso Taibe Toyau Nunnewa 15:2

Ne yauna. Iyam bidwak anewa poeman mina geyu geyu aivi. Iyayapan poeman visive yokeg God munnewa kae aap yumnasiya. Mu mae yusiatatuwa, me irawa wariyawa ge iviwa basiyayawa gumbe mut ag garawa auya.

REVARESION Jon Gumbe Iesu Keriso Taibe Toyau Nunnewa 2:11

Ge anotan oya naunagwa gaibu ipewa, Guwawa siosi gumbo waiviwa anoigima. Bira da aupewa, me bo duwameba gumbe kukaeba den di aupe.” ’

REVARESION Jon Gumbe Iesu Keriso Taibe Toyau Nunnewa 2:17

Ge anotan oya naunagwa gaibu ipewa, Guwawa siosi gumbo waiviwa anoigima. Bira da aupewa, ne mana guwavewa wantna. Sira, ne an puipama wantna. Me egave iviwa mataiwa tene. Iviwa me an aupewa mekut anope.” ’

REVARESION Jon Gumbe Iesu Keriso Taibe Toyau Nunnewa 21:7

Bira da aupewa me dividivi mame undag amarape. Ne me God meuma ape sira me utunwa ape.

REVARESION Jon Gumbe Iesu Keriso Taibe Toyau Nunnewa 22:14

Iyayapan mu wape muma muimpewa waribiyape. Mu inaiinai yomaeba natan oya yusiwa gaibu sira oma ane ankwin gumbe gwetoimu unig ampe.

REVARESION Jon Gumbe Iesu Keriso Taibe Toyau Nunnewa 22:17

Guwawa ge vesin memgebip mataiwa wape, “Onaga.” Sira, mame anopewa wape, “Onaga.” Bira da meyawa toyaiviwa, kweya ompe, sira inaiinai yoiba natan anoiviwa kweya ingui nape.

REVARESION Jon Gumbe Iesu Keriso Taibe Toyau Nunnewa 22:2

Me gwetoimu ebuwawa kokawa bunangave uwag onivi. Yoi visivisiwa apa inaiinai yomaeba yokeya. Mu yoma magawa 12 ineme sira dud evedni danave magawa ineme. Sira yoma kwayawa at sinsin igiyawa warinam muneme.