REVARESION Jon Gumbe Iesu Keriso Taibe Toyau Nunnewa 2:1 - Maiwa: Gae Mataiwa

¹ Siosi at Epesas danave wakenewa aneya meuma gumbe teya. ‘Me naniyutanwa danave marantun 7 yumnad munnewa, sira gooru dun yokeyawa 7 yapowo aiviwa me dividivi mame oya waivi.

REVARESION Jon Gumbe Iesu Keriso Taibe Toyau Nunnewa 2:1 Iomraidhean Croise

Matiu 18:20

Kuiyawa apan duwam go duwamdesi ne ivunwa gumbe onam agoniyapewa, ne mu gaibu.

Matiu 28:20

Sira ye anoano undag me ne toyau yennawa toyau muniya, anoano undag noiwa aug amarape. Yauya, ne kum evedni ye guniyap, piyu mame oieba gumbe viripusiwa onan.”

JON Gae Oraiwa Jon Tenewa 5:35

Jon me damempa ig esiviwa. Sira ye imuyep me eyawa meuma danave koni kusida degadega atan anoyana.

Apasoro 18:19

Mu at Epesas uwaya. Poru asimeve Prisira ge Akuira kwemne me mekut sinagogu unigne Ju igiyawa gumbo garawano aya.

Apasoro 18:21

Me wak kwem agi wane, “God ano meuma ipewa ne matai sira taig onekna.” Meve me at Epesas apa wa gumbe dauwag aine.

Apasoro 19:1

Aporos at Korint apa wakeiviwa, Poru amave at ebu me poeman visive onan aig Epesas uwane. Asimeve me aigowawa upeba yawamne.

2 Korint 6:16

God temporu ge ugauga god divi da ano desirom wakene? Onan. Kuiyawa nu God viniviwa temporu meuma, sira God wane, Ne mu yapowo vin gigimpna. Ne God mumawa atna, sira mu iyayapan neuma ape.

REVARESION Jon Gumbe Iesu Keriso Taibe Toyau Nunnewa 1:16

Me naniyutanwa danave marantun 7 yumnadne. Me noiwa gumbe mut tumiwa dauwane. Me donawa gamben gamben waivitwaya me ginangawa kum mina igivi.

REVARESION Jon Gumbe Iesu Keriso Taibe Toyau Nunnewa 1:20

Ge nanin yutanwa danave yawanawa me marantun 7, sira gooru dun yokeyawa 7 me ano guwavewa mamaib. Marantun 7 me siosi 7 aneya muma oya, sira gooru dun yokeyawa 7 me siosi 7 oya.

REVARESION Jon Gumbe Iesu Keriso Taibe Toyau Nunnewa 12:1

Kokawa ge ano pipanum irawa kwiminau matadne. Vesin da kum enne, dud me amawa ankwatave, kuiyave kin keretawa me marantun 12 gaibu.

REVARESION Jon Gumbe Iesu Keriso Taibe Toyau Nunnewa 2:12

Siosi at Perugamam danave wakenewa aneya meuma gumbe teya. ‘Apan me mut tumiwa aune me donawa gamben gamben waivit waya. Me dividivi mame oya waivi.

REVARESION Jon Gumbe Iesu Keriso Taibe Toyau Nunnewa 2:18

Siosi at Taiataira danave wakenewa aneya meuma gumbe teya. ‘God Usiwa me yangawa meru igivi mina, sira amawa me brass ig merawaivi mina. Me dividivi mame oya waivi.

REVARESION Jon Gumbe Iesu Keriso Taibe Toyau Nunnewa 2:8

Siosi at Sumiruna danave wakenewa aneya meuma gumbe teya. ‘Me Namuwa ge Oieba. Me boane sira inaine. Me meib waivi.

REVARESION Jon Gumbe Iesu Keriso Taibe Toyau Nunnewa 3:1

Siosi at Sardis danave wakenewa aneya meuma gumbe teya. ‘God Guwawa meuma 7 ge marantun 7 yumnad munnewa me dividivi mame oya waivi. “Ne ge egewa yaug anona. Iyayapan veme ge vinege, go natawa di ge boana.

REVARESION Jon Gumbe Iesu Keriso Taibe Toyau Nunnewa 3:14

Siosi at Raodisia danave wakenewa aneya meuma gumbe teya. ‘Me Amen, me anotumat gumbe natawa taibe waiviwa abnawa, God dividivi amatog wadnewa, me dividivi mame oya waivi.

REVARESION Jon Gumbe Iesu Keriso Taibe Toyau Nunnewa 3:7

Siosi at Piraderupia danave wakenewa aneya meuma gumbe teya. ‘Iyakaisi ge natawa ge Devid kii meuma aviviwa dividivi mame oya waivi. Me watabnewa bira da oma den ane tobotpe. Sira me tobodnewa bira da oma den ane watappe.